打工港奴旅行日記 - 23天尼泊爾徒步+西藏 切J再出

由於本身鐘意行山，所以一直有興趣去Nepal，然後睇完蝦條哥嘅vlog，就辭職說走就走。我一直好渴望可以好似好多巴打咁去周遊列國流浪，但你問我打工買樓買車重唔重要，我嘅答案係其實都真係好重要，所以就決定只用一個月時間比自己放低吓工作壓力，有時返工耐咗好似搵唔返自己咁。而其實呢23日係3月嘅時候出發，最後點解呢篇野咁耐先出，係因為返到嚟又做返奴隸，但最近發生好多唔開心嘅事，睇返旅行嘅相，決定用文字寫返出嚟，希望感受返當時嘅自在，所以可能會寫得好詳細原諒我慢慢寫想感受多啲，同埋希望比到經驗有興趣嘅巴絲因為我路線係先去尼泊爾再去西藏，網上自己搵過好多文都好似無咩人係調轉去。

我無儲過文，希望每日都可以update到一日，如果大家嫌慢又有興趣可以睇咗下面呢篇石垣遊記先，隔咗成年早幾日找埋條j數但發覺舊po好似已經推唔到
https://forum.hkgolden.com/thread/6925909/page/1

2021/2 更新 : J已切 事關呢篇遊記本應一早完成 係我成2年前po過 但條尾就有啲長 拖到依家 咁終於都寫完(因為終於都寫哂先敢出) 廢事又拖 如無意外應該每1-2日出1篇

2019年3月6日-14日尼泊爾
2019年3月15日-28日西藏

回想到3月6日
Day1
一照早執好野揹好背囊，個心竟然有啲唔想去，覺得呢個trip好長，離開屋企嘅時間係咁大個仔最耐，不如呢個月係香港hea吓就算，但最後就諗男人老狗淆乜就出發上廣州轉機去尼泊爾

十幾kg親愛嘅Mary，呢個旅程靠哂佢
坐火車到羅湖出境

沿指示方向去羅湖火車站


廣深城際線(即係高鐵)

左邊會有自動售票處
揀好就買飛(小心 廣州有勁多分站 廣州南廣州東廣州北 去之前查清楚你嘅目的地 搵完google就買咗廣州東站嘅車去白雲機場 仲有小心高鐵都有分好多型號 趕時間就要查清楚撘個架嘅車程)


比多幾蚊坐頭等嘆吓先 可能會有人問點解咁鳩麻煩 直接香港機場去咪得 係嘅有錢咪咁做 廣州去尼泊爾平好多 窮撚搵咗好耐都無平機票

廣州東站直接可以轉廣州鐵路3號線就有站去白雲機場


好耐無返過大陸 原來白雲機場都幾靚 checkin完 仲有幾多時間剩 食啲野先
成日無食野好肚餓 食返個最後午餐就上路


可能係出發前幾日先買機票 我記得一邊係機場食野一邊諗 做乜鳩咁突然嚟咗廣州 又做乜就嚟會去咗尼泊爾 好似發夢咁 唯有希望唔係惡夢啦


心諗咩事去尼泊爾都咁full

一上機就屎忽黑過墨斗我個位嘅mon壞咗 本身個空少話睇吓有無得調位 最後比部pad我自己睇片算

不過不失嘅飛機餐

見到咁多燈都鬆口氣 網上介紹尼泊爾夜晚係經常停電 可能自己好彩呢個trip都經歷唔到
5個鐘左右機程就到咗尼泊爾 當地時間已經係大約22:30

[img]://na.cx/i/m0MAvAE.jpg[/img]

第一眼嘅感覺係 比想像中仲落後 好似返咗80年代咁 但我鐘意 夠味道

成班排住隊就係做visa 前面條大陸佬揼我勁耐波鐘 睇唔明英文亂咁㩒 最後要職員幫手



一出境第一件事係兌錢 因為港幣都兌到 所以無專登唱人仔美金 可以講講仲記得出境關口 真係好簡陋 行兩步就出境完全無保安措施

第二件事就係買電話卡 記得帶大頭相 因為無論電話卡定之後嘅登山PASS都要用到
第三件事一出境會有一大堆尼泊爾佬問你係咪要車 直接無視直出停車場搵的士司機 多數會平啲 但當然尼泊爾治安其實唔差 但最重要係乜都要講價 講價叻基本上嚟尼泊爾係優勢嚟 傾掂數就上車



