有冇人成日搭車都撞到同一個人

佢係咪咁對住你笑

係到懷疑見到對方 唔敢相認 不過幾日前神奇撞到抄左牌

日日見同一個女人
係中學嘅女Miss

咁佢答係定唔係, 答唔係你都照問佢交換ig唔怪咩

屌。你對人懷有敵意。成日都撞到人！

我就是冇膽開口

你分享多小小不如
平時成日都撞到對望個啲？

跟蹤人唔怕認wo

白車定黑車！？

巴士定鐵啊

大約半年前開始，每日返工收工都會同7樓個男同事同一班公司車，開頭都無留意佢，因為我性格好急，每次收工都想部lift 直落到樓下，我部門係8樓，每次都會停係7樓，我就會好唔耐煩。之後有一次個男同事同我眼神對望，我諗係個一刻開始大家都有feel 。然後每一日都好期待返工見到佢，亦好期待收工部lift 落到7樓見到佢，但大家都無開口講過野。咁既情況大概維持左好幾個月，有次搭車既時候佢仲坐左係我前面，我同佢都係會聽歌既人黎，佢一坐低就除左耳機，我覺得好似係想知我聽咩歌（可能係我ff多左）

直到有一次返工搭車既時候，佢坐左係我隔離個排（即係d旅遊巴，一邊兩個位，另一邊三個位個種），我坐係兩個位個邊，佢坐我平排三個位個邊，中間係隔住任何人，我feel到佢係咁望住我，搞到我好撚緊張，緊張到驚恐症發作，有d呼吸唔到咁，然後我即刻換位坐去後面既位置。我覺得自從呢個舉動之後佢好似有d失落，有時唔會準時收工同我搭同一部life 同一架車，感覺大家疏遠左。

直到最近呢幾兩個月，原來佢4月尾既時候就離左職，諗返起3月開始，好多時候返工收工都見佢唔到，我諗佢係搭另外一個時段既車，所以見唔到佢。而家諗返起最後見佢個幾次其中有一次我地同一架車既時候，佢好遲上車，佢好似想坐我隔離，但因為我擺左個袋係到，所以佢放棄左。原來個一次就已經係最後一次可以同佢交流⋯但我錯過左。

如果可以再見返佢，我好想同佢講，個一次我唔係刻意避開你，只係我驚恐症發作，好想認識你，好想知道你叫咩名，好鍾意穿白色恤衫既你。

8/F個位女同事上

見到絲打打咁多字
證明你都好在意

不如問下7樓同事
睇下有無佢contact 或者去左邊
仲直接

我都有咁諗過⋯但我唔敢我驚人地唔知點諗⋯

有
鍾意咗佢

唔同巴士咁高難度咗啲喎
平時成日都見?

朝早繁忙時間好難拎contact

想知佢有吸引到你 搭車撞到就中意
有無眼神交流先?

黐線
畀啲信心自己啦

成件事好撚浪漫喎
我覺得個頭開得已經好唔錯

唔一定完全冇可能

加油