打工港奴旅行日記 - 23天尼泊爾徒步+西藏 切J再出

Day13


晨早一食 老老實實講到食 大陸真係平靚正 呢碗麵既質素我諗香港都要60蚊 仲要係街邊鋪



然後小周同小丹就話不如一齊食lunch 我未餓 就試試肉夾饃 一般般 然後今日仲有個係香港嚟既女仔 係我之前同學 咁啱知道我會去西藏佢都有興趣 最後 4個人成團 而今日見完司機講解完行程後 就交低回鄉證比司機 整邊境通行証(即係邊防証)

Day1 *邊防証 拉薩-羊湖-普莫雍錯-白居寺-江孜
Day2 江孜-絨布寺-看珠峰日出
Day3 絨布寺-烏拉山口-加措拉山口-拉孜-日喀則
Day 4 日喀則 扎拾倫布寺-尼木線去羊八井- 當雄
Day5 當雄-那根拉山口-吶木措-直接回拉薩
Day6 拉薩-思金拉錯-米拉山口-工布江達-巴松錯
Day7 巴松錯-林芝-派鎮-索松村-南迦巴瓦山日落
Day 8 桃花 大峽谷 南迦巴瓦峰 最後坐6小時高速回拉薩

呢個就係當日大家決定既行程 大家都可以參考下

呢幾日因為無咩野做 又無咩相 要開返啲對話睇返 就有啲掛住當時裸辭周圍去嘅日子

推
以前好鐘意背包旅行
依家有小朋友 已經幾年冇出去見識下
最後一次已經係2016 年 西藏阿里
睇post當去左

兩個option啦 組織家庭都係1種體驗 有得揀我都想㗎

Day14
一朝早邊防証就搞好

邊防証作用係路上有好多檢查站 其中唔少地方都需要有呢張証先可以通過檢查站 包括珠峰

話說達蘭係有五層嘅民宿 而3樓其實就係著名嘅風轉咖啡館 就係第1個香港人 薯伯伯所開嘅鋪 亦係因為佢我先認識薯伯伯呢個人 有興趣可以睇吓佢既自轉 的確係好傳奇 去到食大陸野厭既各位 可以嚟呢到整返個餐蛋出前一丁
今日我地決定咗就請司機 拼車走尋日既8日團 但壞消息係原本既司機(叫扎叔)被公司調走去機場線 所以要用另1個司機 亦係今日簽咗約

呢份就係個陣既合約 佢係帶埋嚟民宿既 而換司機係壞消息既原因係之後扎叔比較老有經驗而且感覺幾溝通得幾好 呢個係肥司機而且感覺係唔太好傾 但最後都無可奈可 我地會係聽朝出發正式開始8日之旅

無野做就同佢地去買大褸 因為佢地怕唔夠暖 就買咗啲軍褸著1次就唔要個種 係厚但同時好重

去返之前試酥油茶既餐廳嗌個牛腩飯 點知係湯飯嚟 不過咁凍食碗熱湯飯都ok㗎

佢地話最後晚餐食完上路 所以夜晚就去咗菜館叫做食餐好小小既 因為都知道路上生活質素唔會好

話說小丹嚟到拉薩長咳唔停 其實都係高原反應既一種 食完飯就去咗醫院聞吓氧氣 希望呢幾日會好啲

G持，下次去埋ebc

DAY15

呢架就係我地代步嘅車 一大清早就出發

食個簡單早餐就上路


上面係西藏好出名既雅魯藏布江 藏族既人認為自古就係靠呢條河去孕育佢地既人文



其實沿路上求其一個位落車都係徹徹底底既風景 希望會有一日見到中國有自由之後可以環遊我地祖國一次
https://streamable.com/zum0mo
沿路成日會遇到棉羊群 係完全唔怕車



從山谷望向下面亦係雅魯藏布江河







第1個目的地就係羊湖 係西藏被稱為三大神湖之一 呢到可以講講依家西藏幾乎每個遊客會到既景點係會有觀景台設施 基本上全部都要入場費 但司機就嗌我地可以逃票 每個景點收費都唔同 但一概都係好貴 好似每位都100人仔起跳 身為窮撚既我即刻自薦逃票 方法就係先落車唔經馬路上觀景台 再係觀景台下面有個小斜坡 再上返去就等於入咗場 司機同我地講原本可以落羊湖0距離接觸 但時間唔夠就無去到 有啲可惜

係西藏最正係同天空距離勁近

基本上跟咗團出咗拉薩後 沿路係完全零建築物 去咁多地方似乎都未試過

但天氣亦多變積雲開始變多






https://streamable.com/xp49ce

終於嚟到普莫雍錯 係尼泊爾小叔送既一對冰爪終於有用 但天氣開始變差 有啲惡劣 加上無咗太陽 溫度趺咗好多 成個湖都結哂冰 所以睇唔到啲咩 都有啲失望 留咗一陣就開車去江孜搵住宿