基本上無咩選擇機場一出嚟大家嘅目的地都係泰米爾(Thamel)地區 交通住宿呢到係最中心最方便 落到車見到好多夜店仲有低胸女 但無咩心情望 而家呢刻係好撚肚痛 心諗唔係咁快水土不服 嗱嗱聲搵吓咩hostel好住同方便去聽日嘅巴士站 (早知一早搵定hostel) 最後唔想搵真係好肚痛 揀咗幾出名嘅長城賓館
估唔到就中伏 去嘅巴絲記得小心 除咗幾貴之外(無記錯要1100尼幣) 仲要天花爛哂啲灰趺哂係床


肚痾完 已經凌晨1點幾 攰到即刻攤落床休息

Day1完

Day2 3月7日

外面睇原來係幾靚 起身痾多次 簡單梳洗吓就要出發 因為好早就要趕巴士出發去博卡拉(Pokhara) 因為thamel去pokhara車程都要7-8小時 所以所有tourist bus 都係早上7點就開車 可以講講Nepal日夜溫差好大 早晨係凍醒咗 夜晚仲有16度 而照早係得返9度

市區7點未夠 但已經好多人好熱鬧

成班趕梗去巴士站 miss咗就仆街 因為得1班車

傾好價錢拎飛就開車 出發去pokhara


每人派咗支枝裝水



好快到休息站 又凍又餓 嗱嗱聲食個早餐先


好正嘅環境 已經見到好多山樹


炒麵同咖喱薯仔 幾好食同埋夠熱已經好好


街邊有開放式街市 又幾方便 香港有得諗吓 但都係唔得 一陣比人話非法集結就仆街

另一個休息站 食小小野又上路

瞓吓醒吓 到下晝3點 終於到咗pokhara 巴士總站 然後查埋google map 就要嗱嗱聲行去登山局搞埋登山證 因為4點定4點半就閂門

行咗大約15分鐘就到


認住佢呀 上唔上到山就靠佢 因為要拎pass先可以徙步登山


正當一切準備妥當嘅時候 就係會仆街嘅時候 我竟然唔夠錢搞登山visa 因為機場匯率好差 唱咗小小就上路 唔記得計數 想搵人幫手 發覺周圍都係鬼佬鬼妹 真係搵鬼要港紙 櫃員機又無銀聯 咁就出返大街問路人知唔知附近有無找換店 結果係無嘅 仲要centre就閂門

最後係對面街見到中間個間information centre 搵個職員幫手唱咗錢(匯率極差 比佢㩒住搶)
但返到登山證中心 就遇到旅途嘅第1個朋友- Marina 大約四十歲嘅英文miss 可能都係華人面孔 佢走過嚟問吓我嘅行程 因為佢怕自己一個行又唔想哂錢請導遊(因為尼泊爾徒步通常大家唔想咁辛苦/ 想學多啲歷史知識 就會請揹夫同導遊 顧明思義 一個係揹行李另一個係講解文化背景) 咁啱大家差唔多 就話不如一齊出發 咁我就應承咗佢
Marina 已經嚟咗尼泊爾十幾日 原因係嚟呢邊小學義教英文 而佢背景都好令我吃驚 原來佢都係香港人 只係細個就移民咗去美國 然後輾轉返過嚟香港同 台灣教英文最後唔慣個邊無咩發展機會 香港又太壓迫 就流浪一排想玩到落中國然後係中國開教英文嘅教育學校
咁登山證就搞掂 時間仲早 Marina熟路就帶我去找換店 順便係pokhara行吓

路過Phewa Lake




Marina本身預算過幾日先登山 但我行程係聽日已經坐車開始 所以佢決定跟埋我就去咗租同買裝 所以話識講價係優勢 原來個老闆係佢義教學校嘅校長 跟住件件都講價 睇吓老細係咁㩒計數機就知有幾勁



同佢買完裝就到我唱錢



仲有時間去咗個遊樂場睇吓




出面仲望到phewa lake 唔知點解望到個湖就有種孤獨寂寞感


遊樂場嘅設施係舊到似70-80年代香港荔園咁 可能再殘舊啲都未定 但入面啲細佬玩得好開心 我就諗開心原來可以好簡單 可惜香港生活真係做唔到



開始入黑 Marina陪我搵平價嘅hostel 最後搵到呢間價錢評價都幾好嘅 mountain blue 值得推薦巴絲住
然後大家擺底行李 Marina就帶我去食飯


