3月頭裸辭咗份新工,未過probation即日走。搵咗個半月有新offer,聽日on board。
諗返轉頭,最新呢份title同人工都高咗,如果我返之前嗰份,當我做咗一年後再搵工,都係而家咁上吓offer,時間上我而家career進度仲快咗1年。
另外,其實人生要做幾十年嘢,抖2個月嘅機會都未必會再有,同自己講咪當take個long break。
我想分享吓,裸辭期間真係要manage自己嘅expectation。我已經有定心理準備要搵2-3個月,saving都夠頂一段時間,我自己都有諗如果2-3個月都搵唔到,就做住foodpanda先。其實過咗頭1個月都開始有壓力,overall send咗幾十份cv先有3-4個interview,我明心理上嗰份懷疑、不安。
另外,我媽都好好,知我辭咗職都話可以唔洗俾家用住。(最後我失業期間淨係俾一半家用,覺得點都要俾少少) 女朋友嗰度,因為佢返醫護好stable,無咩試過搵工轉工,唔太確切掌握而家環境咁差搵工嘅難度,過咗頭一個月後,佢仲心急,睇JobsDB密過我 有時仲send埋啲job ad俾我 呢吓係有少少不是味兒,不過我知佢出於真心擔心我,佢嘅background又未必太明搵工嘅困難。我有同返佢講自己預咗一段時間先會搵到,叫佢唔好太緊張,佢之後都明返。但我都好多謝佢,呢段時間嘅支持。
最後,想同大家講,工一定會搵到,反而要喺搵緊嘅時候,調整好自己嘅心理,唔好俾自己太大壓力。家人如果唔諒解,咪唔洗理佢,相信自己就夠。香港哋差極都好,有手有腳都可以送外賣,唔會餓死,祝願大家快啲搵到好工