岩岩想覆人post結果打左一大段野
忍唔住覺得要獨立地出post分享下:
有一班人
佢地9成時間係用黎笑9所有抗爭行為
溫和行動就笑你唔夠激
激進行動就笑你送頭
流亡海外就笑你著草
坐監手足就笑你被昆
眾籌行動就笑你人血
有冇留意過,基本上當所有人眾志成城咁做一樣野
形成到一股民眾力量時,佢地一定會出黎唱反調
總之做咩野都係冇用
傳播失敗主義,令到所有抗爭者互不相信就係佢地的任務
但好笑的係,同一樣野佢地自己做就係有用
佢地叫人課金,賣淘寶戰鬥碗就唔係人血呃錢
佢地選議會派口罩就唔係endorse政權
當你屌9返佢地,佢地就會話你唔民主標籤佢地
但事實上一開始創造敵對標籤貼上他人身上再不斷醜化 呢種不良黑白二元風氣就係佢地帶起,
亦係佢地最中意做的野
由雨革開始的「左膠」到「黃絲」都係
連人地質疑班友可否比多d實質建議時
都可以標籤你笑9你為「錦鋰」,spin走個focus
當同路人有on9野/不足之處發生
理性意見批評其實冇問題
但係呢班人就會好似鯊魚見到血咁偵探上身
佢地對同路人的質疑,仲mean過政府批grant loan
理由批評叫鞭策,目的係想改進件事
惡意批評叫批鬥,目的係想鬥死你令大家一齊懷疑你
佢地成日將自己的惡意批評講到係鞭策咁
人地話返佢地,佢地就會話你唔肯聽意見唔民主
佢地仲危險過班藍絲
因為佢地言行真係會無形地影響成個風氣
經濟圈連儂牆遊行示威勇武議會海外線寫信全部冇用
令你覺得做咩都冇用,有人號召都唔再參與
甚至開始笑9同路人的行為
就結果論黎講, 根本就係政權最想見到的效果
一句講晒,佢地絕對唔係同路人
最後,香港開始進入後反送中時代
路始終要行,大家共勉之