有冇人最近啱啱喺外國帶貓返香港？

因為有啲事，黎緊要帶2隻貓返去

有無巴絲知道如果喺美國返香港啲流程大概係點搞？

點樣搞機票啲野？到左香港之後我要隔離的話2隻貓點算？

香港呢邊唔知呢個關唔關事, 你可以望望, 美國果邊都可能有相關出口申請要做, 你quarantine緊果陣可能要問問係咪由AFCD養住佢地先定點, 唔知你呢邊有冇人會幫你手早D領回佢地https://www.afcd.gov.hk/tc_chi/quarantine/qua_ie/qua_ie_ipab/qua_ie_ipab_idc/qua_ie_ipab_idc.html

屋企人可以接佢哋嘅
其實網上可以睇嘅文章同相關資料我都睇晒
係個心仲有啲十五十六唔知點所以想睇下有冇人最近帶過寵物返去可以圍爐問下細節

你要去漁農處整張簽證（大概兩個禮拜有得拎）$432

美國屬於第二組別（可以去漁農處個網站度睇返隻貓需要打啲咩針先可以返嚟）

同埋你返香港唔可以同隻貓一齊隔離（到時你要搵屋企人幫你去接隻貓，如果你揀國泰嘅話就要去國泰航空貨運站接）

屋企人幫你去接貓嗰陣記得要打電話去Book，嗰陣佢話我冇打電話，就等咗好耐，因為你接完隻貓仲要等醫生check有冇問題，Check完仲要同隻貓過海關。

講漏左

如果你屋企人幫你接隻貓嘅話，嗰張簽證要寫埋代理人。

唔該！ 呢個我有諗過但係個網搵唔到點寫代理人！

我一陣再望下張form

你有唔明都可以問，有fd又係美國上個月帶左隻貓返黎，代理人就寫左我名，所以都大概知啲程序係點。

btw漁農處宜家大部分時間都home office，如果屋企人幫你整簽證要叫佢地睇清楚啲時間！

唔該晒

有得揀都唔想呢個時勢返嚟，但係偏偏屋企出咗事逼住要返嚟

想問吓你個frd係用邊隻貓籠？我上網見到好多都話可以用，但係覺得好唔穩陣




暫時睇都係覺得呢隻穩陣啲

另外你個friend帶隻貓返嚟有冇做blood test? 測體內狂犬病疫苗濃度嗰個，我見USDA同漁護處都冇話要，但係又好多人都話要做

基本上你email Airline 佢會教晒你做所有野
香港呢邊黎打去AFCD都會教你逐步點做

留意番，因為搞health certificate時間上好趕，嗰幾日會好忙

你要隻貓搭飛機前14日內去獸醫嗰度做health certificate
然後拎Health Certificate去USDA APHIS Services Endorsement Office 做簽名同蓋印

但USDA Endorsement Office依加因為COVID 非常有限度工作
佢話就話可以上網交啲文件 (要註冊獸醫做)，但個System係廢嘅
我自己係親身去佢個office度交所有野


我自己早排都帶左隻狗由美國返香港，有咩唔明可以再問我

香港漁護處處話唔使 就真係唔需要
個籠就跟返airline要求，上面果個就應該大部份公司都冇冇問題

真係唔該晒你

我而家寫緊香港嗰份許可證嘅form
搵唔到邊度有得寫授權人個名
係唔係要另外加張紙去寫？

Take care巴打 ٩(˃̶͈̀௰˂̶͈́)و

Rabies titer test返大陸先要做，返香港可以唔洗做！

1.隻貓打左Rabies同FVRCP。

2.仲有要去診所幫隻貓開張健康證明（講埋會帶隻貓返香港），咁張野就會prove埋佢可以搭到飛機。
ps：美國呢張certificate既有效期係10日
ps：香港漁農簽證嗰張有效期係半年

3.同埋要去USDA‘吸’印

個籠我個fd買左midwest，佢地勁好勁nice。
原本買左個籠返黎，點知細左（所以要睇清楚航空公司個尺寸要求），咁就問可唔可以退，之後佢地勁好，退左錢同埋叫我fd捐左個籠佢就ok。

唔洗呀，張form有咖！

咁好好人呀！
我喺度諗緊國泰有冇可能比兩隻貓係一個大籠， 而唔係一隻貓一個籠
始終想佢哋兩個成程10幾個鐘有個伴冇咁驚

同埋係唔係應該搞掂香港嗰張簽證先開始喺國泰搞寵物托運？ 我見香港嗰個又話要貨單又話要搞掂簽證先好搞其他

另外仲有乜嘢機長誓章嗰啲係咪其實國泰會自己搞掂？ 我搞掂香港嗰張簽證之後唯一要搞嘅嘢就係搵獸醫搞健康證明，吸印同埋打針嗰啲？

點解我淨係搵到呢張



係唔係除咗呢張之外仲要填你嗰張？

你要睇吓國泰最大既size係幾多！




想問下你住喺美國邊度，我fd住LA，因為疫情USDA每日得少量名額可以吸印，佢8點就去左排隊


香港嘅簽證半年有效，咁整咗香港嘅簽證OK左再去預留機位會好啲

你可以sd email去國泰預訂機位，要比60蚊美金先，之後就等健康證明同埋吸好印既文件搞掂再後補。（國泰嘅要求係飛之前嘅10日訂就ok）

飛嗰日提前三個鐘到機場，到時會再要填文件同埋國泰嘅人會幫你，佢哋都好好人。

係呀係呀，你搞掂咗香港嘅簽證先，咁樣會穩陣啲。

係呢一張，我去整嗰陣同佢地講我係代理人，佢哋會幫你Mark低，之後就會出我上面嗰張正本俾你（有埋代理人個名）。

我喺芝加哥嗰邊

而家都買唔到直飛， 係諗住買之後喺LA直飛嘅機票，然後同個friend提早兩三日喺呢邊揸車過去
預備買五月嘅機票，諗住一陣間打過去問仲有冇位先真係訂自己嗰張

我睇返國泰個網寵物托運好似係$400美金一隻？

佢會喺申請人隔離寫埋我個名。

咁如果係寄過去嘅話
點樣俾佢知係代理人

嘩！咁除左去LA都無乜辦法。。。。

你諗住喺芝加哥搞掂曬再去LA？

係呀，400美金。

因為我去整果陣佢地未home office，我就可以當面講到，佢就即刻幫我mark埋。

如果你寄過去既話，你寫張紙，比埋代理人既身份證，你既身份證就ok。不過最好你sd email去問下會好啲！

係呀，諗住可能禮拜四喺LA嘅飛機嘅話就之前一個禮拜五要搞掂晒啲嘢，禮拜一二就揸車，禮拜三晚到咁樣

CX cargo喺起飛前10日先會俾你book，你可以聯絡定佢先

另外LAX cargoo果度依加唔用好似俾倉鼠用嗰隻飲水樽，你要放個water bowl, 然後再自備一樽冇開過既水到時候俾佢痴喺個籠上面

如果寄左就算
你係AFCD網會搵到授權書個表格，到時候你填好叫你屋企人拎埋去接隻貓就得