尼泊爾奶茶 Masala Tea 茶底勁濃 但唔失奶味 亦夠香 好老實係飲完係完全屌打香港奶茶 當然嘅係香港沖杯奶茶最緊要係快

好大兜雞肉炒飯 我都嚇襯 味道都唔錯


尼泊爾餃子 MoMo 有好多唔同配料 呢款係素菜

最後我請埋Marina 大家估吓幾錢




我都唔記得 總知就好平 1港幣已經兌梗14-15尼泊爾盧比 一碟炒飯係150 餃子就80

食飽就返hostel休息 最正係4人房竟然無人瞓 我瞓哂 好 休息準備聽日 開始登上poon hill
Day 2完

Day 3
尋晚比較唔好嘅地方係沖涼無熱水 焗住沖凍水涼 上網睇返先知nepal呢種情況都幾常見 因為用儲水式熱水爐多 好似係

Marina比較熟路截埋的士過嚟載我 無錯 一清早又要趕去巴士站 坐車去下一個目的地Nayapul( 1070m 徒步Poon Hill+ABC環線嘅起點)


留唔留意到有咩特別



已經極近雪山! 個陣睇到好興奮又特別 山腳底係室溫 但望上去已經係白濛濛嘅雪山 心諗住呢到嘅人行山就好方便 座座閒閒地幾千米 有排玩





尼泊爾路面嘅情況係極唔理想 好多時係泥石路 所以會暈車浪嘅巴絲就要注意 同埋空氣會好差帶定條魔術頭巾幫到自己


到咗休息點 朝早都幾凍 嘆返杯熱masala tea 先
右邊就係我地坐嘅巴士 無記錯去nayapul呢架係國營嘅 所以就無價講 好似係
而左邊就係我旅途上嘅第2同第3個朋友 Susanna 同Tomas 佢地係一對三十幾歲嘅捷克情侶 主要係巴士上Marina見到佢地 九成都係徒步 就問佢地路線 就嗌佢地一齊行 打算多個照應咁 我都無咩所謂 (其實要好多謝marina 唔係佢 就唔會識到Tomas同Susanna 旅途上色彩又會少咗 因為有時一個人會好黑白好有孤獨感)

幾時輪到我做男主角

https://streamable.com/2wzyv

眼睛想旅行 梗係拍片等自己J吓


巴士到咗nayapul 搵間餐廳坐低食早餐先 右上角係Tomas嘅地圖

然後大家討論吓各自行程 Tomas同Susanna 並唔係走poonhill+ABC路線 而係另一條偏北路線 個名我都唔記得 只係幾冷門唔係熱門路線嚟 (Nepal徒步最主要係 poonhill+ABC ACT EBC 呢幾條路線 有興趣可以google吓)
而Marina決定跟我路線行poonhill 所以我地都知中途就會兄弟爬山各自努力





nayapul登山點會有check point 主要係檢查登山證 (徒步係尼泊爾旅遊其中一個主要收入 佢會根據你行嘅路線收錢㗎) 同埋有無留意 Tomas同Susanna係揹好輕便行李 原因係一早係hostel放低咗 頂佢個肺 真係蠢咗 要揹住Mary上山有時真係想一野fing甩佢走人


望梗乜


好濃厚嘅鄉村味 住慣城市入到嚟聞到呢種味道好正

行咗一陣終於到登山點

我無帶到行山杖 因為自己平時香港都無用 最重要又要拎相機好怕麻煩 所以就無用 結果之後落山膝頭勁痛


又一個check point






起點要走一段泥石路
個景諗起一段歌詞 泥石路挽手 沿瀑布浪遊 好好j

起點見到嘅人 之後每日都會撞到 因為大家主要都係走相同路線 係咁撞返前面嘅鬼妹


唔洗怕迷路基本上好多指示牌同標記 加上可以用maps.me dl定地圖 迷路嘅可能性好細


開始到中午 溫度都幾熱 短袖衫要出動







隨po附送 Mary J圖 一張


起初嘅路都唔易行 幾乎都係泥石路 Marina開始跟唔上我地

沿路佈滿tea house 而且都幾靚 移民開間tea house 過吓簡單生活都幾正



長路漫漫是如何走過



到咗呢間tea house 我地等咗好耐 marina 最後佢到步就叫我地行先 佢體力上唔到去原來預算今日嘅目的地Ulleri(1960m) 打算係呢到住一晚&搵揹夫幫手 咁我就跟Tomas同Susanna繼續出發

