強逼症？潔癖？睇醫生？心理學家？

我同你情況一樣...
接觸不同類型病人搞到成日覺得好污糟
將乾淨既standard升到好高
覺得屋企都好污糟
係屋企成日洗手每次洗都洗三次洗到紅晒老人手
諗唔到點解決
想知你睇症精神科未同有冇用？

公立精神科冇用
Counselling 冇用
我嚟緊搵私家精神科

我都係屋企洗手至少落3次皂液嘅人
但唔得架
唔可以比佢不斷侵蝕你嘅思想
係需要藥嘅幫助，令自己放鬆
早排我睇左公立食左一星期藥覺得好差好攰就停左，
但令到同我一齊生活嘅人愈嚟愈辛苦。
雖然我每次去醫院同診所都要沖2-3個鐘涼，
但我都要逼自己睇好佢，
因為個病係完完全全影響我日常生活

由醫院拎返嚟嘅藥我都要浸消毒藥水，噴酒精。
我每日都過得好痛苦

想問樓主依家點呀？最近搵到呢個post 同樓主有啲似 都係潔癖同洗手 沖涼好耐 最後有無去睇醫生？

我都會咁
沖涼掂到覺得污糟嘅牆身 會用皂液清潔返
屋企去廁所都要用廁紙鋪喺廁板
洗完手掂到有塵或者污糟嘅野 隻手會痕
覺得好多細菌好污糟 會再洗多次手
出街唔會想掂到好多細菌嘅嘢
隻手掂到之後會拎酒精消毒
屋企人衛生習慣差搞到我愈嚟愈嚴重
其實好攰

最後我有去睇醫生，不過喺我個case入面，醫生幫助不大，所以冇再繼續了
工作同日常方面，我對醫院或者診所嘅野都好恐懼，不過漸漸地無以前咁驚但自從驚左之後，咁耐以黎我無去過醫院，touchwood只係感冒或者COVID，所以都只係去診所

我都係 基本上掂到唔係自己野都想洗手
一樣洗親手九成都要用梘液 之前冬天洗到爛手
但依家盡量叫自己唔好 講緊係熄燈都覺得燈制污糟
但如果水龍頭係隔離都係會洗
屋企廁所我之前都鋪紙巾 但因為屋企廁所有時會有蟻
試過爬上廁板 後尾我依家直頭每次用都要花灑沖曬成個廁板
如果你手會痕應該都好嚴重 我最多係好唔自在想洗手
出街先麻煩 成日要睇定廁所係邊 同好驚俾人掂到
我都係屋企人衛生差 搞到我好崩潰仲要俾人鬧返轉頭
仲有係洗手洗好耐 起碼都1/2分鐘 手指全部隙有時洗埋上前臂同手爭
你手痕有無睇醫生呀？

出街食飯先打大佬 要攞定曬啲消毒同紙巾
掂完食物餐具又覺得污糟又唔想掂自己啲野同袋
電話都係如果要打卡影完相就收埋
直頭有時攞定錢出黎食完飯就可以俾
我反而對食物啲汁呀個啲污糟更在意
為左食得方便啲 仲會叫啲冇食得咁狼狽既食物
我知好變態改緊了 可以食返少少尤其紅油既湯面

同屋企人嘈過無數次
係呀其實係要自己諗通先得的
依家基本上我得閒既時間都唔多
真係有都係用黎清潔同諗下仲有咩清潔未做。。
屋企人唔可以掂我啲野 掂左一係消毒一係洗左佢
對手一定要保持乾淨
如果要掂污糟野 例如食飯個啲 做曬所有野一次過洗手
強逼症都有啲 要好整齊個啲都係 未到要對稱個種
但自己啲野會放得好齊同乾淨
我都係就算個樣野新買全新 都要由頭抹一次先得
加上啲包裝有時都會有啲碎屑 又係要搞一餐
所以唔中意出街 因為返到屋企有排搞。。
依家成日俾人鬧用水用得多 水費都貴左好多。。
我諗我會睇一次醫生睇下點先

尤其見到密集細菌圖開始就形住其他物件係污糟
冇睇醫生 諗住自己會慢慢好返
我洗手又未去到要幾分鐘嗰種
可能因為有排濕疹 容易手痕
喺屋企如果要掂到多塵 多油 污糟 臭嘅野會戴即棄手套先掂
出街我都係保持住成個人啲衫同袋盡量唔掂到
不過掂到就算啦 出街好難掂唔到 所以返到屋企先消毒
食嘢方面就唔太care
我應該係因為焦慮愈多所以愈有潔癖
心態上思維上改變都減輕到

我都會咁
沖涼掂到覺得污糟嘅牆身 會用皂液清潔返
屋企去廁所都要用廁紙鋪喺廁板
洗完手掂到有塵或者污糟嘅野 隻手會痕
覺得好多細菌好污糟 會再洗多次手
出街唔會想掂到好多細菌嘅嘢
隻手掂到之後會拎酒精消毒
屋企人衛生習慣差搞到我愈嚟愈嚴重
其實好攰

我都係 基本上掂到唔係自己野都想洗手
一樣洗親手九成都要用梘液 之前冬天洗到爛手
但依家盡量叫自己唔好 講緊係熄燈都覺得燈制污糟
但如果水龍頭係隔離都係會洗
屋企廁所我之前都鋪紙巾 但因為屋企廁所有時會有蟻
試過爬上廁板 後尾我依家直頭每次用都要花灑沖曬成個廁板
如果你手會痕應該都好嚴重 我最多係好唔自在想洗手
出街先麻煩 成日要睇定廁所係邊 同好驚俾人掂到
我都係屋企人衛生差 搞到我好崩潰仲要俾人鬧返轉頭
仲有係洗手洗好耐 起碼都1/2分鐘 手指全部隙有時洗埋上前臂同手爭
你手痕有無睇醫生呀？

出街食飯先打大佬 要攞定曬啲消毒同紙巾
掂完食物餐具又覺得污糟又唔想掂自己啲野同袋
電話都係如果要打卡影完相就收埋
直頭有時攞定錢出黎食完飯就可以俾
我反而對食物啲汁呀個啲污糟更在意
為左食得方便啲 仲會叫啲冇食得咁狼狽既食物
我知好變態改緊了 可以食返少少尤其紅油既湯面

紅字咁似我