【聖經研究】耶和華同撒但開天庭會議 夾埋玩鳩約伯?! 吹呀!

//耶和華如何同摩西介紹自己？已經定義左自己係唯一，以色列人中去崇拜別神，一直不是舊約經卷中被讚揚的事情。//

都話公元前六世紀前後，申命記學派編集聖經時，將一神論注入經文當中
以色列敬拜別神不被讚揚就係申命記學派編修聖經時所做嘅註腳
特別係先知書：由士師記開始，撒母耳記，列王紀，都清楚見到申命記編修嘅痕跡。
五經都係，唯獨創世記1-11章比較少申命記學派嘅痕跡，因為創世記1-11章係後出，大約係被擄到巴比倫時候編寫。
至於聖卷，就同官方神學思想好有分別，約伯記、傳道書就係其中之一。

所以你話耶和華向摩西介紹自己係自有永有、唯一，已經係受到申命記學派影響。呢個就係聖經成書過程所發現到嘅嘢。

聖經公會有冇回應你既發表？

其實呢啲都係主流聖經研究嘅觀點，唔係咩新嘢


教會當然唔會講啦
但喺學界，見怪不怪

以我理解你有兩個核心指控：
1. 基督教係由最開頭既多神敬拜宗教演變出黎
2. 係一開始既宗教觀，耶和華係並唔係全知全能全善(你標題所講)

所以你主張十誡係主前600年左右先整出黎？十誡好清楚講只有一位神，寫係法版上面，用約櫃裝住，係會幕入面，係入迦南之前已經有，你會點回應？我唔反對舊約成書係後人整合而成，而且冇推翻核心既宗教主張。

約伯只係表達佢對自己遭遇既無奈、憤怒、不解，但佢自始至終都冇話神係「錯」，佢一直表達既都係感受。而且詩歌體字面意思未必係佢真正意思，要完整咁睇。況且就算按你只係拎詩歌體既部分睇，個論調最後都係傾向神冇錯。咁你話詩歌體部分支離破碎，9唔搭8，但有冇一個好決定性既證據證明成本約伯記由主旨A比人改到變主旨B先？我都可以調返轉指控你斷章取義wor

我攻擊既係係以色列人最先既宗教觀入面有同耶和華同等或更高等既神並且敬拜耶和華以外既神。你所引既經文只係睇到靈界入面除左耶和華之外仲有其他有能力者(或者叫做靈體啦)，但證明唔到最初以色列人係敬拜多神，亦證明唔到靈界有任何勢力係係耶和華能力以外，更證明唔到耶和華並唔係全能全知全善。

你證明以色列人係迦南地敬拜多神並唔推翻基督教既核心歷史：神係摩西時代先自我啟示比以色列人佢係獨一真神，但以色列人係攻佔迦南後將當地宗教混合，以致由一神敬拜變成多神敬拜。

樓主講嘅研究聖經嘅人嘅學術討論。d教徒彈出黎話樓主要人接受佢講嘅野樓主講嘅根本唔係新野黎。

又有人話當係寓言故事學道理，唔係研究到咁仔細。樓主就係話俾我地知，係有班人真係研究到咁仔細㗎囉，唔係班學者研究黎托？

上面講動機個個幾好笑
學術研究宗教就係對神不敬，應該要皇天擊殺
Btw 我純粹入嚟學野，高質po越嚟越少有

//你證明以色列人係迦南地敬拜多神並唔推翻基督教既核心歷史：神係摩西時代先自我啟示比以色列人佢係獨一真神//

第一個大問題，我哋呢個POST唔係講緊基督教歷史，而係講緊以色列宗教史，或者係猶太教歷史。
而基督教亦都只有二千年。呢個概念係絕對唔可以攪錯。

另外，你要問返你個前設，摩西講嘅嘢係咪真係摩西講？第二樣嘢，以色列人係咪有攻佔迦南？還是一直都住喺迦南？我講得明啲，唔作暗示，費事你又誤會：
構成日後以色列民族嘅族群，大部份都係迦南原住民。「出埃及」只係少數部落嘅經歷，呢啲部落流一直流傳住一個認信，Gerhard von Rad甚至話呢個係最早期嘅「信經」：