暫時到呢到先 聽日繼續Poon Hill之旅

快快手出一篇就出門口


同Marina分開之後就繼續上路


行咗好多石級 Tomas同Susanna行得好快我都跟唔到 最後係上面間tea house放個break抖吓先


整份雞蛋三文治先 雞蛋勁有蛋味 好好食 但睇吓價錢牌其實比山下pokhara價錢都貴咗唔少
而價錢係越高越貴價錢可以差幾倍 因為無馬路 車係上唔到 上面tea house嘅材料要靠騾/馬 甚至人手運輸 送上去


好多tea house所以唔怕人多 可以攤係到休息 好舒服


再行多陣 大約4點左右就到咗Ulleri 算係day1指定休息地點 適合大家嘅速度






好彩行得快 Nepal嘅天氣變得好快 早一刻仲有太陽 擺低哂行李出嚟就已經好多積雲 而且溫度即刻下降咗好多

得段片介紹間房 但唔upload住啦 趕住出門口 睇吓今晚返嚟再打多篇 今日街上見呀咁多位

繼續 Day3 Ulleri (1960m)

係hostel安頓好 放底行李就第一時間係沖涼 因為上面都提到 入夜/無太陽係真係會凍好多



記得山上住最重要係問清楚有無熱水沖涼 呢樣係最重要
個熱水爐最初諗住駁gas樽 實食無痴牙 點知開完無反應 最後Susanna話佢沖先試吓 點知又有熱水 不過要等一段時間 比佢吹漲



沖完涼出返嚟 休息一陣就食飯 記得調整吓自己個生理時鐘要早睡早起 因為要趁有太陽就去到下一個目的地 因為入黑時間無記錯都好早

btw指定動作 masala tea



氣溫低咗好多同埋記得呢晚都落幾大雨 大家食完飯坐底係灶爐吹吓水 幾warm嘅體驗 洗濕咗嘅衫都掛埋係到晾乾 話說自己計漏咗一步 就係帶得一條查電線 係mountblue個晚漏咗 所以就借住tomas條線先 跟住厚住面皮問吓其他人或者hostel管家 但都係無多條線 心諗聽日就要分開 如果都搵唔到人比條我就仆街

https://youtu.be/9IBNWYpZzys

streamble唔比放over 1gb 逼我擺youtube
呢段片係DAY4 朝早拍 不過先upload咗比大家睇埋hostel 雖然間房好簡單 不過個景好正
同埋呢到都講埋 係nayapul登山點個陣 個職員都講咗因為大雪 雪崩咗幾次 有登山者喪生咗
所以ABC封咗 禁止登山人士上 問過佢就話如果每日好似今日咁出太陽都要10日左右先會解封

https://www.missionhimalayatreks.com/public/images/upload/package/map/annapurna-base-camp-trek-map-route.jpg

Bamboo以上嘅地方都封咗 所以係nayapul都灰咗一陣 因為自己幾有信心 天氣報告係天晴 3月算係入咗春季 理論上大雪嘅程度會細咗 但尼泊爾天氣真係變幻莫測 因為今晚先又落完雨 心諗仲要返工㗎 今次唔比我上 幾時先上到

Day3完

繼續努力 話說呢幾日都好忙 可能真係會慢咗啲 加上啱啱買咗機票去波蘭烏克蘭 要啲時間準備行程 廢話唔多講 繼續DAY4

話說終於到咗Ghorepani

好有7, 80年代小鎮設計咁

被放頭嘅我 Tomas同Susanna 已經係tea house等梗我

tea house養咗成兜百厭星


係咁櫈底玩捉伊因 有小小回憶以前自己細個都係咁自由自在 大個咗就不自覺比好多野束縛住

食埋個最後午餐

同佢地合照完就要分別 我又回復單身

Tomas Susunna襯仲有時間就繼續趕路去下一站嘅Tadapani 而我就留返係Ghorepani瞓一晚 準備聽朝上poon hill

強國字 的確Nepal行山係會遇到好多大陸佬同大媽 路上遇好多

tea house外已經成座山嘅積雪

繼續上山搵間近山頂嘅tea house 已經開始有積雪 海拔3000米 唔知爬過po 每1000m溫度會趺9度 好似係 所以呢到夜晚應該會趺到0度或者負幾度左右




https://streamable.com/z0c5n

https://streamable.com/kp65n



話說條片講係根據maps.me去搵 有間好近poonhill嘅tea house諗住就呢間咁方便因為真係好近登山口 點知上到去得個吉 睇comment話係fake location 等我仲行到得返半條命上到poonhill入口 死死地氣調頭落返去