Day15完 因為我發現呢晚既住宿同飲食好似都無影到 但印象都係去啲小餐館求其搵平房住

Day16
今日只有一個目標 就係珠峰大本營……..既下面絨布寺 因為大本營之前因為太多垃圾 政府就決定關閉 所以盡頭只會係絨布寺對出既平地 唔講咁多 一大清早就開車出發

天空靚到難以形容

checkpoint 觀景台 可以睇到曬整遍喜馬拉雅山脈

lunch 是但入間 但係

竟然係上年年頭好hit既謙謙 有無巴打相認

正式踏入珠峰國家公園 見到個牌就知 係 又要比入場費 好似150人仔
https://streamable.com/fenxir
然後經過五連發夾彎 + 加烏拉山口 你對眼完全係享受住喜馬拉雅山脈一直駛去






上網爬返文 應該係岩羊嚟 沿路真係無建築物 植坡 好彩反而係見到唔少野生動物

早乜撚嘢國啫....痴撚線

https://streamable.com/n73u8c
終於到咗絨布寺 啲耗牛係完全唔怕人 新界人即刻想騎上去 話說嚟到大本營 原本既目標係睇日落 但當然時間預多 咁梗係落車參觀 結果我同車既女仔 全部都唔落車 話天氣凍 抖唔到氣 日落先會出去 其實沿路佢地都一直聞氧氣 呢到想講講 想適應高山反應記得除咗食藥外 最好就係先發一次 而唔好一直聞氧氣 最後就變到佢地3個咁慣性依賴 因為珠峰大本營海拔比拉薩仲要高千幾米 去到5200米 最後佢地竟然唔願落車 仲搵埋隔離車買埋人地成支氧氣樽輪住索 我睇到都無咁好氣 自己落咗車去影吓靚景先

整張貝多芬先 前面望住就係珠峰

不知名既雀




話說始終珠峰睇日落始終係熱門行程 好多人係日落前時間到咗 大家等既時候除咗影相就係玩 冰天雪地有乜玩 就係成大班人 打雪戰或者坐係到瀡滑梯 除咗遊客 看守站啲公安其實都無咩做 亦都出嚟一齊玩 成件事變到好正

呢張相就正啦 係出賣巴打系列
話說上面有張珠峰石碑圖 側邊條路行入去就係正式既珠峰大本營 咁我見有啲人係嘗試行入去 咁我又跟住行 最後見到啲人調頭走 我就問佢地係咪有得入去睇吓 佢地一伙人就話比公安夾返出嚟 然後有其中一個就問我係邊到嚟 大約係聽得出我口音 我話係香港 跟住就相認 原來佢地係拼團方式玩 其中一個亦係香港人 而且係巴打 吹水間原來我有入過佢po 因為佢徵過人一齊嚟西藏 但時間上唔match個陣我都無理到 最後竟然係珠峰相認返
https://streamable.com/tf0fvb
終於等到 日照金山 個個拎住部相機係咁影 恕小弟廢 無帶神棍 用手拎住拍效果唔係太好 但其實論震撼亦無想像中咁大 始終離珠峰有一段距離 反而一班人唔識既人無憂無慮係雪地玩 我會更加難忘

完

最後跟埋巴打個團玩 好撚正 成班都玩得埋 我已經瘋狂同佢呻 極度絕望 遇到我既團友 最後我地夾好咗 有其中1日返拉薩時候再聚
睇完日落因為已經準備入黑(再出返去會好夜 因為個陣已經係夜晚8 9點)所以通常睇完珠峰日落就會直接係附近絨布寺既藏村住宿一晚


藏式民宿 而絲打記得去前都要考慮埋忍受能力 踏入西藏trip住宿+廁所係唔好受 呢到個廁所係一個長方形窿 下面係收集曬我地排泄物 要有心理準備 我團啲女仔極度埋怨 但巴打個團既仲慘 佢個邊既民宿廁所係戶外 個陣零下十幾度 要係室外去廁所都咪話唔絕望

夜晚 係天台就可以望到漫天星星 好靚既夜晚 張相盡影 現實係成個天空都係星星

真係潛水咁大碌氧氣樽 (原來仲要係巴打架車到買 佢仲話諗住大家有唔舒服先備用 點知最後個個鬼打咁精神 見我地有需要仲好 唔洗哂咗6舊人仔 有人接貨)

