（前基督徒入）點解離開教會？｛2｝

其實香港神的教會方向係跟從聖經而行
愛神愛人，活出建造神家
所以被人話係異端可能係以前被報紙屈
搞到個形象差哂
不過最唔慣真係好chur
參唔多一至日都有聚會
弟兄姊妹都會有小組同電話時光相交
因為想效法到使徒個種多見面一齊生活
不過我最唔鐘意係平日相交時光個handling
愈傾愈耐，無哂d時間咁
同埋有d活動問其他人join唔join
有人唔想join有d弟兄會問到好詳盡原因咁
跟住分析話其實你去到喎
佢好想d人去，但我覺得係逼住去

ps:仲未走

香港D教會好多都當公司咁Run

但有幾多會真係落社區幫助弱勢、或做多D 宣教工作

我有fd帶過返過間細教會又冇乜野呢d野，班人相處上都好nice，不過我太懶，返左一年左右就懶冇再返，佢地都只係耐唔耐有活動問一唔一齊join，去時都冇逼問做咩唔返，見d信二代都多有一齊拍拖，嗰一年都去左兩三pair既婚禮

我就係咁搞到分手

咁喺信與唔信呢樣野我覺得佢哋冇問題，就好似你係黃既接唔接受你黃既親朋戚友同個藍既一齊？

你追返上一個post 好多苦主喎

返緊教會，雖然人都好nice，但係我接受唔到好多家長式管治
記得有排對個女仔有好感想行埋啲約吓食飯咁，結果事後可以俾幾個人「個別關心」，話唔可以單獨走咁埋
我屌，而家係21世紀嘅香港呀，教會啲婚姻觀仲停留喺上個世紀
又信信聯婚，拍拖之前又要叫你先同長老講再祈禱吓先，唔講仲以為要落聘禮添
而且第二個問題係，我咁樣俾人warn即係有人見到然後報串通水啦

教會好多偽善 又多自我中心 又玻璃心
講錯少少嘢就比人喺背後講就算我係基督徒都覺得羞恥

呢間真心on9 , 嚴重干涉個人私生活，同同事食餐都問點解要食？ 同非基督徒拍拖就沮咒你地唔會被神祝福，強迫你一定要同基督徒拍拖。 日日放工都要強迫人上導師到開會，但事實上根本無野好開。

未追哂
不過可以答下d問題
其實大多人係覺得chur
同埋因為想初信都想係神家扎根
知道自己都好有用
所以都會安排野俾佢地負責處理
但都係好輕鬆的，當然覺得處理唔到要講出黎
大多數弟兄姊妹會搵第二個幫手，唔逼你

其實儀容係要整理
乾乾淨淨第一印象好，傳福音都有幫助
化妝問題淡妝應該無咩問題
因為我見同區姊妹有輕微打扮係ok
gel頭個d或者好哂時間化行妝咁
佢地會諗如其花咁多時間搞
不如拎個d時間親近多一下主
同埋女仔唔係唔俾著裙
係唔好短褲短裙，長裙係可以
因為一齊聚會有男有女，教會係驚影響到弟兄
所以衫都同樣道理

至於我聚會咁耐都無見過余弟兄咁樣摸姊妹

其實教會一直都有向外發展，9幾年已經向世界出發，唔同地方都有教會，同少量社福機構
因為聖經話 你們要去使萬民作我的們徒

仲有教會決策方向余弟兄有好多諗頭
神俾佢的方向，不過都會同長老商量
唔係一個人決定哂咁

之前話俾TB非禮ge姊妹，要話俾團長聽
不過係咪無用
因為教會有弟兄係類似ge事，係會禁止作地聚會
嚴重係block黎到我地教會

仲有有機食堂來貨唔知係咪大陸啦
我好少買
不過無睇錯佢地賣多數係外國野
係貼外國有機認證喎
同埋唔會逼人買囉，因為都貴
不過我有時都會幫襯買沙律
未有疫情我成日都係買街外飯去聚會地方食


不過認同ge係教會係由弟兄姊妹所組成
難免會夾住唔同人ge性格處事方式
所以以前聖徒都寫左咁多書卷
提醒後人要點去建造教會
ps教會唔係一座建築物，係班弟兄姊妹


希望解答到你地啦

巴打你之前咩區？

見你咁用心答我唔玩膠，其實我有朋友係返依間，亦都有朋友係前教友。我對香港神的教會印象負面嘅原因有幾樣。第一，余光昭牧師嘅言論，余光昭曾經指罵所有香港神的教會以外嘅教會都係魔鬼，而佢係最能夠聽到上帝聲音嘅人。可能佢真係聽到上帝嘅聲音，但從佢嘅言論可以見到佢好自大。 另外，佢個人本身好多爭議。 有摸姊妹，佢同老婆嘅關係， 西貢鯊魚襲擊弟兄事件，以上嘅事令我對佢非常反感。但公道講句，我欣賞佢改變咗敬拜嘅方法，讓女性都可以參與。

第二，香港神的教會係一間非常保守嘅教會，我對於保守教會十分反感。因為保守教會要求信徒絕對信服，令信徒缺乏思考嘅機會。然而教會不是上帝，牧者亦會犯錯，但保守教會容不下異見聲音令教會變成極權。香港人已經正在面對兩個極權，不需要更多。網上有前長老向香港神的教會余光昭和一眾長老發出公開信，有興趣可以自行查閱。

第三，香港神的教會教義與其他主流教會有分別，但不是我對他們反感嘅原因，釋經一向可以多角度，我沒有太大意見。但香港神的教會過份強調屬靈並忽略屬世。 以致教會非常離地。我明白他們理念是希望教徒時刻與上帝和主內弟兄姊妹親近，但所謂物極必反。過多活動除了令部分信徒感到壓力外，還有機會導致教徒和家人或朋友關係轉差。當關係都轉差又怎能向其他人傳信音？

最後想回應你對於「佢地會諗如其花咁多時間搞不如拎個d時間親近多一下主」嘅言論。其實依照依句說話，咁我係咪應該24小時不睡眠不工作不作他事？可能你會話我將依句說話推到極端，但事實係「你瞓多兩個鐘覺不如每日拎黎親近上帝」依啲說話我係神的教會嘅教徒身上聽過。身體係上帝創造，犧牲自己嘅健康唔見得上帝係樂見。 其次是上帝根本唔會care你gel唔gel頭，而且只要有心，無論身處何方同做緊乜嘢都可以親近上帝。

香港地返教會事奉搞到好似返工咁，成日忙呢樣忙個樣。搞到自己為咩事奉都唔記得咗。千祈唔好搞到好似馬大咁掛住忙而忘記左同神建立關係💪🏻

其實轉教會無咩事，都係係主內....但唔明點解教會d人搞到咁大件事。好似唔係自己教會就好似唔係自己人咁

有時喺度諗，星期一至五返工，六日就返教會返到冇咗半日，咁冇錯係叫做融入到教會，但係我已經冇晒私人時間…
我喺教會已經叫做半個閒人，但係我真係接受唔到投入太多搞到好似一至日都返工咁

同兒登黃c一樣私了唔認同佢地觀點嘅人一樣

611 教友
教會的確會有好多問題
但教徒從來都唔係聖人
唔會做左教徒就無罪
所以大家一齊成長最重要