個人認為
消磁絕大部分都唔可以浸鹽水
一來水晶會氧化得太快 或者 粒石會被侵蝕冇左光澤
二來你條繩/鏈唔知用乜整 鹽水浸一浸可能好快斷
曝曬太陽都係唔可以的 有機會會甩色
月亮都係曬一陣就收返入黎 因為月亮既充能太陰柔 唔係人人頂得順
直接燒鼠尾草/鹽之類既淨化 太近都可能直接燻到變色
可以簡單離遠少少用三既法則 逆3圈淨化 再順3圈加入能量
沖水係最直接簡單了當既方法 水晶好少因為沖水變色(1-2分鐘)
當然最正統方法可以用檀香去做淨化 又或者水晶缽
我屋企人開左個壇，佢每日都會燒兩次香，我直接放喺神壇又得唔得
睇下乜壇 如果拜神像就唔好 因為神壇既香有機會吸引到低靈
有D水晶帶有辟邪 神壇上面既野應該會反感 有機會帶來唔好既野
如果你同屋企人識分辨就OK 唔識就建議真係唔好亂來
我屋企人係道士黎，佢係六壬嗰派，應該冇問題？
冇神像的，只有啲字，乜野六壬先師 白鶴先師 少林祖師，又有對聯，又有乜大顯威靈
大六壬我又識D
我都想深究喎巴打
最近睇緊圖解奇門 同埋劉文元既奇門入門
六壬聽聞對人間既事占卜極準 可知來龍去脈 顯隱性影響
奇門係天地磁場 知方位定分寸
六壬我都有買過幾本書睇 但係要精通冇人教係有d難
如果你屋企咁勁仲洗咩戴水晶
神壇最好唔好放水晶啦 水晶係升氣牆化煞解難令你睇唔到果味野
同神像唔多岩 神像係有自帶氣牆 當係靈/氣既聚集 最好唔好影響
我屋企人自己拜，唔關我事，佢都唔理屋企其他野
佢叫我拜神好過戴水晶
正路大顯威靈既應該係朋友仔
正常人既磁場(氣牆)/能量 唔會可以直接提升到同高靈溝通
如果降低自身氣牆 就可以見到朋友仔 同請佢地上身
當然咁果個人就會有所謂附身既靈 咁佢就可以睇到其他野
咁你屋企人OR你 會唔會出現膝頭/手關節凍 而小腿大腿熱
應該唔係朋友仔，六壬先師 太上老君嗰啲先可以放最高層，中間放祖先，最下嘅地 主先係朋友仔
我又冇以上嗰啲問題，因為我都冇理到佢個壇
冇得罪既成份 但你講既六壬先師 太上老君 入面真係裝住咩我真係唔知
如果你有分階級 可能就係寄宿係入面靈既高低等級
因為高靈好少去動用能量觸摸人既世界 神意一直會係宇宙 虛無 同 時間入面
通常係同人相近既靈 或者人降低去了解佢地先會接觸到
如果只係受供養又幫到你地其實OK(例如祖先既靈大多都係出於善意
但唔好太過接觸怪力亂神既野
接觸唔屬於自己世界既野 對人始終會有影響 唔係果個世界就唔好越界
所以 敬鬼神而遠之 就係最好
我唔知了，反正唔係我拜，我屋企人拜啫，由佢拜師學道開始好似都有最少十年了
