[最終回倒數3] 進擊的巨人漫畫討論 - 137話（2）又要等一個月

艾倫都明白島外既人同自己一樣 都係比仇恨洗腦
但一樣要戰鬥落去 因為要保護自己人
唔認同滅世就一定係出於仇恨 好明顯佢係愛人先咁做 愛既係邊個就好明顯 艾希目前基本上係最大伏筆為左希斯同下一代唔洗代代相食 情願行最難條路 不惜冒犧牲104期既風險

大佬佢作黎講自己想講既野冇問題架喎，你睇返我邊有屌過佢爛尾，我由頭到尾都係話成功滅世大家會覺得合理，創哥要作個比人屌加跌落神壇既結局我吹得佢漲咩？

但咁果d feel到唔覺會滅世ending既讀者呢
但122後都明顯有講左團想阻佢既意圖，咁唔係都證明左滅世end唔係必然咩。

其實歸根到底都係讀者既期望與落差，作者邊冇錯，讀者擅自期待創哥又擅自對佢失望。但現實係其實都會有好多人冇expect過滅世end。

咁即係唔成功滅世就係唔合理
唔合理咪就係話緊佢爛尾
然後點定義咩叫合理
個準則點定出黎
係你地主觀地咁認為定憑咩證據線索推測到
樓上樓下都提出左
你地單方面
考慮艾撚既思維黎推測結局
但你地忽略哂阿明三笠既想法
冇納入假碧同瑪萊人心態改變作為線索去推測結局
亦即係話其實係你地推測失誤估錯左個走向囉
然後將自己失誤既矛頭指向左個作者令你地誤會左

係連登仔多人想滅世
原因不解釋

講左會比人圍屌

之前人怪開po
我都話其實佢講得岩

你係唔明我想講咩定點，
除非你無心睇，如果唔係都feel到
先唔講劇情過急，無舖墊，因為太多巴打講過

為反而反論據不足感太強
劇中Hange都講話後悔自己俾唔到計劃，開導唔到艾倫，大佬你自己都噉講我仲點可以撐你，亦都唔好講Armin嘅條約，你想寫和平結局，但你自己都覺得牽強嗰下先好笑，同粒住塊面話自己可以面對全香港人有乜分別，你係讀者你撐邊個，你唔係噉都feel唔到哎嗎

你係成功嘅，5ch,titanfolk,ptt嘅讀者就唔會覺得太突凸，大家就會覺得艾撚太激進喇，左先好，現家問題係作者越想spin去到左膠結局就越令人覺得地嗚先啱

其實鋪左好耐
今集動畫先講返起三笠同阿明話想對岸既人去互相了解
話過急既會唔會係你地睇到層皮又吸收唔到個涵

睇返訪問

創哥話本身個結局係MIST類型

而家係guardian of galaxy類型

而家睇 真係好銀河守衛隊feel

再唔明你睇Gigguk一年前嗰條片，嗰鬼佬講咗Boruto（又逼我講Naruto)唔合理在於忍者世界仲有科技發展，唔係唔得，係唔自然；相反巨人就算突然新加設定，例如有冷爆石，我呢下接受到嘅原因係咩，佢地正好需要囉，立體機動裝置需要燃料囉
鋼鍊有賢者之石，好撚bug喎，想做乜就做乜，但係佢有限制同需要人命，咪變得合理囉，
漫畫現家唔合理嘅原因係乜，戴巴全家為敵，你勸得全球掂？你嘅和平亦都僅限於和平派同逼住同你一齊嘅俘擄，你勸得佢掂，唔代表全球唔憎你喎，你同佢訂盟約，唔代表人地之後唔會反cup你，到時你點算
地嗚從來都唔係best choice，但係唯一嘅選擇，再唔係你行番安樂死lor

鋪陣一直都有，由艾倫一開始發現自己變到巨人，艾倫係想用武力逃走，艾爾敏覺得要傾計。去到最後打托柒，個個都話即刻打，艾爾敏都係有話傾左先。捉女巨人都係。作者一直都有強調多個選擇係度，但冇人會知點揀先係正確。佢地既衝突唔會完全冇鋪排囉我覺得。同埋你講既channel唔可以代表可有讀者，只可以話果幾個channel多數都係咁覺得。

