淺談香港Game 書

太郎個專欄有講， 開頭好似單純係為左搵d 野塞下版位， 做完先發現好受歡迎

你絕對唔係少數,而我地亦都知
問題係,專欄個產出仲低(寫得慢)
我寫兩頁就要寫成日

睇嚟你係編輯wo, 失敬失敬

手速慢呢件事無辦法
你地唔係寫散文/雜事嗰類專欄
好多歷史/趣聞其實要搵資料之後一路對住一路寫
咁已經焗限咗個速度

我作為讀者係prefer睇一啲高質專欄多過為趕deadline而亂寫嘅野
不過無買咁多年其實又無咩資格講呢啲

編輯做既野,打機佔低於1/3

出現了

唔係手速慢,你對同查資料一定要花時間
組織文字亦要時間
除非你放棄為自己寫既野負責
以我所知,有d老細去到後來,係會直接開口叫人抄(我無遇過)

d料仲慢過本地書
要等日本出咗，翻譯，審核
隨時一個月前d料

受眾量差兩個零啊

gamezone做攻略未必最好
但諗頭真係贏晒

成日想等佢哋爆露娜出嚟 以前佢哋會講埋自己game id 同大家一齊玩

冇關係啊
唔通以前你就唔做咩依家打機嘅人一定多過以前啦。同埋市場細還細，香港人大把錢，食晒細嘅市場再出去大唔係更好咩，定係前編輯嘅你認為一開決就要全球都識

所以咪執㭍曬囉

事實係全世界寫game周邊嘅都一早轉做網媒

唔講遊戲廣告，啲電莖椅電莖電腦耳機sponsor youtuber嘅都大把

大劣呢個冇遊戲發行嘅地方n年前都已經有tgbus，香港班搞雜誌嘅仲諗住攬住份紙過世

記得GZ曾經出過有個event
就係既然讀者對遊戲編輯咁有興趣想知編輯嘅公作，不如就比一日半日等讀者體驗一下係點樣做，就會發覺遊戲雜誌編輯絕對唔容易做，而且唔係話你想玩邊隻遊戲就做邊隻遊戲攻略

有時遇到你唔擅長嘅遊戲都要焗住去做，我聽過有個編輯嗰陣做Front Mission 2攻略係做到爆曬粗口掟手掣。

因為嗰隻game除咗loading 係好恐怖之外，就係當戰鬥嘅時候一部機械人就懶有型咁踩roller去擺pose跟住就攻擊，而另外一邊又做返同樣嘅動作，真係做到想死。

GAF咬GZ好似仲有另一單偷圖事件
當年都狙擊咗好耐

廣告費咁低有冇諗過你哋嘅內容真係只值咁多，老細又唔識叫價，成行賤價入場，點解要俾咁多你
話人網媒，YouTube搵唔食依家人肥肥，香港紙媒執淨一本。

由初出買到差不多摺書
中間都奇怪點解跌晒watt
原來有段估
到chrono班人回巢已經救唔番

你講既已經有無數人想甚至做過
現實是實際上香港連一個咁既team都養唔起
而家台面你叫得出既,都係靠份愛死撐
更唔好講努力做完一輪根本無人識既

Fami通同廠商走得太埋
某程度上無乜公信力
攻略又爛尾 (因為啲料要留返喺攻略本度出)
果陣都係睇網上轉載佢啲新game大圖

見到0分張圖...
又即時好有畫面

其實睇定玩都係見人見智
佢咁樣比0分都係想製造話題,有NOISE比人吊

商業角度上佢係成功
但作為讀者我就完全唔BUY佢呢D個人咁極端既觀點評分

大家買GAME書睇就係想睇下你呢D好似好專業既人士對隻GAME既客觀既分析
而唔係你個人既口味

唔係，嗰段時期一直有買書，係見到chrono 返咗去仲衰過之前，嗰陣佢成日話而家係手機遊戲年代，令到本書太過集中介紹手機遊戲，但係佢就用返以前90年代嗰種做事方式。

佢做得最衰嘅就係將成班熱血時報啲人一齊擺晒入去
真係屌佢老味。

月費制online game全盛期應該都係game書全盛期,喺game入面見到d編輯會好開心

佢果時係咪喺gameplayer走出來
都係不歡而散，印象中好似要打官司

金字塔頂果堆你未見到肥囉(比起其他區的塔頂都係輸個量級)
下面果班燃燒生命得個桔既呢?
如果你說服到老細每個月丟六位數出黎去做檔輸多贏少既生意的話
有咁既才能做其他野一定可以賺更多返黎

你係未攪錯咗
Chrono返黎先係本書死上死嘅時期

似乎引到EX編輯入黎分享

老實
介唔介意講當年人工水位?