蛀牙睇牙醫 1個話補牙 1個話杜牙根 點好

想請問巴打，我小朋友五歲，無牙痛，淨係保健話有一隻蛀牙叫佢定期檢查，點知一去睇牙醫，照一照X光，話佢有六七隻蛀，仲有兩隻要杜牙根（但佢無痛，牙醫都無做任何其他測試）

係咪都應該睇多幾個，搵個肯就咁補既去做？

恆齒同乳齒唔同，我唔知你小朋友係邊隻蛀但係通常大概六歲先出恆齒我當你全部乳齒計。
小朋友通常唔會做其他測試，因為唔準。一般clinical examination 同 x-ray 就可以。
乳齒修復能力無恆齒咁好，同埋因為牙髓比較大，一般如果蛀得深就要做pulpotomy+stainless steel crown.
如果要做好幾隻你又想要2nd opinion 你可以試下搵兒童齒科牙醫。

唔杜牙根得唔得？
佢蛀既都係大牙
牙醫話應該要用到10-12 歲
但我又唔想佢全身麻醉

如果真係配合唔到補牙
會唔會搽氟觀察住先都可以？

如果蛀到入牙髓就要做pulpotomy架啦，如果就咁補到時有機會發炎，小則生牙瘡大則facial cellulitis。
唔一定要全身麻醉，有啲小朋友唔驚可以做nitrous oxide sedation。但係如果小朋友驚就要全身啦。

巴打覺得咁樣係咪好大機會要杜？

拿，我雖然外國註冊但係我真係唔敢係度就咁俾個advice 你。如果你真係想搵個 second opinion 就搵個兒童齒科專科睇睇。我諗香港應該有的。

約左聽日睇了，如果都係話杜牙根，我仲會睇第三個

自己research 左幾日，覺得搽SDF 先，三個月後再睇下有冇嚴重到，同埋細路對鑽既接受能力有幾高先
唔痛一定唔杜牙根

咁你自己已經有個自己想要嘅treatment plan 睇幾多個你都係唔會信。
只能講有時唔係話痛先要做pulpotomy。
你與其係度諗點解要杜牙根不如你諗下自己個小朋友咁多蛀牙？

已經改晒佢既飲食習慣
因為佢好瘦，西醫叫佢小食多餐

之前正餐食成個鐘，又分開食生果，茶點，飲奶，每日成七八次食野

而家個日只比佢食四次 最多三十分鐘要佢停

最後專科點講呢？

佢睇完X光，都話算多蛀牙，有兩隻突別深，話全部都係牙縫引發蛀牙所以都係打孖打孖咁蛀
但佢都斬釘截鐵話我小朋友無乜可能接受到補牙（佢已經全場超NICE，當正朋友咁同佢玩），除非監察麻醉
傾完一大輪，所幸佢暫時無牙痛又無任何發炎，敏感，就全部有蛀既都搽晒藥水先，一種係會變黑，一種係唔會變黑（佢話表面無洞個D搽SDF無乜用），再叫我地要改變習慣唔好再令佢蛀牙，刷好D，觀察住先，三個月後再望望有冇惡化同到時會唔會無咁驚可以補到

佢有提過補牙時有一種叫根管治療，但又無話需要，又無話一定唔洗咁囉....

根管治療咪杜牙根囉