【新手故/愛情/校園】幫一個女仔課金,課到變左將軍

序幕:手機遊戲


佢叫阿冬,全名陳秋冬,今年中三,佢係一個平平凡凡中學生,怕羞內斂有錢同有錢。唯獨有一樣野唔同既係佢玩任何遊戲都比其他人有運氣同勁。
所以佢同班男同學好好朋友,當大家都以為佢無咩女性緣既時候​,一隻手機遊戲拉近左佢同一位女仔​。我地慢慢開始佢既故事。


「喂,阿冬過黎幫我過依一關,我彈黎彈去都贏唔到。」阿文講(佢係同阿冬幾好朋友又同一班既矮仔,好多人都叫佢哈比人)

「又邊關呀?依關咁易你都過唔去?開場啦組隊幫你啦。」我一路笑佢廢一路等佢開場

依家係放學時段,好多同學唔走住留係到,男既就一齊玩下手機,女既就聚埋一齊傾下計咁,大家都好珍惜自由相處既時間,雖然都日日見。

「有你啲神寵幫手打果然易打好多,我抽黎抽去都係得啲水屬竉,打木屬關卡真係好難打。」阿文歎住氣咁講(聽聞佢好似課左百幾蚊入左手機遊戲到但都抽唔到好野）

「我啲寵都唔係好勁啫,我有時都係用啲普通打番黎既角色過關,你啲彈法好少少都易過到關」我好認真咁講(老實講我真係無課過金係依隻遊戲到,我都係靠送既同過關既寶珠抽蛋)

「信你就奇啦,你肯定課左唔少入隻game到啦,仲扮哂野用咩普通角色喎。」阿文明串我

「唉,講你又唔信廢事同你講,下次唔夠打唔好搵我啦。」我扮哂嬲咁款

「信啦信啦,冬哥唔好咁小氣。」阿文態度360度變左

班房既另一邊傳黎左好多男同學既歡呼聲,連女同學都被佢地突如其來既歡呼聲嚇親,我同阿文都走過去望下。

「打左咁多場終於出啦,多謝其他三位有九十運既朋友。」開心到企左係張凳上面既阿鈞大聲講(佢都係一位有錢人,玩咩遊戲都課左先)

