有冇人成日搭車都撞到同一個人

真，間唔中朝早搭鐵都見到同一個人，但又無衝動想去識佢，有時坐隔離個感覺好奇妙，唔想打破呢種感覺

結左婚超過10年既我都有經歷，話說如果唔揸車要搭車返工，每逢朝早搭同一班既車，總會遇到有位年約20歲既長腿後生女，唔知點解，除左無位，佢9成都係坐我隔離。點解我咁深刻印象，因為佢一係短裙一係短褲，天氣涼都係咁著，心諗你屋企係咪無長褲

由細到大都有個好奇怪既感覺，次次有女坐我隔離都有種周身唔聚財既感覺

有晚屋企食食下飯同老婆9up傾計，講起朝朝搭車就會同呢個長腿後生女坐，佢聽完，用左個莫名其妙既樣問我，你想我點回應你

之後你就咁樣答你老婆
無啊我想搵日試下學佢咁
着條超短熱褲睇佢有咩反應

我一直都唔信一見鍾情呢啲老土野
覺得感情應該要時間先會培養到出黎
但無諗過原來真係會發生
個種感覺真係

返工搭巴士都成日撞到同一個黑長直
有對望過 但習慣左九秒九移開視線
有陣時好有衝動想識佢
有陣時就會諗 正常咁既香港女仔 一定已經有男朋友

唔試過又點知呢或者佢都等緊你

係 企係佢隔離都勁緊張
我諗如果我要同佢講野 應該手都震埋

唔好避開視線，試兩三次就會對你有印象
如果佢無黑面或者唔耐煩，起碼對你唔反感

係囉，唔一定有男友嘅，攞咗contact先再問都未遲

望返佢
望到佢縮就你贏

有個女仔同我住同屋苑，每日大家返工都係同一個車站等車。因為見到佢好多部車都上，我估到佢係搭車去地鐵站，而我係搭特別班次。

如是者除非佢特別早或者特別遲，大家都會係車站遇到。有一日咁啱佢排隊就係我前面，本身已經想去馬但係又驚嚇親人，萬一佢以前真係完全無留意我，結果都係目送佢上車，但係希望刷到少少存在感幫下次鋪路。

過多兩日比我遇到佢排正我後面，今次我主動同佢講野，都係講等車成日遇到你果d，傾左幾句。之後我問可唔可以要你contact，佢話都唔係唔得，但係之後我問佢咩contact方便佢自己又話好似唔係好好

其實我理解女仔有時比陌生人搭訕抄牌多少有些少戒心，或者可能1516緊唔知點咁。最近都繼續有遇到佢不過條隊總係隔著幾個人。我決定左下次你再排我前後我一定會再試下同你傾多兩句，我唔會咁就放棄

個畫面有啲痴漢

好勵志既巴打
希望你成功
試過先係無悔

我已經差唔多一個月無見到佢
到見唔到既時候先黎後悔一直都唔開口

唉
成個月無見
頭先番到屋企附近終於撞到佢 佢應該係岩岩收工大家對望擦身而過
之後行番屋企佢係我後面
糾結左好耐結果都係慢慢行左番入自己屋苑
但之後後悔 番轉頭想搵佢開口
已經唔見左佢
我係垃圾

隔左兩個星期 今日終於一齊坐
全程車都好忐忑

下次有機會要開聲啦

無諗過會撞到佢
個心勁開心又勁緊張
個刻係諗咁耐無見 無啦啦叫住佢會唔會嚇親佢
結果又係番黎叫春

我一定會
頭先跑番轉頭想搵佢個下都下定決心
諗住衰就衰
如果我地咁樣佢結果都係拒絕我既
起碼以後唔使再ff
又唔知要幾時先再見到佢了

佢～急步行過
你（伸出手）我想停止你呀
佢（除低耳機，露出疑惑神情）係？
你：你好靚
佢（瞬間反應）：sorry