[樂理]《2020年代香港流行曲和弦編曲賞析》

大家好，我係蘭調人，我係一個全職既結他老師，有任何野想問我可以透過telegram搵到我： https://t.me/Guitar_ABC

繼上幾次只係寫關於結他既內容，今次出文係想分享我對最新本地流行曲既chord progression同編曲既分析同睇法。為左可以跟得上時代，細佬我主要會響呢度寫最新出既廣東歌。是次帖文重點：

1. 將最新出既流行曲，最hit既派台歌，既chord精準地執一次出黎。
2. 除左係有chord名之外，我會寫埋禁法最好既位置，同埋相對無咁似但會比較容易禁既形狀。
3. 某d重要，常見於廣東歌既chord progression如果有出現的話（8成有），會大概解析比大家聽。大家總會試過聽一首歌時，硬係覺得好似以前響唔知邊度聽過，背後原因就係呢度：某兩三套chord係咁出現
4. 點樣可以識得分你睇緊果份譜d chord岩唔岩
5. 點樣聽chord，執歌，learn any songs by ear，就算你無perfect pitch
6. 好聽既旋律係點運作？有chord先定有旋律先？

而我同大家一樣，以前岩岩開始學樂器既時候聽到一首歌好聽，想彈，網上搵譜，好多譜彈落去都唔係太似原本首歌，甚至直頭有d chord聽落去係執錯左（當然有時係要轉個禁法就會岩番，未必每次都係譜上面寫果個chord唔岩）。就算係一d本身有考過級既人黎講，跟住譜彈就得，但如果要好有脈絡執番哂成首（你鐘意聽既）歌既chord出黎，然後彈出黎順，都好似唔太容易。而大前提係要有最基本既樂理知識先，所以黎緊出既文，頭幾段會先寫：

1. Chord 基本組成規則，Chord groups
2. Chord既先後次序應該係點樣決定：Cadence
3. 邊啲chord係會比較經常放埋一齊：Diatonic Harmony
4. 同一組既chord點排列先至會產生最順耳既感覺：Circle of 5th
5. 將同一個chord彈得最好／最接近原著既禁法：CAGED system

礙於帖文長度設計，太基本既樂理知識就唔會響度詳細寫（eg. 音樂系統12個音係點分法，major scale點組成）。而基於我係一個結他人，所以主要會響度give out既內容都係用guitar fretboard 6條線咁既格式去表達。最基本既open chord禁法之類都不會在此詳述，詳情可以自己google。如果去到中途有d比較高階既樂理要解釋，就會響果首歌既分析中途插入。所以今次寫既野係適合初階，有基本結他概念／已經可以簡單自彈自唱的人仕。

之後盡可能做到課餘時間每日一連載，每日一update，多謝大家收睇

分析邊首先

寫哂前面就出

加油

lm先

push

1. Chord groups - 和弦分類
先在此簡介，以下落黎會講既呢套方法係可以唔需要識得數一個音階入面既音名，只需要識數度數就可以，同classical要記得scale 音名彈得番出黎係兩回事。原因係結他指板係2D平面，鋼琴琴鍵係1D，一條線用黑白鍵左右延伸。結他可以透過記形狀就可以達到同其他樂器同一樣既工作目的，比較容易上手（如果你對數字比較敏感，數得快）。

正式開始，先將以下落黎會用既數字解釋一下：

大調音階中會有既7個音（大家最常既叫法：Do Re Mi Fa Sol La Ti）將會以1234567表示。當然，大家需要具備基本數音階既能力。C大調就係C-D-E-F-G-A-B，Ab大調就係Ab-Bb-C-Db-Eb-F-G，如此類推。但以下落黎，為左可以只用一套方法而可以通行於每一隻歌之上，用數字就係最有效，最精簡既方法去理解同組織不同既砌圖。

換而言之，所有響現代音樂系統入面，會用到既數字，都係建基於major scale全全半全全全半既特性上。

其他既度數又如何呢？佢地都係游走響以上既1234567之間而存在，除左Mi-Fa（3-4)同Ti-Do（7-1)之外，其他既度數之間都存在一個音，將各自既全度分開一半。


而呢5個音 (b2, b3, b5, b6, b7)就會將音樂系統，由只係得開心既major，延伸到有其他既組別：

以上就係音樂系統之中最基本既3組chord group：Major， Minor同Dominant。

但咁樣都未係之後講流行曲寫法最重要，最實用既分組。實用上要睇得明廣東歌既寫法，要再將以上3組分成：Consonant同Dissonant

Consonant group：Major，Minor （聽上去比較順耳，祥和）
Dissonant group：Dominant（聽上去有種恐怖感，outside sounding）

定義既規則：果個triad或arpeggios是否擁有tri-tone（相差6個半度的音程，被認為係音樂系統上至陰至邪既音程）。而響Dominant 7th arpeggios之中，3-b7呢兩個音響半度圈上係相差6個半度，所以Dominant 7th係算係Dissonant。