另外三位有份玩既同學都攬埋一齊係到歡呼。

講左咁耐究竟我地玩緊咩手機遊戲?彈黎彈去又有運氣值既?就係怪物彈珠啦,當年係我地中三風靡一時既手機遊戲,差唔多個個男同學都有玩,每日放學總係一齊玩幾場先走。

「哦原來係出左獸神玉,唔怪得知佢地咁開心啦。」我同阿文講

「哇,我都想要呀,平時自己打十幾廿場都無出一粒,搞到進化唔到啲寵。」阿文講

「難得出左粒玉咁開心,我用哂啲體力開場打到出多粒為止,想入既就鬥快入,入唔到就byebye啦。」阿鈞係張凳到落番黎

依一刻可以話成個班房進入左暴走既狀態,全部人都瘋狂禁部手機搶住入場,我見阿文都加入埋一份,我就自己行番埋位準備離開。

「喂,阿乜冬冬你唔一齊鬥快入場?你好似有隻九十運角色喎」阿鈞遠處見我準備走就叫住我

「唔啦,比啲機會其他同學刷下,況且我都有唔少。」我講完之後全部男同學都用仇視既眼神望住我

「你唔入你走寶啦,算啦唔阻你啦。」阿鈞講完就繼續玩

我見今日都幾多功課,所以都唔陪佢地玩咁耐,就係咁自己一個返屋企。

落到小食部見有啲肚餓就去買左個多士再走。

「阿冬又黎買多士食呀?」依位係小食堂阿姨(我地大家都叫開佢做蘭姨,佢份人好好,好多學生都好鐘意佢,佢特別認得我。）

「係呀蘭姨,比多包檸檬茶我呀唔該。」我講

「見你咁好口,阿姨私人請你食多士啦。」蘭姨笑住咁講

「多謝蘭姨,我地聽日見啦咁。」同蘭姨講完我就離開學校番屋企。

行行下後面有把女仔聲叫住我,我另轉頭望左一望,原來係同班既女同學阿欣

「叫左你咁多聲先應我既,有啲野問你呀。」阿欣突如其來咁同我講

「請問有什麼事情呢?」我講(我唔太識同女仔相處傾通,所以唔知點應佢好,所以講野有啲書面語）

「做咩你講野咁文人架,唔理啦,話說呢你地男仔依排成日聚埋一齊玩咩手機game,我好有興趣喎。」阿欣含情默默咁望住我

「怪.........怪.........怪物彈珠。」對住佢咁既樣我個腦空哂

「哦,之前都好似係fb見過下,返屋企down黎玩下先,聽日放學你教我好唔好?」阿欣特登提高聲調講

「好.........好呀......」我都係咁口疾

「乜你咁講野死板架,平時見你同班男仔玩唔係咁架喎。」阿欣講完就搶左我食剩既一塊多士

「聽日見啦,多謝你塊多士喎,行先啦byebye。」阿欣快步走左

我仲呆左係原位,個靈魂好似飛左去遊魂咁。

過左一陣我先回番魂,我自己都估唔到會有女仔會主動成咁,加上我又唔太識同女仔相處,搞到岩岩非常尷尬。

不過諗落阿欣都幾好呀,主動得黎又有少少可愛。

我究竟諗緊啲咩?人地想搵我打機又唔係鐘意我,我一路行一路諗番頭先發生既事。

好似發緊夢,估唔到竟然有女仔會咁主動同我講野。重要搶埋塊多士....................

又係叫呀冬
試下第二啲名啦
例如呀濤

又係叫呀冬
試下第二啲名啦
例如呀濤

有親切咁易寫啲 ,謝謝你支持

又係叫呀冬
試下第二啲名啦
例如呀濤

我有個fd識樓主
聽個fd講係樓主個名黎
唔知真定假

又係叫呀冬
試下第二啲名啦
例如呀濤

我有個fd識樓主
聽個fd講係樓主個名黎
唔知真定假

樓主姓夏架,講左一次啦

第一節:童年



返到屋企食完晚飯我就開始我既打機工作。本來諗住開電腦同班損友玩下英雄聯盟,但諗下諗下都係獨自玩下怪物彈珠。

佢地下放學囝時刷既獸神玉我自己打兩場就已經有一粒,都唔知係我運氣太好就點。

望下抽蛋機今期既角色吸引唔到我去抽,況且我又無寶珠去抽。

正當我想自己單刷下超絕級關卡(係一種唔比食石復活既高難度關卡)既時候,阿文whatsapp我問可以唔可以幫佢手過依關。

「阿冬可唔可以幫我帶我打超絕關呀?過到聽日請你食野。」阿文講

「拿你話架,快啲開場啦快快手過左佢,個開放時間就黎完啦。」我心內面暗爽緊

「重點係我頭先試過單刷用哂啲體力,可唔可以你開場呀😣😣」阿文仲加左兩個慘慘既表情符號

「唉,怕左你啦,我開場啦,你call我啦一路玩一路教下你。」我講

「唔係呀仲咁老套用電話傾?唔用電腦skype?」阿文唔太滿意咁講

「我無開電腦呀,用電話傾有乜所謂呢?咁你係唔係唔想我帶你過關呀?」我搶番個主導權

「係既係既,即刻call你。」阿文最終都輸左係我既威嚴之下

我地兩個就係咁,一路開住擴音傾電話一路玩手機,有一刻我覺得自己返左小學時期。

小學果時仲未識用網上面個啲語音聊天,日日都同最熟既小學同學傾住家用電話打機,諗起番都有種懷念既感覺。

果時做完功課溫完默書就開電腦,諗起個時玩得最開心既電腦遊戲就係忍豆風雲,不過已經變成左一份回憶,熟悉既人升左中學之後就無再聯絡,遊戲亦都終止營運.............

