是咁的，na.cx既網主叫我係度代佢交代關於na.cx暫停營運既事，本身佢有啲私人嘢處理緊唔得閒處理呢件事，但係見到有人唔知因由收錯風越吹越大，所以就叫我代post為大家講返究竟發生左咩事。
首先好多謝大家一直支持na.cx同埋咁關心。事緣呢個網站愈來愈多人用，一直難以搵到足夠bandwidth同storage嘅server去host以繼續維持正常運作，如果大家記得以前經常性死server
直到某日有位好心人願意提供佢自己嘅server去做hosting，可惜近人佢出於私人原因己經無法再提供server，同時網主自己現實亦有私人事煩擾，而網站內容係冇任何備份（原因好簡單，要搵server去host咁大個網站己經足夠困難更何況複製一次去備份）
就係咁在冇備份既情形之下被暫停網站server既運作，而網主亦認為係時候暫停營運，亦都係度對提供服務既人講聲多謝，如果有機會再run返會通知各位，尤其係有註冊會員的用戶會盡快協助取回圖片。
對大家既影響只可以係度講聲對唔住，當初開站己經係幾年前，當時冇乜上傳圖片選擇，而時代己經進步亦多左好多好多服務提供圖片上載，因此決定暫停亦代表na.cx係網路上功成身退。
同埋網主亦有留意有人話LIHKG搞到網站營運唔到係完全錯誤，反而十分感謝LIHKG有用na.cx服務令網站得以更知名，同時LIHKG一直有每月持續提供資金上既支持協助網站營運，希望在此還返LIHKG包括其admin一個公道。
至於幾時會開返站既問題，會係hosting提供者處理完私人事務之後可否取回網站資料。而經過尋晚一班義工巴打既努力已經搵返當中大約三萬張既圖，但完整既備份未知有冇機會拎得返，係度對所有受影響既人講一聲對唔住，特別係有註冊既用戶辜負左你地既信任令你地既圖冇咗。
費事你哋睇唔到
因著啲傻仔跟你隊
