女生們你們知道男朋友真正的夢想是什麼嗎？

打你個頭 · 2017-05-20T14:24:38+08:00

如果妳地2個仲係學生哥，咁呢篇野妳地可能未明白但當2個都畢業，香港男仔就會被家人，親戚，朋友同埋身邊既妳叫佢地上進。搵工啦！唔好hea啦仲踢咩波搵錢啦男人窮冇用架，呢啲說話我夠膽講除左超有錢二世祖之外，每一個香港男仔都聽過。當然，男生們都知身為男人搵番2個錢係必要既，所以佢地搵工，番工，早出晚歸，開始進入大人所講既日復一日既生活。為既唔係咩，只係為左比到家用屋企等兩老可以舒服啲，同埋大時大節可以請妳地食餐好既，買份見得下人既禮物比妳，因為係佢地心目中，妳都係好重要。但慢慢發覺男生自己既夢想呢？講緊真正既夢想，而唔係平時答女朋友儲錢上車上樓既模範答案。平時佢鐘意踢波，鐘意音樂，鐘意打機，佢地內心都有夢想，只不過被時間、壓力磨蝕哂。睇到呢度，其實都唔係想話女生錯，明白女生想生活有保障既老生常談，只係想問簡單既一句：你知唔知道男朋友真正既夢想係咩？知道既，我祝妳幸福，未知既，快啲去問妳男朋友。唔係要妳地即刻去支持佢地追夢或者點，畢竟生活逼人，但同佢ff下佢想踢歐聯，想開演唱會，想做新一代達哥，或者妳會搵到另一種幸福其實男仔/男人，想要既未又係一場夢。