有冇喺日本讀過/緊語言學校嘅巴絲可以分享下？

想問下有冇邊間覺得好嘅學校可以分享下
同生活費用咗幾多錢？

Lm

想淨係讀下日文過下生活既可以試下「赤門會」(快D請我做代言)
其他都好多東南亞黎打工既假學生

BTW間野可以用幾年讀到N1, 個人建議想長讀既直接搵大學報, 學費差唔多仲有獎學金拎

好快又有人叫你報HD定乜鬼

巴打，想問下依間學校有咩好？我報左依間

用幾年先N1？
去當地讀語言學校係預期一至兩年內就N1到

幾年時間留係香港讀啲咩月經呀 第七日本語都夠N1啦

老師會教書, 課堂氣氛好, 歐美比例比其他學校多

但係貴

N唔N1真係睇你自己有努力
我以前大學朋友讀幾年都有人無N1, 有D人就一年N1

BTW淨係想讀日文唔洗去日本, 去得日本就係享受下佢地既環境同埋現實真係用到既日文

樓上都有巴打講左香港人天生就識讀寫筆劃最複雜既正體中文已經係一大優勢，特別係音讀個堆

我就覺得去得個邊真係去讀書體驗生活，唔係日日好似旅行咁去玩既一至兩年點都一定N1到(雖然JLPT真係有少少係講運氣)

利申 係香港讀

80萬yen一年同其他學校差唔多，唔係特別貴,不過聽你咁講又好彩揀左依間，另外想問下巴打你係咪可以有d支援比香港人留學生？

多謝你回覆，因為我想去日本發展，所以想去學日文。另外可唔可以都講下啲住宿咩價位？

精神支援啦, 想要情報既我都有, 但係錢銀上幫唔到

BTW大學學費都係100萬左右一年, 拎到獎學金既分分鐘平過讀語言學校

住宿就睇地區, 東京都心既話(以下全部用1K計, 1R唔係人住), 大約9~11萬, 埼玉千葉近車站就7~8萬, 其他再偏D既就6~7萬(真係好偏)
如果單身既話最好住宿舍/合租, 可以慳好多

當然係情報啦，我搵到你話可以有工作介紹果d，到時可以要搵你幫手，我係報左今年4月班既，都唔知可唔可以順利出發到，住宿已經搵左，搞緊手續

工作介紹就算把啦, 因個肺炎我都辭左職
一黎個制度ON9難請外國人, 二黎無專業無咩工比你揀, 黎黎去去都係日本式SALES

不過如果你要VISA SUPPORT可以搵我幫手, 好過比D垃圾行政書士昆10萬

好~多謝巴打先，我係醫療護理系專業唔知難唔難搵工？

有專業就比較容易, 做番本身果行都得, NURSE係日本叫看護士
我略略睇過唔多直接公開請外國人既, 所以建議你可以由PARTTIME/ 直接問佢地請唔請外國人, 日文有番咁上下程度(大約N2)加埋英文溝通到就OK

日本環境好唔好做就你試下先答我啦, 我女朋友以前做介護做到憂鬱, 醫療環境唔似太好

個時係名古屋讀
無記錯一年學費20K左右
生活費 我個時租APT 一個月(48,000YEN) 水道(2000YEN左右)
電平均(5000YEN) 上網(5000YEN左右) 一個月食用生活費50,000YEN樓下
大約11萬YEN一個月
你預10萬YEN左右啦一個月(當然睇你住既地區)

我知道日本做護士比起香港更差更大鑊，人工小一大截受既氣又比起香港多仲要無得屌鳩d病人同家屬,所以我都唔諗住做護士,但求係醫院入面做下其他岡位ja,你女朋友介護係上門果隻定點？洗唔洗牌？

介護中心度做，無資格有經驗就做得，不過有牌無牌人工會差一段

醫院其他岡位我淨係知接待，不過呢啲位難搵好多，因為日本人乜鬼都要考資格，你無考過咩文書資格（考你識唔識打字/識唔識用office 既on9野）都唔容易搵😢

Btw到步就咩都試吓做，總有一兩份請既

我幾年前黎過woeking holiday，係間精神科復康醫院個canteen到做，預備病人膳食，人工唔高但工作環境唔差

餐廳員工出唔到簽證，除非佢幫你作個名