果個飯叫dal bhat，除左咖哩之外可以無限任添，食完之後會好夠力行山，果陣我日日都食
當地有句說話叫做dal bhat power 24*7

原來可以無限食

下次再行識嗌

睇到西藏啲相就好想再去多次 不過依家香港人去應該好麻煩

頂，突然醒起之前拍咗條片
喺條片5秒果度
佢應該係想問我係咪要添飯
但個掛住影嘢察覺唔到

我果陣真係從來未試過咁肚餓
朝早到去到guest house只係食咗兩塊chapati，途中仲要俾咗一塊隻狗

一坐低即刻叫個Dao Bhat full set
果陣覺得非常滿足
滿足到要升仙咁濟
食完之後都覺得唔夠飽
不過冇再叫，因為冇乜錢
之後就去廚房及下


事隔年幾，竟然發現我錯過咗免費添飯嘅機會
https://streamable.com/414x1x

我都以為係 但上面有巴打話上年仲去到手機都唔洗check

頂，突然醒起之前拍咗條片
喺條片5秒果度
佢應該係想問我係咪要添飯
但個掛住影嘢察覺唔到

我果陣真係從來未試過咁肚餓
朝早到去到guest house只係食咗兩塊chapati，途中仲要俾咗一塊隻狗

一坐低即刻叫個Dao Bhat full set
果陣覺得非常滿足
滿足到要升仙咁濟
食完之後都覺得唔夠飽
不過冇再叫，因為冇乜錢
之後就去廚房及下


事隔年幾，竟然發現我錯過咗免費添飯嘅機會
https://streamable.com/414x1x

飢饉三十 早排腸胃炎上嘉明湖 朝早食兩塊方包就行到夜晚 餓到核爆都唔敢食

Crazy

Day17
今日任務係返日喀則 間唔中睇吓山口咁 因為之後景點係另一面 可以理解係西藏西面去東面 完全唔同方向 所以呢日基本上可以話淨搭車不過路過嘅景色都值回票價

藏民整既簡單早餐 白粥雞蛋 類似光酥餅既物體

返到江孜路邊求其揀間餐館開餐
今日基本上無咩update因為沿途風景就係尋日既景(原路折返)最後返到日喀則 由於司機訂既酒店香港人又住唔到 所以我地分散咗嚟住 第二日再由司機接返我地 咁我就揀咗間有牌既hostel瞓


大陸係咪都有睇岩布仙尼 個個都happy birthday to me
夜晚專登揀咗間評間幾唔錯既蒸餃嚟食


世界級好食仲要勁大隻每隻都好多肉汁 身為餃子控既我忍唔住嗌兩籠試味 真係唔想哂 但飽到食唔落 個店員仲問我幾次要唔要 最後拎個膠袋打包做早餐 唔過份真係咁大個食過最好食既餃子

藏式酒吧如果同朋友嚟可以入去試吓 可惜我單拖亦無理由入去飲悶酒

老豆越嚟越老
好想帶佢去西藏見識下
成世人飛機都冇搭過

想就做啦 珍惜眼前人 坐火車上 疫情應該唔影響

Day18
幾佩服有人可以係hostel牆上畫到成幅壁畫出嚟



民宿的貓 完全唔怕人 視你如無物


唔記得係唔夠時間定班女王唔想浸 最後路過羊八井影張相打個卡就算

都唔知今日做過乜 都係影得幾張相




今日仍然係趕路之日目的地係聽日一早去吶木措睇日出

Day19
https://streamable.com/7tul1p
天未光一大清早就塞車 點搞呀 仲忙過香港

出面係零下19度係咩玩法

到咗吶木措天色先開始啱啱要光 結果只有我地一車睇日出


其實湖面係結哂冰 算係有另一種風景 但我就想睇湖水多啲






慢慢等著 班女王就又係架車到等話好凍唔落車




我最期待既畫面出現了






成個湖面都結冰 踩埋落去跳住嚟玩都仲得
https://streamable.com/fh1tyl
成個神湖就變咗咁 完整結冰

附近大量耗牛注意

西藏沿路好多呢啲超速路段 大陸應該好常見 司機成日會兜路 避開鏡頭因為中咗就要睇住時間做人 太快就被監控到會罰錢 睇完日出又係長時間坐車返拉薩

又返嚟布達拉宮 返到民宿同大副呻咗兩句 因為班女王幾日後既行程都要改 明明大家襟好咗 依家就話直接唔好去思金拉錯 話睇完一次湖 睇其他都差唔多 唔洗睇 直接減1日行程 話淨係想早啲返 屋企 聽到我勁深刻記一世 不過1v3 ok you win 我都無謂嘈 算係拼車代價 而肥仔司機亦好不滿因為少1日行程代表車錢佢唔可以賺多日 或者係話佢比班女王打劫咗1日錢 而大副原來亦好不滿因為佢見個肥仔司機微信有我地影既19相 拎住佢地車隊旅行社橫額影個隻 發生咁多sad野下好彩仲有件好事 就係我約好咗巴打返嚟拉薩呢晚同佢地一團人去食飯飲返杯



夜晚一齊四圍行吓 布達拉宮夜景




又要打燈又要多角度拍攝

拉薩有幾現代化 睇呢張就知

食完飯去酒吧飲返兩杯 吹吓水 認識吓大家開心一晚 但最慘既係呢班唔係我團友 到聽日又要返地獄團 仲有幾日捱


食哂先嚟影 太趕急 返到民宿大副就話食宵夜飲返杯話等我好耐咁喎 咁我梗係恭敬不如從命 加上諗起又到聽日就sad 跟住嚟到先知 marina原來以前係美國做過bartender 所以今晚唔係飲啤酒 係有得試佢手勢 仲好我都想求醉 最記得係佢溝既longisland真係好好飲 但結果就梗係我同大副都好快瞓低

返到房無耐好彩marina入嚟睇一睇我 因為我湯到成地都係 兇案現場咁