左邊仲有太陽 右邊係烏雲蓋頂

行另一邊路落山 見到幾靚 就揀呢間tea house


幾企理 老闆娘話我好彩 得1個單人房 但未有人住 (究竟係好彩定唔好彩)
然後終於醒起我係有遇過停電 就係而家 想早啲沖涼發覺廁所燈又唔著 熱水爐又無料到 間房又查唔到電 好彩係未入黑 但都打斷我沖涼嘅念頭 好鬼凍 寧願瞓教好早啲登頂 休息一陣換套衫就落去食個晚餐

落返地下餐廳 發覺天氣仲差咗 出面唔係落雪 係大風加埋唔知係咪雪霧嘅煙 積雪都多咗

好彩teahouse通常都會有灶爐 坐係窗邊望住都有種溫暖感覺

出面大霧到不得了 明明早1 2個鐘仲係有太陽


飲熱茶食pizza 最後晚餐 聽朝凌晨就要上山睇日出

返房先發覺頂唔順 好鬼凍 要出動睡袋
呢晚記得無咩事只係瞓唔著 明明就好攰 後尾發現似乎瞓唔到都係高山反應嘅一種
最後好似無咩點瞓就出發上poon hill

Day4 完

DAY5
大約4點幾就換衫出發


話說起身個陣出面又無聲又見唔到人影 tea house其他人又無起身出發 以為太早 跟住出門就發現一班人行梗


跟住佢地一齊行 為咗減輕負擔我擺底咗Mary係tea house 拎住部相機就出發 出面條路多咗好多冰同積雪 有啲難行開始好易跣到





行咗一陣到咗尋日嘅counter 行山唔洗比錢呀 每位100定200呀 然後先發覺唔係我太早 係太遲 望上去成條路已經係電筒同人頭



地下變成咁樣 可以買定 / 係pokhara租定雪爪 會易行好多 上山頂條路好難行 無雪爪就盡量踩雪行 踩冰就好容易仆街

未日出嘅時候成個天都係星星 好鬼靚 但無得企定定影 成條人龍跟住上山




信號收發站嘅物體 已經上到但原來仲有一大段未上 已經開始天光 把握時間繼續上路









Sunlight is coming


快呀飛雲 就到啦 天黑行到天藍 無咗Mary原來係咁舒服 如果揹住佢真係天光都未到





終點在望 白色嘅就係山頂瞭望塔

達陣!

續 Day 5
話說返到Ghorepani tea house 第1件事係食早餐 晨運完好鬼肚餓 好彩無咩高山反應

天氣咁好 識食一定係坐出面食
https://streamable.com/5qn4i
蛋奄列加masala tea 望呢個景食早餐係香港可能要過百蚊

如何回到當時 個種自由自在 聽住木結他 時間過得好慢 世界得返自己一個

結伴嘅就坐底吹吓水

個路牌又幾現代化 執好行李就出發去ghandruk 即係行ABC必經嘅地點 有無留意個牌 要行7個鐘左右 所以事不宜遲 上路啦飛雲




出住咁多先 聽日仲要做港豬 不過唔緊要 聖誕會加快速度 毒丁會留係屋企作吓文

懶咗幾日 祝各位同身邊嘅人聖誕平安 繼續Day 5 踏上這無盡旅途




離開咗Ghorepani 發覺行梗嘅路又唔同咗 海拔高咗 接住落去已經開始與冰雪同行 徙步就係咁奇妙 每一段路可以見到嘅景都唔同

梯級比雪遮哂好難行


認唔認得呢個橙色背囊 就係一開始Nayapul遇過嘅外國女仔 好勁一個女仔行


好似變咗冰天雪地探險咁 條路消失咗

回望見到Annapurna

天氣又好似轉差


行到一個休息點嘅物體 好奇怪條路無哂雪 變咗爛泥路或者可能係屎路 對鞋污糟哂

好大舊黑雲 mamami



繼續上路

越行越唔對路 仲記得由好熱行到好凍

又係咁 叫人點報天氣


https://streamable.com/tyj3z
仲記得 沿路 我同橙色背囊女同賣電話線比我嘅2個德國女仔 差唔多速度
跟住見到佢地停咗係到 原來有級好大嘅高低差 而下面係滑冰 大家都停咗係到 跟住一個個落 輪到我因為拎相機得單手 跣到仆咗街 好彩佢扶返我起身 段路跣到溜冰咁

