一個A0毒L和O4女神的故事

巴打識揀

都真係未必會，even去啲好熟嘅女性朋友屋企都唔會入人房

Btw樓豬加速

多謝巴打拯救世人

其實呢個有少少係禮儀多過毒唔毒
始終房有好多私人嘢
雖然話女豬都唔係度住

兄妹真有趣啊

人生沒有那麼多時間給你演內心戲？

呢個我好肯定唔會出現
因為我自細都好憎嗰啲兩男一女或者兩女一男嗰啲愛情劇
到最後男主或女主 兩個都唔揀
同第三個喺埋一齊嗰啲情節

捧得有幾高 跌得有幾痛
唔好再傷害毒撚啦唔好再打攪Athena啦 乖乖地同返Rachel一齊開心好多

呢句已經係呢個post第二次出現
睇嚟真係好根深蒂固

毒撚可能見機會難得
所以想入去聞吓間房陣除
Anyway, 其實劇情發展到呢度
男主已經離毒撚越嚟越遠，我覺得

Yes
其實呢個情節嘅目的只係想帶出thomas呢個人
事前冇諗咁多

老母自己都衰過就咪搞人啦

我爸就有解釋話係因為如果生活環境，成長過程，生活習慣有太大差異，就好難會行到好遠，就好似佢同我媽咁
所以就勸我要搵返啲背景差唔多，磨合上嚟無咁辛苦

加速

我都好鐘意入女仔房 .....

其實唔算仆街 你代入個角色諗下
個女一出世就嬌生慣養 又靚又叻又多仔追
屋企環境又好 男主呢？
個樣又毒（事實不久前連個人都勁毒）
又冇咩技能 又住一百尺公屋
一齊之後係女主要養佢 定陪佢捱？
成長背景 性格 能力 全部都差天共地
真係用愛發電咩

阿康雖然無錢
但係起碼肯捱肯學
跟徐志宏做應該有機會出頭

做人老豆老母邊個想自己仔女要捱㗎

哩個真 由其獨仔獨女果堆

推

第三十五章 我唔想俾同一個人拒絕兩次

Athena休息了接近一個月，終於開始新工作了。

她在一間位於灣仔區的國際公關公司任職，是她的好朋友Chloe介紹入職。現在成功做了同事，二人還是同一team人。

由於Athena的美貌和單身的關係，她入職不久，公司的單身男已輪流向Athena發動攻勢，Athena不斷收到不同男同事的邀約。

可是，由於Athena現在不想拍拖，想先單身一段時間，更何況公司老板不喜歡下屬亂攪關係，所以Athena總是拒絕男同事的邀約，還未有人能成功約會到Athena。

**********

另一邊廂，阿康繼續他的平淡生活。某天放假，他出外幫王婆婆執紙皮，然後一起到茶餐廳吃晚飯。

王婆婆發現之前送給他的御守不見了。

王婆婆：「個護身符去咗邊？」

阿康：「對唔住呀，我將佢送咗俾我鍾意嗰個女仔呀！當時佢失戀，我送俾佢當係鼓勵一下佢。」

王婆婆：「哈哈，冇問題。咁仲好，你就乘機再追佢啦，唔好放過呢個機會！」

阿康：「哈哈，俾人拒絕已經夠慘，我唔想俾同一個人拒絕兩次。」

王婆婆：「兩次咪兩次囉，好過谷住谷住，收收埋埋。可能今次會成功呢！」

阿康：「我心裡有數，我唔想破壞我哋之間嘅友誼！」

王婆婆：「你仲迂腐過我，諗嘢成個老人家咁！」

事實上，阿康被Athena拒絕多少次也沒關係，但會破壞彼此之間的友情，令雙方之間出現任何不舒服的感覺，他絕不會冒險。

**********

某天下班時間，肥媽和Rachel特意留在公司，向阿康提出質問。

肥媽：「依家呢度得阿媽同Rachel，你又當Rachel係妹，你就老實啲同我講，到底你依家同Athena係乜嘢關係？」

阿康：「咪朋友關係囉！」

肥媽：「咁你有冇鍾意Athena？」

阿康：「冇。」

Rachel︰「你根本就係敢愛不敢認。我已經留意咗你好耐，自從有次Athena病咗，我見到你好緊張之後，就一直都有留意你。你好關心Athena，你對待佢唔似只係同事或者朋友囉，又唔認！」

