大埔樓討論區 （1）

但新樓普遍2萬幾蚊呎
仲要新樓實用間格特別差
廁所整到大一大 又露台
屋內地方變相細到不得了

無錯，大中巴士站先正，總站有位坐，咩線都有
以前住翠屏覺得勁方便

食咩都有，去區內邊個位都方便

講開美菱居隔離都起梗樓

難得市中心新樓期待

肯定勁多人買，市中心真係餓左好耐

市中心新樓好吸引
唔知個則點，應該一梯兩伙

翠屏雖然舊，但放租回報率高，太方便

無辦法地都要取捨
十全十美就天價買唔起
巴打而家都係住緊大埔準備換樓？

上車盤八號花園點睇？

唔好買J室就得

點解唔好買J室？
空間好四正 又無鑽石廳鑽石房

有人會覺得入門口個走廊位好哂尺數
但唔喜歡鑽石型既朋友想買八號都可以考慮

暫時大埔中心同太湖花園係最多上車盤

咩都有人嫌
冇走廊但五門歸心又話唔好

五門歸心而家好多人係廚房整暗門入廁所，實用左好多了

聽講要上幾層商場 先到大廈平台
再要由平台行返大廈門口 先返到屋企？

無錯 點都有人嫌
Btw 各位住緊大埔30幾年樓
黎緊會打算點部署
始終按揭就75減
過多幾年就40幾年樓
大家會繼續住 定係打算換樓
利伸: 大埔人 有得揀唔想搬出大埔

其實啲大型屋苑銀行會彈性處理？
美孚新邨仲舊啦，又冇乜聽過按揭有問題
利申：可能有問題只係我冇聽過

冇錯。好似火車站閘口對出電梯後面有lift上平台？咁就唔使兜商場

係都好d, 唔係既話衰過轉車