分手完再復合要點樣克服內心嘅恐懼？

當初分手嘅原因係對方覺得已經唔鍾意我，分完手過咗唔係好耐就一齊返，話發現自己仲係鐘意我，只係之前迷失咗。復合之後都感覺到佢有努力修補返個關係，冇再好似以前咁冷落我。

但我好似變得更加容易焦慮。好驚會再次失去咗佢，好易會亂諗嘢，有時會驚到抖唔到氣，有時會發惡夢見到被佢背叛咗。

有冇啱啱復合返嘅巴絲都係咁？
點先可以令到自己唔好咁焦慮
俾返啲信心對方同自己

分手算啦

絲打，難得有情人，佢搵得返你就唔會再咁易走嘅，唔係人人可以破鏡重圓相信自己嘅魅力啦
不過一定都要俾啲時間，等你哋關係再穩定返你呢種感覺就會再平息返啲架啦

哈 又一pair準備分手 開心～

多謝你 聽得太多人講復合最後個結果都係散，希望我哋會係成功破鏡重圓嗰個啦

唔駛客氣總有例外嘅，如果你哋分手主因唔係相處/其他問題而係在於你bf本人諗唔透，咁佢諗清楚，你又肯俾機會佢，問題咪解決咗囉

純粹係覺得一個人好易變，一時可以好鐘意，一時又可以突然就唔鐘意。

過程中有啲事係幾hurt嘅，但只要對方仲未講話唔愛我，我都唔會放手。

點樣分手先唔hurt對方？

咁你即管信埋佢呢次人有時真係會唔知自己想點，唔知咩對自己先最重要，但我諗佢返得嚟搵你都係因為真係後悔，之後亦有用行動去證明想令你安心，多少代表佢知錯，知自己問題喺邊
明白你嘅不安，人心難捉摸自然會不安。但既然絲打已經明確決定自己唔會離開對方，咁你哋冇得揀，都係要行落去試試 希望你哋成功

巴打呢個世界冇唔hurt人嘅分手點都會有 (除非對方都想分只係睇下邊方開口先)

我會加油

如果係一次分手再復合就可以比機會，但佢仲講悔氣說話或者再講分手就即係佢本性難移

人失去左之後得到番，如果都唔識珍惜嘅之後就唔會珍惜，有時候愛好緊要，但愛同識得去愛識你一樣咁緊要

當然我都希望對方識珍惜你，同埋之後都好好咁過去，但當局者迷，不妨可以睇下身邊朋友（講緊要多啲人，唔好淨係一兩個希偏見嘅）覺得佢值唔值得，自己心入面有個譜止損點係邊

利申過來人，一年被分手六次，最後個次佢掉低左我自己一個係外國終於諗通，依架有個好好嘅伴侶，有啲後悔當時第一次被分手之後又一齊番，浪費時間都唔係重點，個情感最難熬

樓主加油！

分手再復合
十對有九對都會再散

過來人分享 對於安全感極低嘅人黎講 分手搵過個會係最好嘅選擇 心入面點都會有條刺 每日擔驚受怕嘅感覺真係好難受 再聽得多鼓勵嘅說話到最尾都係捱唔到落去 因為真係唔夠愛

有啲位真係要止損 唔好咁傻
佢未講出口話唔愛你
但係其實愛意係靠做 靠行動去證明
唔係靠講
愈係口講話點愛你 點唔可以無咗你果d
愈係得個講字
過來人

多謝你！
Cls...仲要俾人掉低埋喺外國
好彩你個陣諗通咗，依家擺脫咗就好了

我都想聽下有冇成功例子

分啦

每次一諗到之後搵過個又要重新認識，重新建立過所有嘢。同埋下一個都可以好易對你淡咗，就覺得好攰完全唔想識過第二個

真心想同佢行到最後，所以會試咗修補先。

以為自己出post但我上個月分左手
係佢講分手之前我又係好驚，每日都好焦慮，好驚佢又突然話唔愛我同我講分手，我身邊啲朋友個個都勸我離開佢，但我唔想
到最後佢都係話原來唔係想像中咁愛我，唔想耽誤我就同我分左手，到最後我又變返做自己一個...
其實我都幾後悔嗰陣冇聽朋友勸又同佢一齊返，搞到自己咁辛苦，我到宜家都係未放得低，諗起俾佢拋棄咗兩次就覺得好痛苦...
佢講得出已經唔鍾意你依啲說話就代表其實佢真係唔係好鍾意你，佢自己都質疑自己對你嘅感情
樓主加油，唔想你步我後塵，有時啲野真係要識得放手，唔好虧待自己

我是個失敗例子

復合個陣都係佢挽回你？

咁有冇後悔過？