強逼症？潔癖？睇醫生？心理學家？

有冇人都會做？係咪已經有病？
因為我嘅工作係會經常去醫院同診所，每次返嚟就消毒一餐
洗手時要掂唔到個洗手盤，一掂就要用皂液再洗過，覺得醫院返到嚟都喺洗手盤洗，所以掂到等於污糟
人地嚟屋企一定唔可以坐床，坐完嘅位置都要抹下
接受唔到屋企人唔洗手掂落啱啱晾完啲衫度，但都冇辦法，唯有臨出街先換衫
電話返到嚟一定要消毒先用，有人搵我但未消毒寧願唔用電話
返屋企一定要換衫沖涼
沖涼沖好耐，試過一個半鐘，驚放工帶左啲菌返嚟比屋企人，水龍頭連侯都會洗埋

我覺得係乾淨姐 唔係病

男友同屋企人都覺得係病態要我去睇醫生
我亦都好恐懼因為咁要食藥，好似冇人明白我咁

ocd
如果影響到生活
你冇辦法自我控制
因此感到痛苦
有可能係強迫症

個人覺得唔算

洗手時要掂唔到個洗手盤，一掂就要用皂液再洗過，

強迫症係洗手用力洗 洗到隻手紅哂甩皮個種程度

同埋你沖一個半鐘係不停擦身定係都有享受下？

如果未去到影響日常生活只係算對病毒嘅恐懼太大
未必係強迫症嘅

我洗手又唔係用力洗，但次數真係唔只一次。可唔正常人洗一次就夠，我覺得第一次可能洗唔到有啲彈到嘅部份，到最後進化到呢家會洗3次先放心。洗手盤周邊啲護膚品可能比污糟水彈到，所以用單手開蓋，另一隻手揸上面。最後揸完都要洗手對手已經爛了，不過亦可能因為我喺醫院工作都好乾，返到嚟又係咁消毒。

早排我對鞋著過去診所，離開診所時因為爛手逼自己唔可以捽酒精或者洗手（出街都逼自己唔可以帶酒精搓手，因為手已經爛) ，返屋企除鞋果陣掂到鞋帶。上星期我著返同樣嘅鞋，但甩咗鞋帶，逼住喺街途手磅鞋帶。返到屋企個陣，成個袋連埋手機連埋我當日套衫掉症落洗衣機之後即刻沖涼。全日都唔敢喺洗衣機拎返部手機消毒，因為唔想洗手

肺炎之前你都係咁？聽落好影響日常生活

我個半鐘係享受架！沖完我真係覺得舒服，同「終於沖乾淨了」個種感覺我手已經有紅同脫皮了⋯⋯
呢個星期我嘗試逼自己改變，由個半鐘沖涼，縮到半個鐘同9個字我發覺好似都可以改變喎，但掂到去過診所嘅野，或者醫院野，我依然要洗手，同好驚彈到，洗3次咁

肺炎之前我冇架屋企人同男友就笑我驚到咁⋯⋯
我去完診所睇醫生啲藥膏我都會用消毒藥水浸下先外殼都唔知有幾多人掂過，但入面啲藥膏就冇辦法喇

藥袋返到嚟連埋信用卡我會放落一個細桶，掂到 eg.食完藥就會洗手。個張信用卡每星期都會拎去診所，就唔洗消毒了臨去診所前先拎出嚟，反正去到診所都要坐喺個度啲梳化呀，入去醫生房呀，拎藥。

雖然現在情況唔算非常嚴重 但已經係影響緊你嘅生活 要搵d 幫助

建議可以同普通家庭醫生講你嘅情況 佢可以轉介你到公立醫院睇精神科醫生同見臨床心理學家

希望你嘅情況可以多d好轉

多謝巴打建議。男友幫我搵左心理學家，但精神科醫生我未想去睇⋯好似話要食藥個啲。但其實我覺得冇人明白我點解掂完要洗手

過度的清潔亦導致免疫力低下，相反更易得病。

我諗未去到要食藥，最緊要係解除你對病菌嘅誤解同恐懼先，睇心理學家幫到你

不如我比另一個角度你
你係無可能消滅哂菌
有啲識整endospore 滾水都整唔死
仲未計空氣中有大量微生物 真菌的spore

你到呢一刻都無大事 即係你過份擔心個後果

我係過份擔心，成日都驚帶左啲菌返屋企
但其實屋企人都唔驚，成日話邊驚得咁多？
見到我對手咁佢地寧願我唔洗手
我都成日諗呢個問題，但最後都衝唔過個心理關口，去左洗手

你問咗心理學家意見先再見醫生
Btw係見認知行為治療嗰type先對你有用

你係因為過份擔心無洗手的後果 造成好嚴重的焦慮

冇架喇 唯有學識共存囉
俾個肺炎搞到咁就一世

好，多謝你

你要明白洗完手已經洗走咗絕大部份的菌
就算有又點？

不如我講個fact你知
人體的菌量 尤其你條腸 係多過你細胞的總數
但你咁多年都仲在生 即係你諗多咗
仲有條腸有啲菌仲係對你有益 因為佢地係可以阻止其他有害的菌依附 (this is why你食抗生素可能會肚屙 因為殺咗有益的菌 比咗機會衰菌有機可乘 但只係短暫）

你係過份擔心有菌的存在 其實我地不嬲都同佢地共存

其實咁講啦 do your best is enough
有人好驚比車撞死 但係咪真係咁易？同埋呢啲真係無得講架

成日驚自己返醫院
做唔足會野到身邊嘅人

早兩日去左睇心理學家不過佢醫OCD嘅情況唔係CBT, 佢係搵返壓力來源同認識自己個種治療方法。想知係咪一定CBT行為治療先對我個種病有用？
擔心如果冇用，使唔使早啲轉。
另外，佢都建議去搵精精科食藥放鬆下成個人，所以排左公院，下星期會睇了。

對你應該最有用
去搵你的錯誤思想
搵唔同方法去改正
包括會令你發覺諗多咗的方法
例如有人好驚坐mtr 就要佢更要咁做 令佢知道原來其實唔係咩一回事