我同阿文大約打左個關卡十五分鐘左右,其間都傾下閒計有時阿文玩得差我都會大聲笑出黎,雖然有我技術性既領導,但最尾都連輸三場。

「唉,唔通連個天都唔想比我贏?我想棄game啦。」阿文好沮喪咁講

「其實都只係差小小,下次再打過一定過到關。」我安慰番佢

「望就咁望啦,唔講住啦我做埋啲功課先。」阿文講完就收左線

我間房瞬間又變番原本既安靜,時間亦都唔早所以我去廁所刷完牙就上床訓覺,期待聽日放學既時候。

第二節:拉近

一覺訓醒,一如以往賴左一陣床先肯起身去梳洗,食完阿媽煮既愛心早餐就出發搭車返學。

迷迷糊糊咁度過左朝頭早果六堂之後,lunch既時候我同阿文出去邊行邊諗食咩好。

「唉諗番起尋晚都輸得好唔抵,希望關野唔好一個月先開一次啦。」阿文講

「你尋日呀,聽多啲我教你咁彈咪唔洗輸囉。」我講

「喂,好似你尋日顧住講其他野搞到多左失誤喎,又賴落我到?」阿文唔忿氣咁講

「你鐘意點講咪點講囉,反正我自己都過左關。」我好串咁講

「你條友仔,咁串嘴都有架,陣間唔請你食飯啦拿​。」阿文嬲嬲地講

「講下笑啫,唔洗咁認真既,下次再帶過你打啦​。」我正經番講

「想食邊間呀?比你簡​。」阿文講

雖然尋日我幫唔到阿文過關,但佢都係一個非常有口齒既人,講得出口就一定會做到​。

我講完食邊間之後阿文無異意就行去目的地​。

行到路程一半既時候無啦啦有人拍我膊頭。

「喂阿冬你記得你應承左我陣間放學教我玩架可?」阿欣拍完我膊頭就行到我面前講

「哦...............好呀.........」我完全唔敢直面望住阿欣

「我問你記唔記得你答我好呀做咩啫,唉我唔理呀你今日放學記住留係到教我玩呀,行囉阿瑩。」阿欣講完就拉左佢同行既朋友阿瑩行左去

我再次完全未比到反應佢又已經走左,而阿文就係隔離陰陰嘴笑。

「笑咩喎,好好笑咩依家?」我塊面已經紅到一個點

「無.................無................無野,我估唔到你都會有女仔主動聊你傾計啫。」阿文邊笑邊講

「普通社交黎啫,有咩問題喎,唔好講到我真係無女性朋友先得架。」我講

「話就話女性朋友,但係你怕羞到一句野都講唔到喎,試問你又何來女性朋友呢?」阿文繼續恥笑我

「咁你又唔洗講個事實出黎,對住啲女仔我真係唔知有咩話題可以傾到。」我尷尬咁講

「唉算啦算啦唔講啦,行快幾步路去食野啦。」阿文睇黎好肚餓

今次我地終於係無障礙之下到左餐廳食野,食完野就輕輕鬆鬆上埋剩低果三堂。

等到放學係班主任時候班主任派番手機比我地,之後要走既就走,留低傾計玩手機就留低。

正當阿文走埋黎想搵我打下其他關卡既時候,阿欣搶先一步坐左係我隔離位,仲要控到好埋咁睇我隻game裏面有咩角色。

阿文見到咁既情況佢亦都無做電燈膽,走左過去阿鈞果邊同佢地玩。

「哇,你啲角色咁型同咁靚既,我都好想要呀。」阿欣一黎就講依啲

「咁............隻遊戲唔係剩係睇個樣既,每....每隻角色都有唔同既能力既......」我講到咁多野已經覺得自己進步左

「哦,原來係咁架,我尋日玩完個新手教學覺得都唔錯就繼續玩落去,直到我無哂體力,我發現自己都有啲唔夠打,係唔係要抽啲勁角色?」阿欣好認真咁問我

「係就係既......................不過都有啲技術成份架..............」我又開始諗唔到講咩好

「不如你帶我試下打下啲關卡,比我睇下點先為止有技術呀。」阿欣講完就拎左部手機出黎開game

「好呀............不過要妳開場喎,唔係打左都唔計妳過左關。」我再解釋比阿欣聽

我地兩個就一邊傾下隻game一邊打住關卡,好快就玩到無哂體力。

「岩岩好無哂體力,又有五十粒寶珠,我係咪可以去十抽?」阿欣問我

「係............不過今期啲角色唔太勁。」我講

「唔緊要啦,我有幾隻角色都好睇得上眼,依隻板本龍馬型得抽筋。」阿欣無視左我之前講過既野

