[最終回倒數3] 進擊的巨人漫畫討論 - 137話（2）又要等一個月

啱啱睇翻第一集
發現兩個原來都冇講柒咗
同漫畫搞亂 太耐冇睇
但係三笠就有問點解艾撚係到喊


前面個夢係指艾撚係樹下訓醒之前
夢到有巨人入嚟食人
荒本可能係指呢度？

係呀，艾倫發夢係真，流眼淚係真
但成個flashback都冇咩意義
「各種過去與夢境交織，只是場景間連接的橋梁而已」
即係單純動畫效果？
咁講創哥唔解我都ok既，又唔洗庸人自擾

艾撚醒後都有講話自己好似發咗一個好耐嘅夢咁

其實唔解尼個伏筆，覺得幾好，純粹發一埸夢。就係無特別含義

有個假設性問題
Suppose巨人食咗其他巨人就可以搶咗佢嘅能力，咁如果冇辦法分配番能力出去嘅話，去到某一代咪有一個家族齊晒九大巨人，變成中央集權 所以一係地鳴晒，一係安樂死晒，要做得撤底

褲管有咩特別？

最近先追貼返 加入下討論先
我都認為兩邊出發點都冇錯 係手段同時機問題
做到要滅世的確係over咗，而且我覺得艾倫咁做實在背負太多，好痛心佢

好多人鬧Armin好左膠，但佢嘅左係真大愛和平，類似甘地/耶穌嗰種，真係可以犧牲自己去救其他人及解決仇恨，唔係我哋討伐嘅虛偽左，而Armin又好真實地展現出人類嘅無能，同喺殘酷現實下大愛和平嘅限制，好多時係佢同艾倫同時存在，合力或輪流解決問題，如果淨係得艾倫或淨係得Armin都冇辦法達到呢一步，個世界都係一樣，右同左嘅力量都需要，先可以達到平衡

顎巨咬斷艾倫腳
之後艾倫現身接頭 條褲完好無缺
冇睇單行本 唔清楚係咪真係冇修正

對比約定的夢幻島
艾瑪都好多人屌佢係左膠，但其實寫得幾好
佢有同唔同立場的人溝通，想法、行動一致
令讀者知道佢諗乜，產生共鳴
到最後都有個完整的結局，呢種係寫得好既左膠

而阿明果班救世小組，行動太極端，殺艾島人、殺艾倫
走去殺自己人，就係為左救一d完全唔識，當你係敵人的人？
所做的根本難以理解
最慘係當初為左救佢而犧牲艾爾文，諗住佢可以繼承團長的精神，但佢無進步到，反而退化左
所以一定多人屌
以創哥寫故事的能力，應該唔止係咁
係咪故意咁寫，就要睇埋落去先知了

吉克俾兵長殺咗，獸巨唔知會傳去邊呢

D人話廢托影響阿爾敏性格
事實廢托後面已經成長到艾倫既思維水平，最有進步係佢
阿爾敏自己柒咪賴人

所以想知諫山點解要寫左膠團
擺明寫衰阿爾敏

其實調翻轉係艾倫做法極端先令到佢哋要咁極端去臨時處理同解決問題，加上Armin同艾倫失去溝通，如果艾倫唔係選擇一個人去承擔呢件事，佢條路一定唔會係咁

呢個故事除咗講自由、仇恨呢啲大題，仲有好多角色嘅小課題，對艾倫嚟講其中一題係作出最好嘅選擇：依靠同伴 vs 相信自己，但其實呢個係偽命題，因為冇人可以擔保咩係最好，好多時只係死好彩，而艾倫嘅抗爭意志，及擁有巨人能力，令佢有種能力越大責任越大嘅使命感，當佢發現世界嘅真相，甚至想一個人去揹起呢個責任，成為惡魔。呢個亦都係肯尼臨死前悟到嘅事：人生在世必須有所追求，令自己沉醉於某事物上，就係人生存嘅價值。

