青衣場紅旗代表緊乜?
喺星期日嘅尾場 標準流浪係青衣主場對傑志嘅比賽 掛起了近年係港超極少出現嘅紅旗 代表著全場爆滿 同時 有約二百個入唔到場嘅球迷 企咗喺球場隔離嘅屋苑天橋度睇波 呢份熱情絕對令人佩服
而呢個現象 代表緊啲咩? 可能有人會話 青衣場咁細 宜家仲要淨係得一半入座率 坐滿 都只不過係最多750人 根本冇咩值得慶祝
但係 放眼睇下呢幾日嘅比賽 平均入場都有700人 而上個星期三嘅 東方龍獅主場對傑志 更加有2813人入場睇 呢個數字 係極接近嘅現行防疫條例下 旺角場剩番一半嘅最高入座數目 執筆之時 傑志官網預售今個星期五 傑志主場對東方龍獅嘅榜首關鍵之戰 經已全數售罄 而以上幾個數字正正係代表 香港足球絕對唔喺無人關注 相反 香港足球喺有一班球迷默默地支持住 只要你哋肯繼續支持 香港足球就會有希望
同時 呢嗰紅旗亦都代表住 喺現行嘅防疫政策 所有球場淨係可以開放一半嘅座位 根本唔足夠應付港足球迷嘅熱情 大家可以睇到 當旺角場接近被坐爆 青衣場坐爆 仲有二百人企喺隔離睇波 政府 康文署 同埋足總 喺咪應該商量下 可以開放更多座位俾熱愛港足嘅球迷?
當今次嘅武漢肺炎 已經過左四波爆發 但係從來冇出現過任何港超群組 睇波群組嘅情況下 港超卻要三番四次被腰斬 係咪對一眾球員 球迷好唔公平呢?所以 足總係咪應該向政府爭取 進一步放寬防疫要求 或者至少 喺將來仲有第五波第六波爆發嘅情況下 港超唔洗再被腰斬呢?
小編亦都希望 咁多位鍾意睇波嘅球迷 無論你係鍾意睇英超西甲意甲法甲定係德甲 我都希望你哋可以 喺嚟緊呢個星期嘅港超 選擇親身入場 支持屬於香港人嘅香港超級聯賽
撐起港足 由你我做起

From: 光復大港足文化圈 Channel