你修眉喇
2021-03-15 13:30:03
話說琴日搭小巴,架車十五個位比人坐著,
最後一個位係雙人位嘅窗邊位。
跟住下一個站有個男人上車,
拎住幾袋餸,佢望住個窗邊位唔想入去,
跟住就望住坐喺走廊位嘅男仔,
示意叫佢坐入去。
但個男仔唔想坐入去,又望住個男人,
雙方對望幾秒,個氣氛都幾恐怖。
跟住男人開聲:「我好快樂。」
我心諗:「你無嘢呀?
個男仔唔肯坐入去,你快咩樂?」
個男仔只係望住個男人,無反應。
男人又出聲:「我好難過。」
我心諗:「你都黐線,又快樂又難過,
你唔係想扮精神病嚇佢坐入去呀?」
跟住個男仔又真係坐入去。
事後我先諗起,
原來第一句係「我好快落(落車)」,
第二句係「我好難過(好難行入去窗邊位)」。
成件事錯晒!