剛剛分手的你，入黎傾下，大家互相扶持好嗎？(193）

依家個post冇人推 證明大家都走出左自己嘅陰影 好事嚟

時間會沖淡一切 一年之後諗返轉頭 就會覺得好小事

想呻下
我同男朋友一齊咗兩個幾月
一開始嗰時佢好著緊我 成日主動搵我
就算第二日要返工都會陪我傾電話傾到好夜
所以曖昧咗唔夠一個月就一齊咗

之後佢轉咗份新工 加上要半工讀
佢就開始越嚟越忙 一個禮拜只係見到一兩次
一齊咗一個月多啲 就已經好平淡
我哋都成日因為佢唔得閒陪我 而嗌交

佢忙多嘢做 我可以體諒 但我唔鍾意人冇交帶
有時一返工就消失十幾個鐘唔覆機
每日朝早講聲早晨 好啲嘅 放工會搵下我
忙嘅 可能到凌晨一兩點先覆我
但都只係講好忙好攰我訓先啦

有同佢反映過呢個問題 佢都應承我會有交帶啲
最近一次係我哋拍拖紀念日約好出嚟食晏
點知佢又失咗踪 我忍唔住爆佢講咗分手
佢就話從來冇諗過同我散 佢會改
話咩會兩個鐘內覆我msg 求我試多一個禮拜

如是者 我就心軟同佢一齊返
但過咗唔夠四五日 佢又係接近十個鐘唔覆機
我就打咗一段嘢俾佢 問佢當我係咩
佢第二日睇完藍剔我 到依家成兩個禮拜都唔覆

我忍唔住沉日搵返佢 諗住約佢今日出嚟攤牌
但係隔咗陣 佢有online都唔覆
淨係無啦啦post咗首sad歌去ig story
於是我打俾佢 連打咗兩次 佢唔聽

到今日晏晝 我再打多次俾佢 佢又唔聽
我就wtsapp同佢講我唔想再拖
希望佢點諗都至少俾個答覆我
可惜到依家佢依然係不讀不回我

唔知咁樣係咪就叫完咗
佢嚟緊有幾科考試考到五月中先完
可能佢忙？可能佢想得閒先再認真覆？
我唔知仲好唔好等佢
但又唔甘心 唔捨得直接講分手

我信佢真係忙
之前冷戰過 佢話唔知覆咩所以冇覆

佢份人幾幽默 都多嘢講同外向嘅
不過自從佢返工讀書好忙之後
佢好似見自己朋友都少咗

其實係平時係度吹水個班去哂趕功課考試

我就覺得佢唔中意你了 只係你仲中意佢同唔甘心 先會合理化佢做嘅嘢幫佢搵藉口 一個在乎你嘅人點捨得要你等 點捨得令你著急

多謝ching
呢個鐘數睇到仲有人覆都幾安慰
我諗緊下一步應該點做

唔洗再理佢 佢都唔重視你 下個更可愛！

好正常 傷心期

哈哈 原來仲記得 大家都要幸福