申命記26:5-9
「你要在耶和華─你神面前說：我祖原是一個將亡的亞蘭人，下到埃及寄居。他人口稀少，在那裡卻成了又大又強、人數很多的國民。埃及人惡待我們，苦害我們，將苦工加在我們身上。於是我們哀求耶和華─我們列祖的神，耶和華聽見我們的聲音，看見我們所受的困苦、勞碌、欺壓，
他就用大能的手和伸出來的膀臂，並大可畏的事與神蹟奇事，領我們出了埃及，將我們領進這地方，把這流奶與蜜之地賜給我們。」

希伯來聖經學者稱呢個為西乃傳統，一直經由幾個部落去傳頌，同樣嘅「信經」喺 約書亞記24:2-13、尼希米記9:6-23都有記載。

大衛時代，以色列嘅王國建立，唔同嘅部落先後加入大衛嘅部落聯盟（撒母耳記下2:4，5:3），最終成為聯合王國 or 部落聯盟。到呢一刻，先至開始有大一統嘅宮廷神學思想，將部份部落西乃傳統嘅認信，擴大成為整個部落聯盟嘅集體回憶。呢個時間係公元前十一世紀至十世紀左右。如果你比較返某地區嘅商周歷史，大家嘅走向都係差唔多。



//但證明唔到最初以色列人係敬拜多神，亦證明唔到靈界有任何勢力係係耶和華能力以外，更證明唔到耶和華並唔係全能全知全善。//
//但以色列人係攻佔迦南後將當地宗教混合，以致由一神敬拜變成多神敬拜。//

耶和華係唔係全能全知全善，呢個係猶太教徒或者日後嘅基督徒關心嘅嘢。聖經學者主要係關心耶和華信仰係點樣形成。

如果你要證明耶和華係全能全知全善，你應該返教會搵牧師去傾。
至於以色列人係咪敬拜多神，你打開本聖經，以色列人anytime都係敬拜多神。都話最初係多神信仰，之後係至高神信仰（將耶和華與迦南至高神El等同，同時再拜其他神），去到亡國被擄前後，一神信仰先發展出嚟。

有巴打喺93樓講，原來N年前已經有位子華FANS掟左篇文出嚟講以色列史，你可以睇返。

我都只係講下聖經研究、宗教演化史。啫。
個個宗教都係有佢思想發展歷程架啦。

洪水故事係精彩，單係創世記第六章本身都已經有兩個洪水版本混合
抽絲剝繭，拆返開佢，了解唔同版本特色，就係聖經研究嘅責任

//而且詩歌體字面意思未必係佢真正意思，要完整咁睇。況且就算按你只係拎詩歌體既部分睇，個論調最後都係傾向神冇錯。咁你話詩歌體部分支離破碎，9唔搭8，但有冇一個好決定性既證據證明成本約伯記由主旨A比人改到變主旨B先？我都可以調返轉指控你斷章取義wor//

詩歌體部分支離破碎，根本唔係我講先，我都只係一條可憐嘅讀書撚，引述聖經學者研究嘅意見。

不過，有時都唔明果啲所謂基督徒，普通一間主流基督教書局，果啲基道、天道、文藝，（即係果班自以為正統嘅基督徒視為正統嘅書局呀），甚至教會圖書館，都有呢啲書。擺撚晒出嚟，班友自己唔走去睇。

我講緊嘅係文藝出版社果本「每日研經叢書」《約伯記注釋》，藍色封面架。
呢本書就係講呢啲觀點，使乜大驚少怪？最神奇嘅係，呢啲觀點係你哋自己友寫出嚟，啲釋經書擺撚晒喺你哋自己教會、你哋自己啲福音書局度，你哋班友自己唔撚去睇。情願喺主日學聽傳道人呻吟，日日喺度LOOP。
呢本書係基督徒自己寫架，不如咁啦，返教會篤灰，話有內鬼，然後燒撚左本釋經書啦。


//詩歌體字面意思未必係佢真正意思，要完整咁睇//

約伯記19:6-8
「就該知道是上帝傾覆我，用網羅圍繞我。我因委曲呼叫，卻不蒙應允；我呼求，卻不得公斷。上帝用籬笆攔住我的道路，使我不得經過；又使我的路徑黑暗。」

