淺談香港Game 書

呢個post真係充滿回憶，諗起以前買好多game書

一開始睇超任一族，之後去到ps, ss年代就睇game player，一個月一本好多野睇，係當時最正既雜誌

之後出左game weekly，頭幾期得一張紙摺埋，見佢賣幾蚊雞買黎睇下，週刊資訊快好多所以開始追佢

之後越黎越多週刊，game player出本game plus迎戰，初期好好睇，又講game又有別冊講日本名星，玩具好抵睇，跟住班編輯起飛腳自組game next就急轉直下，要搵訊號王老婆開專欄吸毒撚

game next睇左一排因為戒左打機無買game書，到ps3時期買game zone，呢本真係game player之後最好既一本，講真當時資訊發達，攻略同新聞已經過氣，佢最吸引係講game同主機歷史，呢方面真係做得好好，可惜後期編輯部好亂，最後收埋皮好可惜

我寫嗰本, 紙質用最靚, 本嘢嘅呎吋都同其他唔同, 但壽命唔係好長, 好早就一輪改革然後都係摺埋, 叫GPO, 全名就唔講了

network support再高少少之類啦, 好唔正經咁屎忽撞棍讀返唻嘅high dip咋..

如果只講 PC Game, 做得最好果本係 Hyper PC Player, 屋企仲keep住大概100本左右, 雙週刊, 印像中98年左右開始睇, 去到06年左右停刊, 由於係雙週刊,有時期, 每星期都會買多本pc game2000

全盛時期game書真係每星期
輪住出,我自己又無話追開邊本
所以有game想睇攻略我會全部
買晒頭一期之後再睇邊本寫得好
再買落去,齊晒就會剪出來用file保存

曾經有段時間買日本game書
其實係貪個D獨家DLC,當然D內文
我唔識睇,我唔知香港game書
唔試下呢個做法,可能同法律有關？

https://youtu.be/E-LlS2HnyvY

【GG直播室】每年都好似會探討 香港遊戲雜誌......

唔係話要做到巴哈咁或者呢類論壇，從一開始係講緊除左做Game攻略/評之外點樣做到其他附加價值出黎。

個位巴打一開始就Get錯左我同埋上面一位巴打講既野，以為要香港d Game media自己嘔一個論壇出黎，然後就到好似巴哈咁，所以佢先會問我係咪要佢地學埋寫code

如果佢地想搞一個屬於自己既平台係唔一定要類似forum咁，game weekly有自己個網，不過入面死左9成，乜都無既。但只要有自己地方，自然可以慢慢放自己content上去吸引大廠。唔係話FB唔得，只不過係FB無一過好睇d既方式去呈現自己既content，商業合作黎講又唔太正經。

其實樓上指你講嗰啲好多理想化
做MEDIA 同呢啲GAME 相關生意
冇人流就食得屎
但你攪個新平台
要用好多錢去燒先有人流
就好似VIU 開咁耐台,
但幾年間過咗去燒咗咁多錢人流同TVB 比都仲係有差別
仲要GAME 相關平台華人圈基本上個個都識自己睇巴哈
要吸到人睇個新嘅GAME 平台唔係咁易(仲要可能要以粵語為主, 客源已經少一截)
呢個年代唔會俾你DUP 石仔整好啲CONTENT 等你慢慢READY
你一黎就一係有資金爆到個好勁嘅嘢出黎可以搶人流
搶唔掂其實啲人都會返去睇返現有平台

第二個問題而家網上媒體年代同前幾年又唔同咗
而家興自己搵食, 你造個所謂平台吸客搵編輯搵人寫嘢搵人拍嘢
但啲人自己本身已經有能力RUN 一條細CHANNEL 或Patreon
你個平台分佣係未好得過YOUTUBE Patreon 呢啲先?
冇嘅話點解唔過檔你個平台玩

co-co!算唔算game書？細個睇住入面啲攻略黎玩pkm同牧場物語

但係佢講game嘅頁數太少，好多人將佢歸類為「兒童版嘅少年jump」

好多人都係買超任一族開始，先知道有game書呢樣嘢

如果用「本地game書編年史」大致上可以分類為

1980-1990 蠻荒時期
1991-1994 拓荒者時期
1995-1996 本地書正規化時期
1997-2001 Game書周刊化的戰國時代
2002-2007 面對網路世代的挑戰
2008-2012 黃昏時期
2013-2019 網路世代對本地書的大滅絕


小弟才疏學淺，如果有補充嘅可以再加返啲嘢上去

完全無人提Xgamely😂😂

我諗創業就一定係理想化架啦，我明白好似鳩吹咁，但好多時要做落或者成team 人諗下有咩新出路都會好過依家原地踏步甚至沒落嘅。
頭先落去睇咗今期game weekly 發覺内容上真係唔係好吸引，23 蚊叫平定貴？
呢個年代係要快同急，唔代表出季刊有問題，周刊依家明顯係冇內容都要迫住出，咁反而有問題。
至於你第二個問題，如果你間公司出手吸引，個plan 夠清晰，知道點樣賺到錢，我諗唔會冇人跟你做，佢哋單獨拆開自己做反而要幫youtube 打工，收入重少

結論都係要睇老細眼光喺點

其實而家咩攻略都擺上YouTube反而低質左，明明圖文已經交待得好清楚，係要睇片睇勁多廢話

youtube 要夠長先有廣告落，同埋係計view time

香港game書靠賣紙
係,無錯,就係靠果每人廿零蚊,廣告只能算幫補下
網媒得返廣告,仲要廣告費低一截
唔係講一句做網媒就得的

睇佢個個回憶專欄， 應該係星期日新報
我都有印象， 細個星期日去飲茶， 報紙有攻略睇， 但平時係無

學歷唔算高,中五到水泡科野大副學士都有
轉行咩都有,有人去日資公司做
有人繼續文字工作,或者其他類型雜誌
而我就,做過game開發,寫下外稿,而家量緊地…

太內幕就唔講了,呢行其實好講人脈
你要人果陣,一定先搵識既先,再問識既人有無介紹
相識>>>>>>能力
除非好好好好有朵,人地慕名而來搵你,如果唔係主要都係靠人脤
咁你識咩人,未決定左你搵到咩人返黎做囉

先講唔係我寫既
比0分係搏soundbite
大家記到今時今日,某程度佢都算成功

呢本係台灣書

嗰陣時新報唔知點解係會全個星期都有成半版至一大版講game，嗰陣好少報紙會咁樣做，就算天天日報都係星期日只會有一版講game

應該咁講，當時嘅主流傳媒係對電子遊戲呢樣嘢，係一個鄙視嘅態度。

GZ 當時唔知比啲GAF插到開花，但係作為讀者，其實我係同意佢咁講嘅，睇片多個遊玩，究竟係買套電影返嚟定係玩遊戲？