有冇人係感激父母生自己出嚟？

由細到大好鍾意小朋友，一直都想組織家庭，想自己小朋友見到世界嘅美好，想帶佢體驗好多嘢，而去了解個世界。

知道香港唔適合生仔，甚至生存，所以都打算移民先要小朋友，但同時又喺到懷疑緊生仔嘅意義。

生仔算唔算係私慾嘅一種？因為佢冇得揀出唔出世，出世嘅家庭都冇得揀。

我完全冇諗過窮都生，咩窮有窮養都係bullshit。但再諗，如果我本身有錢生佢出嚟，但日後家道中落，咁又點算，佢會唔會都怪我呢？如果我第日不幸離婚，到時又比唔到雙倍嘅愛佢，又會唔會成為佢成長過程中嘅缺陷？

可能睇得連登太多，9成post都係不滿自己屋企人，好少見係多謝佢哋。

種種原因都令我係到反思，係咪唔應該生仔，生仔係咪害咗佢一生？生仔嘅意義係咩？究竟有幾多人真係好感激自己父母生自己出嚟？

有 不過佢地冇開post講啫

培生培心(唯一會員答到你)

其他人根本冇資格答

生咩鬼, 地球人口仲唔夠多咩

如果屋企人係好，咁應該唔會怨佢哋生你出嚟？
定其實都會？

屋企人狗屎咁不過有諗過如果有好嘅父母，我一定會感激佢哋

我覺得係睇你識唔識教，同埋窮有窮養我覺得冇乜問題，只要家長都係咁節儉，唔好自己一套小朋友一套，同佢講咩係必要用錢咩唔係，唔好同人鬥物質鬥享受，小朋友都唔係用得幾多錢
做唔到都係因為家長都當興趣班，旅行，食好嘢，靚衫係必要開支，唔係話唔享受得，意思係唔好當係必要，簡單去大公園玩吓野吓餐都可以又平又好玩，有幾多個家庭會咁娛樂？
同埋
老豆老母有幾可會上連登，係多謝佢都親身攬吓佢錫吓佢啦，上嚟講好似晒命咁，少人講都正常

知又會有班人同我計數鬧我唔知養小朋友要幾多錢，冇意思㗎，意粉都分高中低價位啦，唔鐘意就鬧啦，根本連登就只可以得一種聲音

同埋學樓主你話齋
如果佢地好好都唔會係連登到講
正如係連登你都唔會有見到好甜蜜的情侶啦
反而想知樓主你點解會咁問？

住劏房乜柒都無啲細路會好幸福？
無錢無能力生3個做到死好幸福？
點樣窮有窮養
姐係點
你啲仔女見人有佢無咁係咪好好
你覺得好就代表佢地好？

其實你會咁諗已經有potential做好嘅父母

可惜就算你對仔女好，顧及哂佢地各方面
佢地未必會有相同嘅感覺
所以溝通好重要
Make sure we all are on the same page

但有時好多野都係講命運同緣份
其實你控制唔到
諗得太多或者諗得太少都唔應該

順其自然係最好嘅方法

佢地係好
但生到我唔好
細個會怨
大個覺得無奈但會感激

唔好睇咁多連登，呢道係反社會人士集中區
好多都係痴線

認同家長應該叫子女唔好同人比較物質

但依家競爭大咗好多，窮嘅話的確比唔到咩資源佢。而佢可能又會因為屋企窮，冇得去做自己鍾意嘅嘢。

http://the-sun.on.cc/cnt/news/20090530/00405_001.html
呢單點窮有窮養
姐係點

連登問無用㗎
就算有私樓住都會怨父母唔買多幾層

有

https://www.instagram.com/p/COIMbEKLF1a/?igshid=bb5dfbx5dgin

點樣先可以完全教到個仔識得唔同人比較
成人都會有同其他人比較人工啊、工作待遇嘅時候啦
更何況就算個小朋友乖仔識唸唔扭計
但有時見到D人人都有係我無嘅情況，嗰種唔開心嘅感覺係好難控制到，而且係可以記一世的

我嘅窮有窮養唔係叫人唔理自己經濟條件，唔理自己都未養掂自己都堅持要生
生咗就要負責任比到正常生活，但正常生活唔包興趣班靚衫嘅非必要物質嘢

都算你唔係我講果啲
咁呢啲得

no 要多份家用姐
feel唔到愛 見人地有family day都好羨慕

競爭都係源自於其他人無理嘅比較，香港社會風氣係咁但係咪一定要跟？好多窮人都可以做到自己鐘意嘅嘢，如果嗰樣嘢要有錢先做到嗰啲叫揮霍，係非必要