世界情色王
2021-04-16 19:06:36
歐聯重開前夕,歐洲足協宣布更改「洗牌」制度,由以往踢完8強清洗黃牌,改為踢完16強就清洗黃牌,主要原因係由於今屆8強及4強都改為一場決勝負,所以提早一輪「洗牌」。
根據歐聯規則,球員累積3張黃牌,就會停賽1場,以往踢完8強清洗黃牌,就算球員喺4強兩回合都攞1張黃牌,決賽都可以上陣。
不過,由於今屆8強同4強都改為一場決勝負,踢完16強清走黃牌,即使8強同4強攞到黃牌,決賽都唔會停賽。
今次改制對於已打入8強嘅球隊有利,其中巴黎聖日耳門前鋒尼馬原本已累積2張黃牌,依家可以變清白之身。
不過,部份球隊仲要踢16強次回合賽事,例如巴塞隆拿、拜仁慕尼累,其中巴塞球王美斯已累積2張黃牌,如果佢喺16強次回合攞1張黃牌,而巴塞入到8強,佢仍然會因為累積3張黃牌,而需要喺8強停賽。歐霸盃亦採用呢個新「洗牌」制度。