點先可以屌醒我細佬？

呢啲人無得救 要佢自己親自仆街仆到應一應先會知醒 知道發生緊咩事

大佬你地知唔知考紀律部隊幾辛苦
根據樓主形容，咁既廢柴點頂得住...

做呀哥預咗

最近炒美股

屌l7佢啦
成頭家得返你一個親人ja 都唔l生性
搵幾多都好 都逼佢起碼比2000出黎
佢成年人黎㗎啦 仲細咩
自己搵幾多洗幾多有數計有得就 而唔係你去就佢份人工

細佬幾歲呀？
巴打同細佬年紀咁細失去家人一定過得唔易
巴打要負起責任照顧自己同細佬一定好辛苦
細佬會唔會作為細仔，失去父母後未學識獨立，
對未來嘅規劃冇呀哥咁清楚，仲懵懵懂懂小朋友咁
如果關係唔係差嘅（細佬一定會念在巴打同佢嘅親情）好好溝通畀佢知你嘅擔心（包括對你同對佢）
同佢一齊諗 一齊計劃
畀佢知你唔係唔要佢 會陪住佢成長
加油

面對緊相似既情況
最好的解決方法就係你自己搬走

樓主 知你錫屋企人
不過照顧同縱容係有分別
佢都咁大個人 難聽啲講會餓死就抵佢死既
有時獨立係要迫出黎
當佢無得唔獨立照顧同養活自己 佢就無得咁懶
建議你試下狠心啲 比佢真係要要自己一個搞掂多啲野

認真答 睇幾本關於情緒勒索嘅書 學下放低呀媽句說話

我諗你細佬都只係有阿哥嘅保護下未有壓力 未識諗啫 不妨可以試下兩兄弟坐低 將你所擔心嘅都同你細佬分擔 話佢知你都捱到好辛苦
但如果溝通完都無動於衷嘅 就⋯⋯

明白

做女都好，有閪萬事通。
到有一日嫁撚咗去都無咁煩。

多謝你鼓勵

睇你煮咩餸啦
要食海鮮硬係貴

以前住公屋，阿媽煮煎雞翼/豬扒，罐頭肉炒菜，肉片節瓜湯，咁咪唔貴囉

搵朝唔得晚就應該好天斬埋落雨柴
咁都搞唔掂就應該搵過份工啦
幫佢搵埋藉口由佢咁樣樣無人幫到你

呢啲屌唔醒 放手罷啦

講撚到明搵得嗰萬幾蚊想結婚，有公屋仲要出去租地方？水電煤租都係樓主交，點解唔係叫佢細佬搬？

建議樓主唔好直接叫細佬獨立，依家二月呀嘛，你咪呢個月搵日同佢講，嚟緊九月開始你要自己獨立，負擔返一半屋企費用。起碼俾啲時間你細佬去準備吓個生活，如果唔係佢會搞唔掂。咁呢六個月期間，你大致上幫佢plan 下，career 又好，未來條路又好，總之盡力俾意見佢。凡事都唔係一朝一夕可以改變，最好俾啲時間佢接受佢要長大嘅事實。如果你直接同佢割蓆，冇比時間佢第一有可能你哋關係會受影響，第二成效唔係太大，因為咁短時間內其實佢都搵唔到出路同方向，可能佢真係死捱硬捱搵到啲錢返嚟俾你，但係好大機會最尾佢會放棄，因為太撚辛苦，咁就會去返起點，個情況唔會有改變。所以最有用嘅方法係比deadline 佢，起碼佢自己有個潛意識係要長大，同埋有多啲時間俾佢諗要點樣做

換咗鎖之後入唔入到去住呀

樓主不如set個deadline俾自己
認真地同佢講過多一段時間就要佢負返應負嘅責任
例如家務 / 家庭開支等等

作為第三者
我睇你個情況係極度惡劣
唔單止係你細佬，連你都係

你完全教唔到你細佬作為家庭成員嘅責任感
你有無諗過如果你一直咁寵佢
佢將來會點？
又萬一連你都有事 佢自己一個會點？

到你方面
你的確答應你媽媽照顧好你細佬
但好明顯你做唔到
你睇佢廢到幾離譜？連自理能力都無！
講真 佢都廿幾歲人 有自己思想
你而家先嚟教都教唔到d乜
佢有心聽自然會自動自覺
無心聽你日日屌柒佢 佢都係彩你都on9

所以如果你真係為佢好
有無諗過過咗deadline之後完全唔理佢
踢佢出街又好
你自己同女朋友搬出去都好
總之由得佢自己一個照顧自己
同時你都識得講 要為咗你自己同你女朋友諗下將來

1個人仆街 總好過2兄弟攬住一齊仆街
唔係叫你放棄佢 但有時真係針唔吉肉唔識痛
對住佢哩d咁嘅人真係要用d非常手段
諗深一層 咁做都真係為你2個好

你當佢兄弟 佢當你契弟咋

直頭搬出去住 由佢自己獨立啦
咁大個人有手有腳唔通養埋佢過世咩
而且你將來都有頭家 都要為自己諗吓
你咁樣係害咗佢 自己都辛苦