艾倫做法係極端
但左膠團係咪解決緊問題？
除左殺死自己同伴戰友之外解決左乜野？
佢地完全冇計劃，停左地鳴之後會點？

左膠之所以叫膠唔係因為大愛
而係因為大愛得黎不切實際無視現實
現實就係全世界都想艾族死
冇計劃、冇解決辦法、淨係一味大愛
佢地咪正正係左膠囉
最諷刺係口講殺人是不對的
自己就手起刀落設計殺害族人殺害同伴

艾倫點解要一個人承擔呢件事未解
但有一點肯定既係
左膠敏一早知佢計劃既話應該會晨早揾人食左艾倫

人就係唔完美，Armin佢哋就係暴露咗好多時唔係好似做戲咁可以好美好咁解決到所有問題，佢哋暫時嘅解決方法，就係搵出野獸巨人並殺死，最後里維都做到，之於你話點解決世界對艾族嘅怨恨，咪就係一時三刻解決唔到，人生在世所有嘢都係盡力而為，而且要用時間去化解，如果只係純粹用抹殺嘅方法去解決問題，問題嘅核心係依然存在，佢哋唔係冇解決方法，而係佢哋未有時機去解決，就逼住要解決耶格派同艾倫先，至於你話殺戰友殺族人，佢哋都唔係第一次要面對，反而正因為佢哋會出手殺先唔係膠，根本好多人都冇左膠思維，只係一個正常人思維，好似萊納、法爾可咁會唔忍心，因為同理心先唔想個世界生靈塗炭，佢哋只係做一個正常人會做嘅嘢

暫時解決辦法係殺吉克咪就係解決左乜野？
只係停到地鳴但問題完全冇解決
原本既憎恨問題一啲都未解決到之餘
世界既人死左咁多對島更加憎恨
而且佢地所謂既解決辦法就係對話
人地有俾機會你對話咩？肯聽你對話咩？
等時機咪即係等運到
未等到都死鳩晒啦

咩人唔係完美鬼唔知咩得罪講句呢句真係廢話黎
人唔係完美所以艾倫地鳴班左膠就唔好怪佢由得佢啦

所以咪話唔係一時三刻囉
從賈碧嘅例子已可以睇到的確係可以化解，只係呢個過程好長亦要好有耐心
人生所有課題解決方法都係經驗累積出嚟，係難㗎啦咪試囉
艾倫嘅立場冇錯，反地鳴派嘅立場都冇錯，地鳴係無差別浩劫，要阻止都係人之常情，你阻止到世界又唔同咗㗎啦，好似故事發展到而家咁畀好多人見證到迪島兵團好努力咁阻止呢場浩劫，已經係一個和解缺口了

我估計如果真係和平完場，發展落去分分鐘Doctor Strange式因為艾倫知道事情會咁樣走向先決定啟動地鳴，其實艾倫不嬲只在乎朋友同家人，地鳴如果最後完全滅世反地鳴派就一定會畀耶格派清算，只可說耶格派從一開始就係condom，係艾倫想保護朋友而利用佢哋

等運到等到全世界宣埋戰

我都覺
巨人能力只會多唔會少

我都想知其實艾倫睇到既未來有幾多
Floch果啲會死係咪都係艾倫一早預視到既

唔係一時三刻呢句真係笑左
咪就係現實已經冇時間俾佢地去慢慢解釋感化世界其他人
人地都已經講明宣戰要滅個島
擺明唔聽你地講
仲講咩要慢慢要耐心去化解仇恨

賈bitch呢啲針拮到肉先會反省
同香港班藍絲一撚樣
有幾多成人會俾針拮到肉？
對話得把口咁易感化到真係理想世界
所以咪話左膠不切實際

講多句點解咁多人話如果魯魯修BBQ結局會失望
就係因為唔現實
創哥一直都對仇恨戰爭對立寫到好現實
突然個個地鳴死全家踩死晒都咁易化解到仇恨
太理想化好唔真實