其實我仲未on board,呢個offer都未知係咪伏
而家結果論嚟講,我承認搵咗2個月就搵到真係好好彩,所以你話如果半年都搵唔到啱心水就唔係咁講,我都搏唔到,可能到時個人好頹都未定
我只係想分享吓自己嘅經歷,大家唔同意都無所謂。一齊討論吓又得,一班爸絲打互相呻吓又得,集思廣益傾吓interview又得。因為我哋當中有人係經歷緊失業/係過來人,we are not alone.
我同意搵工係好講運氣,對家鍾意個candidate嘅話,唔識做啲嘢都會照請,呢啲嘢人夾人,以前有啲大佬仲擺到明淨係請靚女添
另外我都覺得識人好過識字
呢段時間試過狂send cv無回音,hea send反而有幾份同時間有得interview,同意搵工真係好講運氣。
仲有,我人到中年30歲先裸辭,正正就係我轉咗新工發現係大伏,係真係有考慮過同經濟上計過數頂得住先quit,你講過嘅隨時要搵半年我都有expect過。
我想帶出嘅係失業期間心理係好難受,可能有自己俾自己嘅壓力、家庭嘅壓力等等,真係要有呢個心理準備。其實我辭職嗰晚同我老母講,佢都屌鳩我㗎,頭嗰幾日都無好說話聽。但我同自己講唔辭都辭咗,返唔到轉頭,所以就算我媽咁嘅反應都唔太放上心
喺工作 or 事業上,第一個要負責任嘅人就係自己,其他人都係其次。我都俾過deadline自己就係3個月內搵唔到,就炒散都要頂住先,起碼要支持到自己基本開支,同埋唔好令個人精神上變得懶散。
P.S. 失業2星期後,其實個人都開始變懶,成日瞓喺張床度,唔知想點咁,好易亂諗嘢搞到精神緊張/抑鬱,但平時對住家人朋友、另一半又要扮無嘢