唔知咩品種嘅牛

瞓哂係到






https://streamable.com/gy2pn
話說到上面呢種路 仆咗幾次街 終於忍唔住收起部相機 太難行
https://streamable.com/pn45z
有導遊幾好 扯住個大媽行 記得個陣係後面睇幾搞笑 佢行到一仆一碌 雖然我都係
半路上遇到上文段片黃色羽絨小叔 佢見我行得好辛苦又見係中國人就埋嚟吹咗兩句就借咗個雪爪過我 佢就話國內都有行開山 所以唔用雪爪都還好 而佢就同另外一個大姐同嚮導一齊行 佢地2個好似都係咁啱山下撞到就組咗隊 咁佢就主動話不如一齊行
我就唔好意思拒絕 有雪爪即刻唔同哂 起碼唔洗就住就住行

中途見到個外國女仔係到砌雪人

慢慢行吓落斜 海拔低返 植柀都多返





河流砌好嘅石仔係宗教野嚟 好似係代表平安好運嘅意思

行得好慢終於見到tea house 同小叔中年女導遊 坐低食個飯休息吓先

續Day 5
係tea house 坐低咗食個lunch


同小叔交換埋聯絡方法 原來係廣州人 嗱利益申報先都係過西藏先dl wechat


唔記得叫咩飯 係尼泊爾當地特有
同小叔寒暄吓佢都打算之後過西藏 但可能再留係尼泊爾一段時間
繼續上路

落返二千幾 雪都唔見 去返山景

記得行到接近5點終於都到Tadapani Tea house 原路好攰無咩點影相 前半段太辛苦

放低Mary 休息吓 同埋即刻沖個涼先 記得呢間tea house個浴室係穿窿 窗口啲凍風入哂嚟勁凍

沖完涼出大廳坐係灶爐隔離等開飯

好快食完個飯返房就瞓教 成身散哂

Day 5 完

Day6
早晨尼泊爾
梳洗完出廳食早餐

懶洋洋嘅貓坐隔離都唔起身

我間房出面個景好靚

小叔都係到捕捉雪山 希望再有機會嚟尼泊爾 諗返起真係寫意早上

好想試吓騎馬徙步 感覺一定好正
同小叔傾多兩句 佢同我呻 要送同行嘅大姐落山 佢話一早知會好麻煩 估唔到真係咁麻煩 因為好似話啱啱離咗婚夜晚一個係出面吹風 結果就病咗 佢就廢事丟低佢一個人 所以應該會落山先 然後係尼泊爾市區玩滑翔傘之類 而我就繼續講會試吓上ABC 所以要去Chhomrong 所以我地就係到分別 而雪爪佢就話留返比我用 反正佢都用唔著 我應承請佢食飯 但結果後來都無機會見面 希望將來嚟香港記得搵我 因為係旅途遇到嘅人 通常都會傾得埋堆 可能去嘅地方一樣 理念都差唔多 影多2張相我就同小叔分別 然後繼續趕路

今日天氣幾好 希望中午唔好又變天

中途又見到車隊

類似峽谷嘅地方 唔少人坐係到j梗靚景
https://streamable.com/cvp89
睇住先 有無人識iphone up 1080p片 搞咗好耐 手機睇好清擺上stream / youtube得返480p 話說撞到挪威兩公婆同導遊 佢地話係Chhomrong返嚟上poon hill 原因係ABC封咗而且情況都幾惡劣 連佢地個guide都嗌佢地行poonhill就算 我最後中途決定 落返ghangruk然後落山就算

