蛀牙睇牙醫 1個話補牙 1個話杜牙根 點好

屋企人有隻大牙蛀咗 但唔痛既
睇咗2間牙醫 第1間話可以補 第2間話蛀得好勁要杜牙根

想問如果去第1間補咗 但實情真係蛀好勁既
會唔會最後都要杜牙根？
定其實個牙醫補得掂就冇問題？

求幫忙解答感謝

唔痛即係未到神經，梗係補牙啦，杜牙根就係痛先要抽神經出嚟！

唔痛做咩杜牙根? 杜牙根係要嚟產痛, 唔係要嚟防止蛀牙
蛀牙唔痛就梗係補牙啦, 佢想你杜牙根係因為杜牙根貴好多

唔痛做咩杜牙根? 杜牙根係要嚟止痛, 唔係要嚟防止蛀牙
蛀牙唔痛就梗係補牙啦, 佢想你杜牙根係因為杜牙根貴好多

會 試過醫生同我講話好深
我唔想杜 佢話可以補,
最後補左都係痛要去杜
樓主都可以博下既

杜牙根即係殺咗隻牙

補牙可以返補

杜咗唔使再煩

其實本身係唔痛
但個牙醫篤一篤完個蛀牙位檢查之後
呢幾日嗰個位間中會有d感覺

建議要補嘅搵個好啲嘅牙醫補
試過一開始只係諗住補蛀牙
補完之後反而變左神經痛
痛到半夜會醒
結果都係要杜牙根

補咗先好啲
杜牙根之後隻牙就會死咗
用埋crown, 10-20年後都會甩
如果補咗冇事隻牙唔會死
但如果蛀得太深補完之後都蛀就要杜
咁你就要比補牙+杜牙根錢
不過補牙唔貴, 搏得過, 除非照完x光真係蛀到入牙髓, 但如果蛀到入牙髓應該會好痛

補咗先啦, 之後真係痛再杜牙根都未遲
不過話你聽先, 係有機會補完隔一排先會痛, 咁到時就要杜牙根

補牙都要磨走蛀咗爆咗嘅部份再填返補牙物料，補牙先5,6百蚊，杜牙根要二千幾，冇痛真係補牙先囉！

感謝大家！咁夜都覆
應該會同佢去補牙先！

咁平?
我上次補牙1000, 杜牙根5000

有啲醫生係收得好貴！

因為有d 蛀牙好深但又未入到神經，係牙醫補個過程要鑽走d 蛀牙先，就會有機會刺激到個神經做成牙髓發炎，咁你補完就會痛，亦都有機會咩事都冇。

所以有d 牙醫見好深就會叫你直接杜牙根廢事d 病人補完番去痛又走黎投訴

我而家杜緊牙根 本身完全唔痛 但好大個窿
牙醫話要杜 不過做做下佢好似有大發現咁 講咗句 你隻牙原來幾長幾深
我心諗明明你照過幾次x光 都唔知本身洗唔洗杜

補牙 除左錢之外
杜左牙根隻牙就半死 , 補到就補啦

我有隻蛀得深，個醫生話要鑽開左先知補到定補唔到，最後好在都補到唔洗杜

果次都幾係嘢，又要打麻醉又要顯微鏡補，大家要好好刷牙

我年頭先補＋杜，果時做左好多功課
年頭我兩隻牙蝕左，但唔痛，一來貴又怕痛所以選擇補
一隻就補完，到而家都間中「撩下撩下」痛/牙痕
但另一隻就補完過兩日超痛...係痛到仆街果隻！！訓唔到，食止痛藥都無用，果隻痛到而家諗起都記得.....（補牙失敗）
最後都係杜...原本果間開我$5000杜，$3000-4000牙套
聽完去另一間網上好評既，5k杜加牙套
唔太痛，OK啦

基本上，補牙多數300-500
但杜牙隻牙就一定會死，而且5k-8k
所以補到既都試下補左先
除非醫生好無信心..啫係蛀到好近神經，補牙要磨走少少表面，咁佢就多數叫你直接杜

所以你都係叫佢試下補左先(但一定要搵有信譽既...因為我覺得我第一個牙醫係有心磨到我杜牙....貪近先揀佢，網上睇先知好多人都中招）

邊到杜牙根咁平

好想知邊到杜牙咁平

睇過幾個醫生聽杜牙都萬萬聲 想知邊到杜牙根咁平

碌牙同杜牙根其實係唔係一樣？ 有咩分別

剝牙