A：簡單D講，借貨還貨。假設股票A現價$100蚊，沽空者借1股一個星期，即刻放出去$100套現，一個星期跌左$50蚊，佢就用$50回購還返俾貨主，佢就賺左$50。相反，升左$50蚊就要用$150蚊回購還俾人，就變相輸左$50。
所以沽空 = 看跌。
Q：點解可以沽空100%(相對總發行數)以上？
A：因為貨主可以自己出錢係市場買貨再借沽空者，又或者唔同時段有不同貨主
，而沽空者每次沽空係會即時放貨出街，所以借貨「數面上」係可以超過100%，你可以想像到某程度上貨主係一齊夾鳩沽空者。
Q：點解沽空平倉一定要回購還股票？唔可以用現貨價還差額？
A：因為回購動作會影響現貨價格，正如沽空動作會影響做成跌市一樣，貨主俾你還差額的話，佢唔可以用返個價錢回購所有股票，其實係蝕左，咁做係唔會知沽空者真正蝕幾多。
如果可以借貨跟指數還錢唔做回購，咁我借一大舊貨做低個市然後即刻平倉就一定賺錢。
Q：如果沽空/對沖基金破產，會發生咩事？
A：首先基金破產係同人一樣，唔係你話破就可以走數，破產者係需要先settle所有倉位(平倉)先知道佢輸幾多！正如點解平倉要回購動作一樣，你/借貨者一日唔做回購動作，你係唔會知沽空者實數係輸緊幾多。
再者，一個有規模既基金係唔止沽空一隻股票或者無流動資金，所以單一隻股票輸錢唔代表佢需要做破產動作，佢有資金，隨時再借貨套現都得。
Q：沽空風險係咩？
A：如果買正股現貨既風險係假設件貨跌到$0，你就會輸哂買貨既錢，但沽空因為升價係無上限，所以風險都係無限大，沽空者係可以輸突好多錢。
Q：點解沽空咁大風險都有咁多人做？
因為升市既力度同跌市既力度不同，$10升到$20係升一倍(100%)，但$20跌落$10係跌一半(50%)，所以理論上看空係容易過看好。
Q：點解對沖機構咁容易賺錢？
A：因為下跌力度比上升力度大，加上散戶資訊不對稱，博奕論來說散戶係無協調同溝通機制，大家只可以用個人為最大理益去計算而唔係整個系統(所有看好/看沽者)去計算個人動作，所以傳統上沽空機溝係容易打贏散戶。
以上有錯請指正
唔係GME事件我都唔想講咁多！總之各位巴打SH！
