軍事實力嚟講,我諗織田軍最強之處在於軍隊既機動性
俾淺井夾都可以走得甩,乃至秀吉既中國大返還,我諗織田軍既機動性應該有其精妙之處
用人方面亦唔洗講,靡下名將數都數唔晒
經政方面,信長其實喺施政方面真係領先所有大名
- 大力開發道路,方便通商
- 樂市樂座,鼓勵自由經濟活動
- 歡迎西方傳教(背後既南蠻貿易)
- 多次轉居城(那古野、清州城、歧阜城、安土城),基本上冇錢冇可能搬,搬居城亦都可以開發埋週邊城下町
而信長點解會被人謀反,我覺得只係係時間問題
講真佢既治理方式未必個個接受到,同埋整體戰國時代充斥住下剋上既風氣,加上佢消滅過咁多勢力,一定積埋積埋唔少私怨
光秀唔郁佢,應該大把人都想郁佢