其實加拿大好唔好住？（2）

如果一個人冇乜包袱，可以去一轉台灣行吓，反正香港去台灣唔貴，睇吓自己有咩感覺。

台灣會越來越多香港人，唔知工作環境會唔會變，將來競爭會唔會好大？

加拿大，有嘅係政治、社會氣候比較安定，如果你唔介意生活單調，中意靜靜地工作、生活係真係幾唔錯。

下年讀埋Top up想申請3年工作visa過黎
但係最大問題係冇錢 過到黎頭一年租嘅資金都冇
仲有最大最大問題係女朋友唔想走

巴打，來問吓你爸以前喺香港做咩工程師？Civil Engineer？Structural Engineer？

多倫多有邊區係安全啲
然後租金又冇咁貴？
優先考慮shared house

巴打，我終於追完上個post。你爸爸喺香港讀Electrical Engineering。咁想問吓你爸喺香港時，係做大電(high voltage, 簡稱HV)? 還是起樓？

起樓的話，你爸就是做細電(low voltage, 簡稱LV)

留名

唔好意思，呢邊朝早，剛剛先起身！
我老豆係Civil底，移民前做咗好多年，
佢過嚟後揾咗成年，一係合約，一係去温哥華嗰邊，最後佢為咗陪我哋幾姐弟，冇去溫哥華，之後一路揾civil eng工，一路幫人剪草、做landscaping去keep住啲收入，當然我哋初初接受唔到，同埋始終係季節性，冬天基本上係零收入，但佢反而安慰返我地話同以前落site差唔多，不過依家要落埋手！

不得不提，因為佢份人最中意同人講嘢，又八卦又性，包括Tim Hortons買一齊排隊買咖啡嘅陌生人、仲有佢啲剪草客最中意同佢吹水，之後做property management 份工，就係佢其中一個剪草客介紹，入咗去之後一路做到退休。

EE嘅唔係我老豆，係我幾個舊同學，當中只係得一個揾到eng 工，其他都走咗去做programmer，另一個Chem Eng去咗賣樓，發到豬頭咁！

坦白講，我覺得其實響呢邊，做licensed electrician 會更多機會，仲幾揾到食嗰隻。

East York 、East Toronto 近morning Side近Kingston Road、Finch & Jane呢幾個可免則免
如果一條友，downtown apartment 近u of t 其實好多都可以同人share，係affordable！condo就貴好多

另外可以去rentals.ca 睇吓租金相關資訊，at least 有個baseline

Scarborough or North York住唔住得過？
如果冇車嘅話 係咪揀地鐵沿線會方便啲？
另外 如果想搵工嘅話 downtown係咪會多啲機會？
好多問題 打攪晒

咁如果溫哥華呢？

有地鐵當然方便好多，但係要轉車係幾乎必然
工作方面，其實度度差唔多，Scarborough 要好小心睇，因為舊，人比較雜

唔識唔敢答，但一定貴過多倫多

有冇啲網係有講邊個地區多啲crimes㗎？
其實住downtown嘅好處係咪只係方便啲
但應該都會相對雜啲？

https://data.torontopolice.on.ca/datasets/af500b5abb7240399853b35a2362d0c0_0

嗱，公平啲睇，旺角都有雜有唔雜！太舊太平價嘅，一屋十伙就算三百蚊租你都真係唔好去，例如pacific mall 附近，有啲一屋十伙專租俾大陸人，雖然各自為政，但你亦未必想住，咁如果你去markham road夾steeles，好多南亞人，又唔代表佢哋會搞你，佢哋其實返工仲勤力過你，只係你附近日常買嘢嘅groceries stores，會多啲賣啱佢哋嘅嘢。

依家downtown core因為pandemic ，多咗人搬返去同屋企住，空置率高咗係真。

［img]https://na.cx/i/TL0XFKj.png[/img]

另外有人可能想知，一個我呢啲typical嘅working class，住多倫多鄰近地區，一家四口再加照顧父母嘅支出，未計供樓、供車啲錢，一個月支出大約有幾多。

由左至右:

最大支出係Groceries +日用品
我哋比較捨得食，又一次買兩、三個月嘅食物放freezer，負責自己一家四口同分開住嘅父母，所以差唔多1000蚊
第二大支出係utilities，又係兩個households計
第三大，係home improvement/maintenance
笫四大，三架車入油

第二幅圖係其他雜項，我哋少買take out or dine out，所以相對少支出
醫藥費有二百幾，老人家有啲嘢唔夠cover所以要自己貼出嚟。

當然人人需要唔同，但係唔想大家太天真，以為好少錢就生活到。

但有未必個個好似我咁大開支

Repost 2nd image

得罪講句，你一定要解決同另一半嘅分岐，解決唔到最後都會要分開。

另外你點都要有兩手準備，realistically 嚟講要有至少6-8個月嘅錢俾自己一個人慢慢搣。

咁點解唔全家搬去溫哥華住？另外你爸喺香港已經charter左？

巴打真係好幫得手 答咗我哋好多野

因為計過條數負擔唔起住温哥華同生活

加拿大嘅civil engineer嘅人工唔係好高嗎？