阿明又接觸過幾多人，咪又係幾丁友，接觸幾丁友之後嘅結論你信
大佬現家係講緊全世界呀，大家都要buy你嗰套，
你可以有乜辦法呀，大家被戴巴呃咗噉多年仲會唔會受魯魯修結局，地嗚係無辦法之中嘅辦法，我夠想創哥一野打到我塊臉拍拍聲，越大力越好添，但有冇alternative option

唔覺得有鋪過
唔係有提過就等於有鋪墊㗎
每次都係得嗰講字囉
講到人地宣埋戰打柒你都係得個講字
阿明有做過啲咩去邁向互相理解？
咁想傾當時唔同Floch傾？
自己友就唔傾得要呃呃氹氹住人哋㗎飛機

艾撚又接觸得好多人咩
你又咁信？

其實套野講自由係乜
連鎖仇恨
唔係講點保命保家衛國
滅世係保到你自由同斷你仇恨
但保護唔到人地既自由
會唔會一開始個著眼點已經錯

佢第一季就想同亞妮傾
結果到第4季先可以真正互相了解
3人組入到去牆內生活咪係一個了解既過程
萊納咪係最後透過了解得出黎既產物
你話你唔覺得咪就係你既問題

你諗深一層，大家當初點信得過艾倫，唔係有兵長幾乎打死佢，其他人會信，
最後點解決貝爾托特，又係靠武力，點解決女巨人，又係靠武力，貝爾托特仲要好型噉講一句：「你地唔係惡魔，但你地都要死」，明顯帶出最根深蒂固嘅原因係國與國之間嘅仇恨，同埋呢種環境係不能共存，你話可以改變到呢個環境咩，冇乜可能，現家停咗地嗚，情況只會更差
你真係覺得一個有正常思考能力嘅人會唔覺得奇怪

果個牆教主
商會啲人
仲有肯尼
大家都係一開頭想殺左對方
由牆內既互相仇恨到牆外
瑪萊義勇軍黎牆國想互相了解
假碧走入牆國了解
艾撚又入瑪萊去了解
成個故事都講緊互相了解

依家係講緊有冇鋪排過左膠結局
但你根本係轉移緊視線
不斷想帶出就係滅世結局先合理
Even作者用左好大篇幅寫左膠結局既鋪排
你都只係重複話滅世結局先合理

你肯定經過戴巴家族一番言論之後，救世主嘅後裔，政界地位極高嘅人物，大部分人信邊個？
而阿明識得嘅係艾族人、吉克一派、馬萊戰士一派，以為佢真係大部分意見，原本有馬加特都有機會，但創哥已經寫死咗佢喇，馬萊再無軍政高層幫艾族人辯護啦，現家可以點
你忽視咗自由同自由之間嘅互相衝突，現實世界都係噉，人類歷史係互相爭奪嘅歴史，一方嬴得自由，便是另一方奪走自由，一山不能有二虎，甚至我話共產主義都一樣，無產階級得到自由，資本主義階級失去自由，eva嘅答案嘅全人類變橙汁，有共同意志，巨人嘅答案係咩

問題係滅世結局真係好合理咩
如果巨人既主題係保家衛國
咁滅世又真係幾合理
但巨人既主題係自由既意義同仇恨連鎖
如果個答案係滅世咁就唔太合理囉

佢所做嘅舖排換嚟係滅世結局嘅肯定，
無人唔想左膠㗎，但我諗唔到有咩方法
作者太貪心啦，寫到自己封咗後路，我都想相信Arwin但無辦法我唔係創哥

只可以話你思想有問題
你有自由就要奪取人地自由
歷史係個過程唔係一個結論囉
人類個歷史係咁就一定係岩？
咁巨人寫啲歷史書都有既野？
咁我睇歷史書都得啦
佢個方法都未講
你地又要問但又會預設左個結局一定唔合理咁古怪

請拭目以待，我都等番一個月