剛剛分手的你，入黎傾下，大家互相扶持好嗎？(193）

前男友係無意識嘅煤氣燈操控者
亦唔會感激他人對佢嘅幫助
覺得係佢地自己想幫 自己就負責接受
面對困難經常選擇逃避
理財觀念0
冇學歷冇樣冇身高（我唔介意 當初喜歡佢係因為性格）

今次 係我第一次深愛一個人

分左手之後我地做左一個好錯誤嘅決定
就係維持友達以上戀人未滿嘅關係

中間發生左好多事情 鬧左好多交
每次應該可以做得更好嘅時候
我都選擇左用錯誤嘅方式去表達自己

到後來佢已經唔鍾意我
但亦冇同我講
等我仲一直為佢付出

直至前幾日因為健康問題
決定同佢坦白
「我要離開你 愛你愛得好辛苦好難受」

到最後...佢依然覺得好多嘢都係我錯
我開始發現原來係我太善良
每次鬧交都將所有錯歸咎於自己
淨係識一味咁道歉
扭曲左好多自己嘅思維

而大部分鬧交嘅導火線...
都係源自佢內心嘅貧乏

在此奉勸各位自認外在條件唔好嘅人
請唔好因為你嘅缺點而害怕其他人睇唔起你
轉而去攻擊你嘅伴侶

每個人嘅優點都唔一樣
冇錢冇樓 但你可以做一個體貼 正直嘅人
而體貼 正直 有錢有樓嘅人未必做得到
請對你嘅另一半好少少
因為佢可能係你人生中少數...
將你嘅優點看作優點
願意同你一齊捱
並接受你缺點嘅人...

最後其實只有一個結論
我愛你 比你愛我得更深
我將你當成生存嘅理由
而你...只係想有個人可以協助你逃離現實嘅痛苦

呢幾日做好多嘢令自己變忙
以為自己冇事
但打文嘅時候
每講到愛就忍唔住流馬尿
食屎啦痴線佬