「咁妳抽啦.............」我無阻住到佢

結果緊係抽唔到阿欣想要果隻角色,不過都有兩隻有用既五星角色。

「唔錯呀,有兩隻都幾好用。」我真心咁講

「唉,唔要呀,我剩係想要龍馬呀。」阿欣公主病發作咁

「.......................」我坐係隔離唔知比咩反應好

「有咩辦法可以快啲拎多啲寶珠,我想再抽過。」阿欣望實我

「妳可以..............同其他未一齊玩過既人玩一場就有五粒寶石。」我尷尬咁另左去另一邊

「仲有無啲快啲既方法,我唔想咁麻煩。」我欣愈控愈埋

「........妳可以課金既,不過都未必抽得中。」我講

「咩野叫做課金?」阿欣一面疑惑咁問我

「真係...........買點數卡,等同於遊戲裏面既錢,要黎買寶珠。」我簡短咁解釋比阿欣聽

「好啦,咁行啦我地快啲去課金。」阿欣番左埋位執完野過黎等我

我亦都好無奈咁執好書包就帶左佢去便利店,臨走前阿文望左我一眼,再同我打手勢叫我去馬,我比左個鬼臉佢就走左。

沿路上阿欣都有聊我講野,但我都係答嗯,哦,係呀,咁就算,但佢依然繼續同我傾計。

去到便利店阿欣問我要點買,我直頭同店員講要咩點數卡,拎張收據就帶阿欣走。

「哦,原來就係咁簡單架,下次我都識買啦,幾錢呀?我比番錢妳。」阿欣講

「唔洗啦,當係我送比妳啦,番到屋企抽完再搵我啦。」我唔知那來的勇氣竟然仲叫佢搵我

阿欣拎左張收據之後無啦啦攬住我講左聲多謝,我怕女仔既本能發動,輕輕咁推開左佢。

「唔洗客氣,咁我行依邊番屋企啦。」我滿面通紅咁講

「好啦,我行另一邊,聽日再見啦。」阿欣無介意到我推開佢,反而仲笑住咁同我講再見

分開行之後,諗番起頭先都唔知係阿欣份人主動定對我有意思,竟然會突然攬住我。

不過我都幾肯定係前者,仲有既係佢笑起上黎都好可愛。

我究竟又諗緊咩,我點會對阿欣有興趣先得架,咁岩諗多左啫,我抱住依種心態慢慢行番屋企。

不時又會諗番起佢攬住我既感覺,雖然只有幾秒鐘,但對於我依啲有女性抗拒既人黎講,都係一份幾深刻既記憶。

推一推先

再自己輕輕一推

出文啦 叼

第三節:錯覺

番到屋企之後都比較忙住做通識科份project,忙到除左食飯之外都多時間對住部電腦,做資料搜集同做見解論證。

做到連時間都無留意,突然電話響先知道已經十一點幾。望一望電話睇下邊個打黎,原來係阿欣。

「whatsapp左你咁多次都唔應架,以為你死左呀！」阿欣打聲招呼都無就鬧我

「妳又唔洗咁講野既.................搵我咁急做咩呀?」。我緊張咁講

「又係你自己話十抽完搵你既,番到屋企就失憶?」阿欣帶氛失望既語氣講

係喎,做project做到都唔記得左有依件事。

「人呢?又去左邊呀?」阿欣心急咁問

「係到...............咁妳抽到啲咩?」我問

「都係抽唔中龍馬呀,好想再課金呀!!」阿欣好激動咁講

「小課可以怡情,大課會變窮人呀,況且又唔一定抽中。」我講

「我唔理呀,課左先再講,聽日放學我再去買點先,咁唔講住啦byebye。」阿欣正想收線既時候

「唔好收線住先,妳做完通識份project未?想問下妳啲野..........」一唔係講有關遊戲既野我又變番口疾疾

「份野唔係自定題目咩,人人要做既野都唔同既喎,你有咩想問我?」阿欣講

「我想問下妳野,妳再比啲意見我。」我講

「好啦,咁妳問啦反正我得閒。」阿欣講

如是者,阿欣一邊答我問題又比意見我,我好快就做完份報告。

「唔該哂妳.................幫左我好多........」我尷尬咁講

「傻啦,橫掂我都咁得閒,無野問我就真係去訓架啦。」阿欣再確定多次

「無野啦,早抖。」我講完就快快手收左線

呼,我咁大個仔都係第一次同女仔傾咁耐電話,同女仔傾電話咁大壓力既,究竟係我唔識同女仔相處定抑或係.....

