FG第一份工已裸辭，上司有微言

話咁快呢份工就做左就三年，直屬上司都對我唔錯，但因為人工低、工時長、福利差、行業前途暗淡、公司不思進取、人工上升空間低，我新年左右已經想走。直到兩星期前遞信裸辭，準備再上堂後轉行。

由於上司對我唔錯，我喺通知公司前兩個星期已經私下通知左佢，比多少少時間佢準備安排工作。錯就錯在我講得太多比佢知我嘅計劃，尤其是係我正式開學係7月份。

我之所以唔留到6月係因為呢份工實在太多野做，返到屋企食完飯已經可以準備瞓覺。我為左轉行有好多野要prepare，依家keep住收工之後自修3個鐘以上，其實效率好低，皆因返到屋企已經好攰。黎緊兩個月我寧願搵份part time，或去送外賣，多啲空閒時間讀書。我呢三年黎真係請過黎放假嘅假係唔夠五日，我真係好想抖下。

問題係around新年前公司接左新project，個project係極難啃嘅垃圾project，亦係我想早走嘅其中一個原因。依家我仲有兩個禮拜就唔撈，上司開始暗示我唔跟埋先走係不負責任、「放棄得咁容易」。

我知係唔需要理佢點諗，但我係有啲嬲。我平時願意OT做野，返到屋企幾夜都覆佢message，都無講過說話比佢聽。我自己有自己嘅打算，而我已經早左通知佢，點解我要比佢話我不負責任呢？呢間公司又唔係無左我會死，最多咪早啲出post請人、或者安排同事黎交接囉。今個星期我又日日做到九點打後，終於今日嬲嬲地準時五點半走。返到屋企後上司仲send msg黎要我做野，我無理到佢。

一場同事、一個好上司、如果真係因為最後呢件事而不歡而散，我心裏係有啲悵悵然。究竟係我太小氣、定我真係不負責任呢？

佢少咗個可以長期壓榨都唔出聲既人
梗係唔開心

Let go

你會咁在意只係因為第一次

屎食多兩次就無事

俾機會你睇真上司為人
好事黎

洗閪理佢，完

一個願打，一個願捱嘅奴隸，有乜好怨？？

好慘
你做左3年都唔係短日子啦
有d老細係咁，一辭職就反轉豬肚咁
希望你轉行後會遇到好老細

佢梗係情感勒索叫你做嘢啦
你唔做咪佢做囉

佢係有想比offer我，問過我加人工留唔留，不過我聽都無聽就拒絕左。因為我係想轉行，留喺呢行多一秒都唔想，加幾多都唔留，廢事浪費大家時間。

嘩挨到3年算勁啦 想當年我先做左3個月就走左

垃圾工程
要去中國做野
仲要咁低人工
真係食屎垃圾工

同事就只係同事
放左工、quit左就唔好再諗

其實聽左offer 先又無壞

呢份係你第一份工
會上心係人之常情
正如第一次屌女然後分手
你轉多一兩份之後
以後對呢啲西老板就會無感覺
係好嘅就唔會臨走都話你喇傻仔
走得心安理得堂堂正正

真係對你好就當你係fd咁為你著想

agger
自己傻仔仲好講

做廠囉
衰到貼地
廿年後工廠搬走可能要失業/去極撚遠做野
真心唔明點解仲有人入行

嬲你掉低佢係呢間垃圾公司
自已年紀大又唔想走番出去
佢嬲自已姐