【重大嘅一晚】
菲臘斯表示雙紅會擊敗曼聯係重大勝利。
「比賽過程好似坐過山車一樣,今場波感覺奇怪,我地付出好多努力,絕對得來不易。開局表現唔好,但我地奮力作戰確保三分到手。我地向正確嘅方向踏前一步,黎緊仲有三場比賽,但呢三分係極為重要。」
「我地入局比較慢,雖然先落後,但我地仲有彈藥撥亂反正。其實我自己唔太擔心,其他隊友都唔太擔心,我地知道自己發揮得未如理想,但一定會漸入佳境,最終我地齊心扭轉敗局。」
「呢三分令我地爭前四目標近咗一步,毫無疑問我地要贏晒所有比賽先有機會完成任務,今場係其中一步。今晚過後,我地又要準備下一場挑戰,今晚好好享受勝利,聽日又要再上路。」
「今場成為餘下球季嘅指標,我地要建基於今場嘅勝利,並從中學習,去應該餘下三場。今場入局太慢係要改善嘅地方,黎緊一定唔可以重蹈覆轍,但好明顯對信心會有提升。正如我所講,唔需要因為今場勝利而太得意忘形,我地仲有三場重要比賽,必須專心一致完成工作。」
https://www.liverpoolfc.com/news/first-team/434082-nat-phillips-reaction-manchester-united-premier-league
#LFC #YNWA #WeAreAnfields12th #A12HKMO #A12OLSC #A12LFC