最後，響最常見既triad當中，仲有最後兩個：


亦都係最多人唔明有咩用／較少用／較難理解既triad，詳細解釋先唔寫住，但你見佢咁多flat咁多sharp，都應該係唔會聽落去太順耳，而順理成章地，佢地係屬於Dominant 7th果組，響香港流行曲佢地成日都會出現，不過就係會以某種dominant 7th出現（為免太驚嚇，仔細以咩形式會出現將會響後面講到果隻有先講）。

最後，簡約概括呢一組，響廣東歌編曲之中會用到既chord分類：

lm

好實用！樓主加油！

諗咗好耐蘭調喺邊度

lm

More

2. Cadence － 和弦行走次序
理解完Chord有兩大組別後（Consonant, Dissonant），就需要知道呢兩組chord係應該點配對。廣東歌最重要既係歌詞，要膾炙人口，然後用旋律同和弦去配對，遷就出成首歌。而絕大部分流行曲要出到果套歌詞，和弦就必需要係以梅花間竹既方法將呢兩組chord配對：

Consonant -> Dissonant -> Consonant -> Dissonant -> .....

例如《囍帖街》Chorus：

第1, 3, 5, 7小節都係Major或minor，所以係屬於Consonant（都有部分major同minor係有少許dissonant，但主體係consonant），第2，4 ，6，8小節都係Dominant 7th（第2小節既G原本係G7，可以彈G7，但無G咁夾）。然後再循環一次。

填詞黎講，Consonant - Dissonant交換底下咁寫，係會順好多易寫好多。篇幅有限未能詳述

lm

lm

lm

Lm

Lm

有冇玩開fingerstyle 可唔可以露兩手
市面上太多太多沽名釣譽既結他佬呃飯食

樂理編曲, 最緊要講得明姐

想學 樂理係要
唔通你撚結他出去同人講樂理 但係自己彈到pet屎咁咩

3. Diatonic Harmony 和弦的選擇
水響0度結冰，100度變蒸氣，chord既行走方式一樣，響某個溫度同階段後一定要以某一個形態繼續行走，先至可以令到成個progression可以保持固定循環向前進。Diatonic Harmony即係將可以完成一個標準循環既chord匯集埋一齊。只係用呢個Harmony之中的成員去組成一個progression就可以產生最basic最順耳既感覺：



正因為為以上所有和弦既組成音都係來自於 I major scale，所以就稱之為Diatonic（同調性的）Harmony。Harmony動詞係Harmonize，即係將一堆單音以特定方式挑選，組合一齊表達，以產生和諧感。而揀既方式，必定以stacking 3rds既形式挑選。Stacking 3rds即係話將音將major scale之中以梅花間竹既方法挑選，再順序排列。響major scale梅花間竹咁揀音，最後所有出現既音同音之間都必然係相距3個或4個半度，我地稱之為major 3rd同minor 3rd。Major 同minor chord既分別大體上就係差第3度（3 or b3)



以上一口氣寫埋如果係想將Diatonic Harmony除左係以Major/minor方式表達外，如果想以7th arpeggios方式（即係major 7th, minor 7th, dominany 7th, minor 7th flat 5th)，應該係點揀音，就係響stacking 3rds既原則下再去多一個音，括號裡面就寫左。數到最右如果到盡頭就會再番番轉頭開始再數過。所以iim7數出黎係2-4-6-8,，8號係7號既下一個，所以係1. 逢親係大過7既數字都減7就可以知道佢本身係咩度數。而最通用最好記必然係：

Major - minor - minor - Major - Major - minor - diminished

香港流行曲由60年代到而家，最可以全盤理解睇哂都係用呢個口訣。7th arpeggios版本，只要理解做全部都係major變major 7 th，minor變minor 7th，係最後dim變成m7b5就可以。

Major 7th arpeggios: 1 3 5 7

minor 7th arpeggios: 1 b3 5 b7

Dominant 7th arpeggios: 1 3 5 b7

minor 7th flat 5th arpeggios: 1 b3 b5 b7

點解普通maj-min-min-maj-maj-min-dim會變成maj7-m7-m7-maj7-7-m7-m7b5，特別係第5個chord要dominant，就必然要睇一路d音冧上去時，之間既距離變化：

Major 7th arpeggios: 4H - 3H - 4H

minor 7th:arpeggios 3H - 4H - 3H

Dominant 7th arpeggios: 4H - 3H - 3H

minor 7th flat 5th arpeggios: 3H - 3H - 4H

只要細心核對番以上既1-3-5-7，2-4-6-8，之類既單音排列，數番佢地之間差幾多個半度，對應番個pattern同以上邊一組係吻合就可以

最後，以上你已經知道每一個diatonic member既組成音係咩（只用數字表達就可以，唔需要實音，因為要通用於所有key用數字就可以）。我地就會大致上以佢地既組成音相似性將七個不同既和弦組合成為3大組別：



Cadence真正既格式就係：

Sub-dominant - Dominant - Tonic

所有香港流行曲和弦寫法全部都係跟住呢個規則。符合上一節所講的：Consonant - Dissonant - Consonant 原則。