詩歌體約伯真係屌緊上帝喎！屌完人之後，就話要完整咁睇，我其實唔係屌你架？


//咁你話詩歌體部分支離破碎，9唔搭8，但有冇一個好決定性既證據證明成本約伯記由主旨A比人改到變主旨B先？//

無人要改約伯記主旨，因為一直以來約伯記就係有兩個主旨。
散文體約伯係反映傳統賞善罰惡觀，並教導受苦者要學習忍耐。
詩歌體約伯係對申命記學派果種賞善罰惡觀嘅反動，呢個係舊約智慧文學嘅特色。無辜人點解會受苦？上帝點解唔理我？點解無公義？上帝去左邊？

約伯記成書於公元前六至四世紀，亡國被擄之際，正如1945年之後嘅猶太人，甚至而家嘅香港人，都會咁樣質疑上帝，（降下溫：或者唔係質疑上帝，而係質疑緊傳統嘅賞善罰惡觀）問點解上帝咁都唔出手? 咁多手足受苦，上帝點解唔多理？呢個咪就係舊約智慧文學，正正同現代人有嘅一種聯繫感囉。起晒螯咁猛鳩話 上帝無做錯到！ 都無意思。重點係人對苦難嘅回應呀。

其實呢啲唔係咩嘩眾取寵觀點，呢啲觀點都係基督徒學者自己寫出嚟，啲釋經書擺撚晒喺你哋自己教會、你哋自己啲福音書局度，你哋班友自己唔撚去睇。情願喺主日學聽傳道人呻吟。

我講嘅好多POINTS，其實簡單到喺基督教文藝出版社果本「每日研經叢書」《約伯記注釋》 （藍色封面架），都有詳細講，原教旨主義基督徒使乜咁大驚少怪？
不如咁啦，返教會篤灰，話有內鬼，然後燒撚左本釋經書啦。

第一個女人咪 Lilith
因為亞當唔肯玩女上男下俾Lilith騎返, Lilith嬲嬲豬離開伊甸園
耶和華挽留, Lilith條臭西重兇返耶和華：「嗱我知你真名㗎！咪煩我呀！(知個靈嘅真名可以控制佢)」耶和華怯咗一怯就由佢走。
Source: 神秘之夜26/12、以諾書

創世記1-2章裏面嘅創造故事係來自兩個唔同嘅傳統。可以將兩個chapters分為兩個獨立故事去理解。

創世記第一章叫P傳統，或者叫祭司典，以「上帝」去稱呼造物主，係以色列人亡國被擄時期編寫，吸取左巴比倫宗教文化養份。主旨係上帝ｒ嘅「創造」（bā·rā）能夠將混亂化為秩序。
創世記第二章叫J傳統，或者叫耶典，以「耶和華」（J）去稱呼造物主。第二章嘅耶和華似一個工匠多啲，親身參與「製造」 （e·‘ĕ·śeh）人類。
J係先出，P係後出，以色列人編集聖經時，將兩者同時採納。


創世記第一章文學結構好工整，強調嘅係秩序。
Day 1 造光，分光暗
Day 4 造光體，即係日、月、星宿，分晝夜

Day 2 造穹蒼，將空氣同水分開
Day 5 造雀仔，造魚，match返Day 2

Day 3a 有旱地同埋海
Day 6a 造地上嘅走獸
Day 3b 造植物
Day 6b 造人（1:27 男與女一齊造，無特別分先後）


第二個創造故事，次序就完全唔同
1. 耶和華先造男人，即係亞當（2:7）。當時「野地還沒有草木，田間的菜蔬還沒有長起來」（2:5）
2. 跟住造左個伊甸園，將個男人擺入去（2:8-9）
3. 然後耶和華覺得條友獨居不好（2:18），所以造多個女人出嚟（2:21-22）

離棄左 死亡係比較好既結局
耶穌比某個國家仲惡架

留名學野。

點解得約伯一個要受試探
舊約好多聖經人物成世都順景有神照住
如果佢地受約伯一樣嘅考驗我諗唔係個個頂得住
其實咁係咪好唔公平？

神試探你係你嘅榮耀
但係聖經又有講過神係唔會試探人嘅

耶穌從來都唔惡
耶穌被釘後，佢細佬雅各繼續帶領耶穌運動，都唔惡...呢個係原始基督教

直至保羅聲稱遇見基督，佢同佢嘅門人改造耶穌思想，刻意抹走雅各嘅地位與貢獻，建立保羅思想主導嘅基督教，先至叫惡

當然最惡係君士坦丁定基督教為國教，啦




BTW，我其實打算分享下以色列人宗教史同希伯來聖經，
而家講左新約同基督教，我已經離晒題