[年經post 畫樹] 入嚟放低棵樹, 我話你知你係一個點嘅人

上年都有畫～ 希望今次抽中我解釋下啦
寧靜 享受 悠閒

絲打似乎有好多目標想要去追求，但追求咁多目標會唔會有時都覺得好吃力呀？我見絲打似乎曾經有一啲唔開心嘅經歷，會唔會都有啲影響住你去搵自己嘅方向呀？如果有唔開心的話，記住揾身邊嘅人傾訴，唔好收收埋埋，咁樣會好令到自己好辛苦㗎。

巴打 你棵聖誕樹好靚喎!

睇嚟巴打應該一個比較單純同簡單嘅人, 有陣係生活上都會面對好多複雜嘅人同事, 令你都會覺得辛苦。巴打應該都係一個會顧人地多於自己嘅人, 有時都需要照顧返多啲自己嘅需要呀! 巴打棵樹亦都睇到你有陣都會比較少同人分享自己嘅心事, 好似身邊都唔係太多支持到你嘅人??

Thx bro

辛苦 冷靜 硬

唔該樓主

睇到巴打係一個好努力希望自己變好嘅人, 好似好多野都要靠自己, 而係過往應該發生過啲事好影響你而家嘅發展。你應該都好期望得到別人嘅支持, 好多時可能無力感都好重, 亦會比較需要安全感。巴打係咪好多時好多煩惱都唔知可以同邊個傾吓架? 如果你願意嘅我都好樂意同你傾吓計架!

是一隻兔子

巴打下半part好中啊，犀利
但係我又冇覺得特別空虛同孤單喎
可能由細到大屋企影響都慣咗
搵到方法排解都仲可以接受到，我都真係幾鍾意畫公仔
不過都會想有人關心自己嘅～

巴打最近狀態好似麻麻地? 好似無咩方向咁播
有時好多想法係個腦度出現, 都會令到個人有D煩惱, 同時你都係一個好多野都係自己搞掂嘅人, 幾獨立咁。

巴打呢排係咪都有D野煩緊呀? 如果唔介意都可以同身邊信得過嘅人傾下, 或者同我傾下都得架

絲打人緣應該都唔錯, 都幾主動同身邊朋友建立關係
大家都好喜歡同你相處

不過絲打你都似乎安全感麻麻, 對自己信心都唔係話太多, 但身邊朋友其實都比到唔少SUPPORT你, 亦都幫左你唔少, 所以心底裡你都好感激佢地。 唔知係唔係呢?

絲打過去好似曾經經歷過一啲唔太開心嘅回憶?
宜家可能都仲對你有D影響..
不過你自己其實都係療傷嘅階段, 亦對自己未來幾有想法同埋追求
但唔知會唔會同時帶左D壓力比自己?

就咁睇, 巴打似乎最近過得都唔錯, 巴打過去都似乎都享受自己一個人, 不過有時又會發現自己都會想有多D social life

你都係一個幾率性直接嘅人, 雖然有時都會有D思前想後, 但你似乎都會傾向「做左先算」咁...

生命、流逝、回歸

幫fd push

巴打會唔會都好容易神經緊張？見到你可能一直都有啲野好想做..
但係感覺冇人支持到你去做你想做嘅事，結果可能令到你好卻步

絲打有好穩定嘅目標追求緊
睇得出你都幾有把握可以完成到。
不過你係唔係都會想有個人陪伴住自己
等你可以放心咁去追求自己嘅目標？

睇得出巴打你好有志氣去追求你嘅理想
亦都好有力量可以支撐到自己
但係好似呢啲力量有時都未必完全可以發揮到
係唔係都仲有啲過往嘅經歷阻礙住你？
或者都可以試下同身邊既屋企人/朋友傾下阿

最緊要都搵到合適自己嘅方法去處理呢啲情緒
身邊有冇啲朋友都經常關心你架？