阿康：「就算我鍾意Athena，都唔代表啲咩。我同Athena距離太遠，難聽啲講句，Athena係鮮花，我係牛……我係牛poo poo，都唔夾！」

肥媽：「唔准你詆毀自己，喺阿媽心目中，你係一個好好嘅男仔！」

Rachel︰「喺我心目中都係！」

阿康：「知你哋緊張我喇！我兩年前係有鍾意Athena，但依家真係冇喇，我只係想同佢做朋友，冇其他。唔好再講呢個話題喇，我仲諗緊orientation嘅嘢俾新人，今晚我一定要整好佢，你哋返屋企先啦！」

阿康始終沒有在肥媽和Rachel面前，承認自己喜歡Athena。因二人認識Athena，怕會漏口風，猶其Rachel的性格，很大機會會將事情向Athena提起。

另外，因為Athena離開了Smartoys，Johnson請了一位新人，是一位剛畢業的男生，並且升了阿康做銷售經理，即Athena原來的職位。新人則成為阿康的下屬。

Smartoys的工廠現正全力趕工，準備第一次出貨給泰國客戶。

**********

晚上回家，阿康依舊躺在床上，細味品賞自己的珍藏figure。他望著Athena之前送給他的兩隻figure，一隻是二人在曼谷一起買的懷舊幪面超人，另一隻是Athena在日本買給他的日本特式figure，感覺猶如見到Athena一樣。

他的腦裡又再次閃起了很多和Athena一起的畫面。

突然，手機響起信息提示。阿康查看，原來是Jessie傳來的信息。

Jessie︰
「喂 你瞓咗未呀?」

阿康：
「梗係未啦
咩事呀?」

Jessie︰
「我想問你一個問題」

阿康：
「請講」

Jessie︰
「你仲有冇怪我
幾個月之前 我對你講過啲難聽嘅說話
依家仲有冇擺喺心?」

阿康：
「你之前好似問過我
我好似答過冇
因為我好慶幸你仍然可以同我做到朋友
同你一齊好開心😁」

Jessie︰
「老實答我 你依家仲有冇鍾意緊我?」

面對Jessie突如其來的問題，阿康不知如何是好。他猜不透Jessie這條問題的目的。

自從重遇Jessie之後，阿康一直視Jessie為朋友。他的心裡很清楚，Athena是他最喜歡的女生，Rachel是他最痛錫的妹妹，而Jessie則是他最珍惜的朋友。他好肯定，現在的自己，已對Jessie沒有愛意。

半年多前，阿康在百貨公司遇到在那裡工作的Jessie，對她一見鍾情，於是展開追求。最終當然是失敗收場，Jessie最終選擇了賤男Alex。

當時他很難過，因為Jessie罵自己是死毒男，而且還選了對愛情不認真的賤男Alex，那個賤男更在公眾場合玩弄阿康。一連串的事件，阿康又再一次回憶起來。

究竟Jessie怎麼樣？

Jessie明明那麼憎恨自己，為何她現在又問這樣的問題？

莫非她現在真的喜歡自己？

阿康：
「半年前 我真係好鍾意
但自從俾你拒絕之後
我決心要喺事業上面打拼
就冇再理感情事喇」

Jessie︰
「我唔係問你你係咪醉心事業呀
我係問你 你依家對我仲有冇感覺?」

鍾意入女仔房參觀定係鍾意入女仔房扑嘢？

走完一個rachel
又一個jessie
咁都仲等athena 就一世單身