唔諗咁多啦,做左成日報告攰到死,我訓左落張床到,好快就進入左夢鄉。

（一男一女既感情裏面,當大家都唔確定對方鐘唔鐘意自己既時候,最甜蜜既時候一定係曖昧期）

第二日一早又起身番學,照舊訓下hea下時間過得好快,為左唔想引起其他同學閒言閒語同誤會,再加上我唔夠膽當住咁多同學面對同阿欣講野。

我見佢無搵我就無同佢講野,留待到放學既時候先同佢交流。

但係天氣不似預期,我覺得依句歌詞可以運用埋係人身上,放學既時候阿欣無搵我就自己一個走左,我仲諗任佢會搵埋我再去買點,我見到依個情況我個心就好忐忑究竟追唔追去好。

「阿冬,過唔過黎一齊刷玉,我地依邊四缺一。」阿文係我身邊問我

「唔啦,我有啲緊要事做,走先。」我揹起書包成支箭咁衝左出去

無錯,我係想追上去搵阿欣,我錯過依次機會,就會失去好多野。

跑到落學校對出條橋,終於見左阿欣既背影,我追到佢之後係佢身後拍一拍佢膊頭.............

（有時錯過左少少野,損失既野大到你想像唔到）

臨訓一推

起身一推

出文啊

出文啊

等多陣

第四節:曖昧


「你係邊個,做咩拍我膊頭?」另轉面既係一位我唔識既高from師姐

依個時間我可以話係尷尬到極點,原來自己認錯左人。

「唔好意思..........我認錯人.......」我講

師姐見我咁唔好意思就對住我笑左一笑就另番轉面行左去。而我就繼續尷尷尬尬企左係路中心。

陳秋冬點解你一係就唔夠膽,一係就柒出國際架,唉我真係覺得自己好失敗。

我企埋一邊望住橋底啲車一架架咁經過,一路係到諗自己有幾咁失敗。

諗左一陣我就決定番屋企,我戴上耳機用散步既速求慢慢行去搭車番屋企。

行到半路中,我仲沉醉左係首歌既時候,突然間有人蚊左我左邊耳機,我瞬間望左過去我左手邊。

「識野喎,聽幼稚完,我都幾鐘意聽架喎。」

係我好失望之際,我估唔到拎左我耳機聽既係阿欣。

「妳..........唔係一早返左屋企啦咩?點解會仲遲過我係我後面出現........」我一時之間都接受唔到

鑑於頭先認錯人事件加上依家我地兩個戴住同一條耳機,依種情況我完全以為自己發緊夢。

「咩呀,頭先我餓得濟咪拿拿臨落左小食部買野食囉,岩岩係天橋上面望落黎就見到你咁孤獨咪追左上黎。」阿欣講

「哦.........我仲以為妳一早返到屋企添........」我講

我地依家仲戴住左同一條耳機,如果唔識我地既話可能會以為我地係情侶。

「反正都順路,陪埋我去買點好唔好?」阿欣開心咁講

「.................」我未答佢佢已經拖住我隻手拉住我向便利店既方向進發。

雖然今日天氣幾凍,但係阿欣隻手好暖,暖到連我個心都感受到依種溫度,究竟妳當我係好朋友定係.............

到左便利店之後阿欣話想買埋野飲,咁我就去左睇下有咩新一期既打機雜誌睇,睇岩正想比錢買既時候諗左諗,行到去收銀個到。

「要多左mycard500點呀。」我同收銀講

而依個時候阿欣亦都簡完野飲,我係佢面前揚下張收據,佢個樣有少少感動既feel。

出到便利店門口阿欣唔好意思咁同我講:

「幾多錢呀?我比番錢妳啦,次次都要你請我唔係幾好意思。」

「唔洗啦,當係妳尋晚比意見我去做份project既報酬啦。」我遞張收據比阿欣

本來阿欣都唔係幾好意思收,但佢見我都遞到佢面前,佢就勉為其難咁收到張點數單。

「不如你上黎我屋企睇我抽埋啦咁。你趕唔趕住番屋企?」阿欣突然咁講

雖然我怕女人既本能叫我said no,但係既然阿欣咁有誠意。

「唔趕呀。」我講

阿欣好開心咁拖住我向佢屋企既方向行。

未睇
正評左先

兵仔

未睇
正評左先

hello,老巴打

兵仔

訓前一推

90運有咩用？99運下話

90運有咩用？99運下話

我個年代有90運已經好威 ，終於有人討論下隻game