（前基督徒入）點解離開教會？｛2｝

細個屋企人逼我返 嗰陣時太細個冇獨立思考
大個左開始啲人覺得好假
又小圈子 又懶係關心你
當你需要人幫既時候淨係識得叫你祈禱
我相信有神 但係我唔會再返教會

十幾年前番過靈恩派教會
有次去camp 早禱
個個又跪又喊又嗌又成個身震曬咁 個個好似鬼上身
嚇到唔敢再番

利申基督徒
其實我所謂入教係認為基督教導人向善 同認同佢啲教導 同時我都認為宇宙萬物中總有一位創造者

但有幾樣野我唔係好buy
1.神一定係慈祥美好, 做任何野都係幫你(例如聖經入面打仗 一邊贏另一邊定輸 咁幫咗以色列人 咁其他人呢? 所以我認為神嘅旨意係理解唔到 同埋唔係真係“大愛”. 聖經入面嘅作者“神化”咗佢， 佢自己講得明自己係咪易怒嘅神)

2. 聖經等於神嘅話語 ( 所有寫學聖經嘅作者 都係透過自己嘅思考然後再寫落去聖經 一定會應承咗自己嘅情感)

但有幾樣嘢我覺得唔錯
1. 對正義嘅了解 ( 聖經講到明有任何不義嘅事都要去發聲 你指數我嗰間教會大部分人都係黃 包括牧師同導師)

2. 基督徒對教會嘅理解 ( 佢哋真係當 教會係另一個家庭 任何教友有問題都會幫手 包括有D人發夢 畀人拉

3. 基督徒 ( 通常啲人都nice 係扮又好唔係扮又好)

btw
關於天堂論 我自己就認為 最重要嘅係認罪悔改 信唔信佢都喺其次 因為唔係個個都有機會接觸到基督教 認罪悔改意思係真係從心而發 唔係口講嗰隻

所以所有人都有機會上到天堂

呢個我覺得係價值觀問題 純粹係因為唔同宗教會有好多衝突同矛盾 但如果你話冇宗教 或者類似天主教嗰啲 到你同睇法相比較一致嘅 我都接受到 其實有好多基督徒嘅伴侶一開始都唔係基督徒或者到依家都唔係 我覺得呢個rule 太strict

想分享返個正面經歷
社運嗰陣比狗咬，導師同牧者喺我保釋同每次上庭都陪我，612召集所有年青人去煲底，咬咗之後晚晚成班人為我祈禱
可能香港係有好多偽善基督徒，但一定唔會係全部

如果佢信嘅真係同你一齊，你又想扑野佢又唔想，之後又嘈，咁點解唔倒不如揾個有相同價值觀呢

第一間咁極端唔比玩fb，唔比聽流行曲，邊間開名

其實有冇黃教會介紹 想返返

咩教會可以用唔合乎常理既邏輯去對人評頭品足

唔係信徒就唔可以一齊

有個耶撚阿sir 性侵兩個女學生 自此quit 咗

開到2

好多人都受過永光堂氣

個po好好睇...
我由小學團契到宜家出黎做野呢十幾年，斷斷續續返緊同一間教會。小學團契真係幾開心，中學純粹真係太忙無返到，到大學期間真係覺得啲人際關係好虛偽好假，加上反國教個時既教會取態而離開。到出黎做野，反送中之後，真係頂唔到牧師同啲團隊一言堂，自大又離地，政治取態深藍，偽善，真係唔會再返去啦。

但對我嚟講，信仰的確係一種有影響力價值觀同思想，但返教會就...

我覺得呢句俾人扭曲咗做棒打鴛鴦嘅理由

如果我係牧師，我反而會話未信者同已信者嘅相遇，係一個神嘅安排去傳福音。