好啦 繼續返嚟尼泊爾嘅世界
由Tadapani 去 ghangruk 嘅途中

行咗陣落斜過吊橋

呢段路都好辛苦 落到底又上返去



藍白格另一條線嘅代表顏色





記得落返嚟低海拔 行到出哂汗又變返好熱

又要過橋



https://streamable.com/z2ifq
又來了 車隊

遠望終於見到ghangruk

見到成條路霖哂 但好似無路可行 照頂硬上
又係到下午就即刻變陰天


估唔到接近ghangruk條路係最爛





最後 到咗ghangruk嘅民宿 仲記得今次唔係一間房得我住 係成間hostel得我1個住



hostel天台 好靚 成間屋得我一個 把握機會沖返個靚涼 然後洗哂啲衫褲
好記得hostel個wifi壞壞地 咁hostel似乎係家庭式經營 呀哥態度麻麻 夜晚頂唔順無上網 另1個類似細佬就肯幫我試吓整 然後上天台試吓連唔連到線 然後吹咗陣水 傾開先知原來佢地呀爸呀媽都係香港 世界好細 無記錯係開幼稚園定做生意 總知都應該係幾有錢 難怪間hostel都幾靚 最後個wifi都係整唔到 但記得係天台望住成浸星星嘅天空 吹咗陣風就返房瞓

諗住去完旅行返嚟會勤力啲 點知放假放到年初四 就嚟成個月 希望之後keep返每日一篇

Day7

望住個靚景又嘆返個早餐先 今日嘅任務好簡單 就係落山坐巴士返Pokhara


Bye Ghandruk


由於係搵車走人 其實無咩好影 但記得搵唔到去pokhara嘅巴士站 唯有跟住人行 最後決定有時間 行埋落nayapul算


經過山腳嘅村莊 開始落到大馬路沿住行就會到nayapul 係有啲後悔唔搵巴士因為落山好q辛苦膝頭好痛又無咩景睇 仲有係大馬路有車經過就會沙塵滾滾 其實本身有機會搭車走 見到有巴士上山落山 只係唔知點解揮手都唔停 算繼續行 當散步

落山尾段上車都無點影相 因為本王識咗兩個西班牙女仔呀
話說落山段路開始見到佢2個 1個叫carla 另1個已經唔記得名 落到去nayapul村發覺啲巴士佬竟然都話唔去pokhara 就問佢地知唔知點搭車返pokhara 佢地話出到大馬路先有 就一齊行 最後上巴士勁多人 mary要擺車頂 落車睇到啲沙塵成吋厚 極度絕望
https://streamable.com/xecc8b
un巴士片段 暈車浪嘅一係唔好嚟一係帶定膠袋 食藥都搞唔掂 尼泊爾泥石路亦一絕 試過係懸崖側邊過 路壆都無 下面就萬丈深淵 呢到渣車應該完美屌打紅VAN司機 btw片中就係其中1個西班牙女女
坐幾粒鐘車返到pokhara就有段小插曲 Carla佢地比車錢個陣就嘈話 佢地知每人應該係250 唔係350 同個司機嘈起上嚟 搞咗一輪啲乘客都叫司機收手 最後個司機鬧咗佢地fuck you 就開走咗 心諗佢地真勇武 人地主場搞啲咁嘅野 因為100盧比兌返港幣都係幾蚊 咁我地傾個陣發覺好有緣 原來大家住埋同一間hostel

亦推薦呢間hostel 個老細勁好人 原因之後會講到
返到hostel 佢地問我一唔一齊食dinner我就婉拒咗 我唔想進展太快
講吓啫 因為佢地仲有朋友 毒撚的我 決定自己獨吓算

右邊就係carla
而因為呢間hostel無曬房要轉場 心諗已經好x攰 明明上山個陣間房仲1個人都無 咁老細好好人話佢呀叔間hostel仲有位 仲開渣車兜埋我去 同佢吹水 佢話響香港人朵有折 叫我介紹比親朋戚友 大家下次可以試吓
太鐘意食炒飯 廢事揀又去返開始上山marina介紹我間餐廳到食
食完就休息 聽朝坐車就返Kathmandu

留名先

好似追過po
本身諗住睇西藏，點知山都未行完就爛咗尾

未爛嘅 長咗啲啫

大約貼到幾時

個景好靚
平時有行開山 係咪都會覺得辛苦？

你會唔會又棄嫁

lm

睇返好多回憶，山路同你一樣路線。我係去完西藏先去尼泊爾，行陸路，畢生難忘你無係加德滿都同博卡拉玩多幾日？其實好撚好玩

Lm

G持

追哂
好好睇 雪山真係好靚

Nepal 西藏我都去過
兩年地方都好值得去
但我果時未鐘意行山 咩山都無行

樓主平時香港行開山
係咪要體力好好先行到