有冇人係感激父母生自己出嚟？

本身個家庭就有問題嘅有錢冇錢都會發生

你自己係會比較嘅人，點會教到唔比較嘅小朋友，狗口長不岀象牙

無怨+1

利申應該算好醒既人，不過份人極懶

分類必要開支同非必要開支都係比較嘅一種
照你講，由分類開支起就教唔出唔會比較嘅細路

分類同比較係兩樣嘢嚟
豬肉係肉類，生菜係蔬菜類，唔會因為雞肉同豬/菜比較所以雞肉歸肉類
食飯係必要，但食幾百蚊嘅放題係非必要，唔係因為同普通屋企飯比放題貴啲所以算非必要，而係唔食飯會死會影響健康，唔食放題食其他唔會死

其實我感唔感激父母生我出嚟同我下一代會唔會感激我生佢出嚟完全無關

即係你覺得生育係滿足到仔女最基本生存條件就得？

香港難揾d
多數勞碌命
辛苦大半世爭餐死

去果d咩全球最幸福國家可能揾到

香港難揾d
多數勞碌命
辛苦大半世爭餐死

去果d咩全球最幸福國家可能揾到

我就係驚第日仔女怨我生佢出嚟

咁你自己覺得現時有無野應該要怨你 ?

沒錢唔好生 害左個小朋友我同女朋友都有共識
除非中左六合彩頭獎 如果唔係唔會生

出面好多人攞綜援 3815 蚊一個月都生存到添

意粉係分高中低價位啊
但窮人係一世都要食低價意粉啊，你食得多cheap嘢都會想試下啲中價/貴價意粉啦
窮人連試嘅機會都無啊

我 好多謝佢地

睇你點定義生存條件囉，適當時比少少錢令佢開心都係必要，例如生日食好嘢，考得好有禮物，有意義嘅咪必要囉，少食多滋味多吃壞肚皮嘅道理

一個人同三個人有分別喎，主要係睇老豆老母囉，佢自己都未食得飽就養多件咁當然唔好啦，我頭先都講係睇能力嘅，冇話支持冇能力都生，我嘅窮唔係做乞兒嗰種，只係話唔駛一定要有咁多非必要嘅物質嘢

咪就係睇你點教個仔女囉，生完唔駛教？下下都要食高級嘢先叫負責任？食平嘢就係慘？平都可以整得好食㗎，講到尾咪又係自卑感作祟，硬係要比較

香港人係咁㗎啦，乜都要比較，唔係100%唔食藍店唔買藍貨唔喺示威行到最前都冇資格叫黃，因為大把人「黃」過你，唔係最黃就唔係黃，而唔係根據政見分類
咁嘅人又點會教得岀唔比較嘅小朋友

咁所以即係都有分比較好同比較唔好
但當小朋友發覺自己只可以過時過節，或者要考得好好先會用到D人哋每日都用緊嘅嘢時
或多或少都會有唔開心，而呢種感覺唔係你理性同佢解釋完就會無咗嘅嘢

我指嘅窮有窮養唔係講緊老豆老母都冇時間照顧冇時間教嗰啲
係講緊可以提供機本生活同時間去教育嗰啲
唔係支持緊班垃圾父母生完岀嚟唔撚教掉比爺爺嫲嫲掉比學校由佢自生自滅嗰啲
我已經講咗個前提係識教，唔識教有錢冇錢都一樣
根本就係你覺得工人興趣班係基本需求先會計埋落必要項目度
我指緊嘅窮有窮養係撇除非必要嘅物質享受，唔係指緊冇能力都格硬要生嗰啲

係吖，我細個都冇好似人哋咁去旅行去食好嘢去興趣班，係有少少唔開心，但咁就叫唔好？咁就叫父母唔負責任咩？日日食和牛，習慣咗仲會覺得好食咩？點樣去處理，去了解係要父母去教嘅
所以點解依家嘅小朋友抗壓能力咁低就係咁解，咁又真係唔生好過生，一陣玻璃心自覺比人差去跳樓仲麻煩到其他人

1. 窮有窮養冇問題，只要父母教識小朋友唔好同人比較物質生活
2. 會比較嘅人教唔出唔比較嘅小朋友
3. 有適當嘅獎勵係必要，要分類必要同非必要
4. 你自己話「係吖」比較好同比較唔好㗎

大佬呀唔比較點分類啊，你個豬肉雞肉邏輯錯㗎梗係唔會咁分類啦
必要同非必要係互斥，肉類同菜類唔係呀
除非你話有啲嘢係唔必要同時又唔係非必要啦
唔係嘅話，就算我唔計你4，基於2同3，1係唔成立㗎