一個A0毒L和O4女神的故事

(續)

飯後，Johnson詢問誰人要坐順風車，賀叔和肥媽舉手，Rachel見狀也舉手。

阿康：「得返一個位，咁我坐啦！Athena你實有跑車喺樓下等緊你啦，唔使Johnson車你啦！」

阿康取笑Athena每晚都有名車接送。

Athena︰「冇啦今晚，今晚約咗你哋嘛！」

Rachel︰「坐五個人好迫㗎，阿康你call架uber送Athena返屋企啦，你哋住得咁近！」

最終阿康和Athena都沒有跟Johnson車走，自行call了uber回家。

二人坐在uber私家車上，一開始沒有談話。Athena不斷經WhatsApp回覆信息，看來今晚又有一堆單身男，向Athena噓寒問暖。

阿康：「已經二十分鐘喇，你whatsapp都未停過手。真係咁多message要覆？」

Athena︰「咪就係頭先你講嗰啲跑車男囉，好煩！」

阿康：「點會煩？高矮肥瘦又有，靚仔有型斯文有禮又有，有錢好有錢同超有錢又有，慢慢揀，唔使急！」

Athena︰「我覺得我同唔到佢哋交心囉，冇乜feel！」

阿康慶幸Athena選擇男友時，不只是著重物質，而是用心選擇。

阿康：「咁我都放心啲！」

Athena︰「我俾啲冇feel嘅男仔煩住晒，你仲話放心！你黑心呀！」

阿康：「我放心嘅係你唔係用架車嘅名貴程度去揀男友呀！」

Athena︰「點會喎，你識我咁耐，都知我唔係啲咁嘅人！」

Athena以前曾經試過被數個富二代力追，但她沒有選擇他們，而是選擇會真心對她好、有心動感覺的對象。

阿康：「哈哈，都唔係㗎，法拉利喎，我都想坐啦，好難唔心動㗎喎！」

「其實法拉利真係唔係咁好坐，上車落車都唔係好方便。」Athena向阿康伸一伸舌頭。

阿康：「哈哈！」

Athena可愛的一面，又重現在阿康面前。

阿康：「係呀，睇嚟今次應該係我最後一次送你返屋企，以後就由你嘅新男友負責喇！」

Athena︰「其實，我暫時唔想拍拖住。一嚟遇唔到一個好嘅，二嚟我想單身一段時間，同屋企人、朋友相處多啲。」

阿康：「係咪想收多幾隻兵旁身，之後再慢慢揀呀？」

「你再係咁講我就唔睬你㗎喇！」Athena扁嘴，裝作發怒。這就是阿康最喜歡Athena的表情包之一。

Athena︰「喂呀，我聖誕期間會同幾個姊妹去日本旅行，你到時盡量約uncle 27號之後啦，我會一齊去。」

阿康：「好呀！」

下車後，阿康在屋苑大門口送別Athena。

「拜拜！」阿康跟Athena道別。

「喂，有時間就多啲搵我啦，拜拜！」Athena回頭跟阿康說，並露出甜美笑容。

就是這個笑容，令阿康今晚徹夜難眠，腦裡全是Athena的畫面。

推，一路睇一路感概

今日會唔會加更

行車的交通燈號轉為綠色，銀色「波子」便飛快地絕塵而去。阿康一直盯著這架車，然後冷笑了一聲。

好一個冷笑👏🏻👏🏻👏🏻

今日咁多文嘅

好似athena走咗之後阿康係做佢個位啦喎

想睇athena同左阿康一齊之後
引導阿康破處

想睇Racheal幫佢破處多啲

大家都好鍾意破處嘅情節
不分男女

點解會鍾意rachel幫男主破處多啲？
因為玩得夠放？

果然有細心睇

最起碼唔好一事無成

加油呀巴打

加唔到喇
仲未作完

對殘酷現實嘅絕望

lm睇200正皮加更

睇到阿康同Jessie出街果part
諗起Juno首耿耿於懷。

明明前面同Jessie有機會發展，
但係就一直放唔低對Athena個份冇結果嘅感情。
希望阿康最後會成長，肯同Athena表白。
雖然成功嘅機會好小，但係起碼對自己感情負責。

因為大家都中意Rachel je

加更？

要衝破心理唔易
以阿康性格

會唔會最後同阿康一齊嘅係第4個女仔。因為到最尾先有完美邂逅

push 200正皮

推