【聖經研究】耶和華同撒但開天庭會議 夾埋玩鳩約伯?! 吹呀!

點解連登咁少人講聖經?????????????
話說舊約聖經約伯記記載咗一個故事，耶和華同撒但開天庭會議，夾埋玩鳩約伯，件事係咁嘅...

約伯記1:6-12
有一天，上帝的眾子來侍立在耶和華面前，撒但也來在其中。耶和華問撒但說：「你從哪裡來？」撒但回答說：「我從地上走來走去，往返而來。」
耶和華問撒但說：「你曾用心察看我的僕人約伯沒有？地上再沒有人像他完全正直，敬畏神，遠離惡事。」
撒但回答耶和華說：「約伯敬畏神，豈是無故呢？...你且伸手毀他一切所有的；他必當面棄掉你。」耶和華對撒但說：「凡他所有的都在你手中；只是不可伸手加害於他。」

如果唔想睇經文就聽我講啦...

耶和華同佢啲馬仔開天庭會議，撒但都有參加，撒但提議玩鳩約伯，試下佢會唔會離棄上帝。
咁過癮嘅事，耶和華當然樂見其成啦。於是撒但搵人捉走約伯啲駱駝、牲畜，燒鳩佢啲羊，殺埋佢啲工人姐姐。
咁都唔夠，撒但仲用狂風吹冧約伯間屋，砸撚死晒佢啲仔女！ 就係要你死全家！
撒但玩到滾晒火，又問耶和華可唔可以試下傷害他人身體。耶和華對撒但說：「他在你手中，只要存留他的性命。」
於是撒但又攪鳩約伯嘅身體，令佢從腳掌到頭頂生滿晒毒瘡。
（約伯記第1-2章）


~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

耶和華同其他神祗一齊開 天庭會議 !!

因為呢個POST係講聖經研究，唔係純粹將約伯記廣東話化，所以，以下落嚟，都係要講返啲學術研究嘅嘢。

多神論嘅舊約聖經世界

我想繼續講返耶和華同其他神祗一齊開 天庭會議 嘅研究。
舊約聖經唔少經文係描寫天庭會議情景，縱使以色列人後來變成一神論，但佢哋嘅宗教典籍，並未有完全抹走多神世界嘅痕跡。

喺呢度畀一個例子大家睇，記載喺 列王紀上22章：

以色列王亞哈唔敬畏耶和華，仲帶住班百姓去拜其他神。耶和華當然唔撚滿意啦，於是又召開天庭會議。聖經講到，有一個先知叫米該雅，佢話佢「看見耶和華坐在寶座上，天上的萬軍侍立在他左右」。又係一個大場面，幾鬼有派頭，萬軍侍立喎！
耶和華就問：「邊撚個可以幫我去誘殺亞哈？」
跟住有一個神靈彈咗出嚟，自告奮勇去引誘亞哈王。

列王紀上22:20-22
耶和華說：「誰去引誘亞哈上基列的拉末去陣亡呢？」這個就這樣說，那個就那樣說。隨後有一個神靈出來，站在耶和華面前，說：「我去引誘他。」
耶和華問他說：「你用何法呢？」他說：「我去，要在他眾先知口中作謊言的靈。」
耶和華說：「這樣，你必能引誘他，你去如此行吧！」

耶和華同果隻神靈商量咗幾句，諗咗一個好賤嘅詭計出嚟，就係用謊言嘅靈誘殺亞哈，嘩！真係大奸宄！
隻神靈就引誘亞哈王御駕親征，同亞蘭王打仗。亞哈王心雄，諗住一定食撚硬你，於是就換盔甲出陣。
期間，有條撚樣隨便開弓射嘢，屎忽撞棍咁就射咗入去亞哈盔甲嘅甲縫，攪到亞哈王流血不止而死。


所以，約伯記裏面，耶和華同其他神靈開大會嘅情景，絕非個別事件。
列王紀上22章、以賽亞書第6章，都有耶和華召開天庭會議嘅描述。

猶太教、基督教唔係一開波就信仰一神，唔好輕易俾啲牧師老點你。無論係宗教，定係個地球，都會隨時間慢慢變化。



參考書
Frank Moore Cross, Jr. (1973). Canaanite Myth and Hebrew Epic: Essays in the History of the Religion of Israel. （記住書名要用italic）

早喺1944年同1953年，有兩條友，一個叫Wheeler Robinson，一個叫Frank Moore Cross, Jr.，佢哋將舊約聖經裏面，關於耶和華開天庭會議嘅經文抽晒出嚟去研究。F.M. Cross, Jr.寫咗篇文叫Yahweh and the Council of the Gods.
F.M. Cross, Jr.假假地都係乜春藤(Ivy League) Johns Hopkins博士，佢老師係大名鼎鼎嘅William Albright。
F.M. Cross, Jr.喺1950年代，花左好幾年去以色列一帶考古，係最早奉命去研究「死海古卷」嘅其中一人。佢亦都好掌握烏加列文（敘利亞一帶已經失傳嘅古代近東語言）。F.M. Cross, Jr.將呢一大堆經文，同古代近東文獻做比較。.

too long

點解耶和華要咁做

"不可猜度神"呀

1841年，Ludwig Feuerbach講過，宗教係人思維意識嘅折射。
耶和華嘅天庭會議可能反映左人類將人間社會倫理、君臣制度向天界投射嘅意識。

同時又反映左人與神微妙嘅關係，對命運，對苦難嘅睇法。

如果撒旦玩得再盡d再耐d真係搞到約伯離棄神
咁神會點 會唔會懲罰約伯

咁咪好似中共冇能力對付外國勢力就對付自己人咁

首先撒但唔係神，係墮天使，所以佢本質都係天使，天使係唔到神個級別

其次你講「天庭會議 」，最少你引個兩段經文當同得列王紀上22章好似有講到耶和華以外嘅「神」。（我下面會分析呢點）
以賽亞書第6章撒拉弗係一個天使階級，所以都係天使

呢段當中你可以話顯示神可能多過1個：
'我又聽見主的聲音說：「我可以差遣誰呢？誰肯為我們去呢？」我說：「我在這裏，請差遣我！」 '

以賽亞書 6:8
https://my.bible.com/bible/414/ISA.6.8

但以賽亞書呢段唔係好例子，因為睇埋前文後理，個我們可以指神+個會當中所有天使+以賽亞自己，就算唔用多神觀都解得通。

如果要講多神觀，我覺得最切合係呢段，因為佢係成本聖經頭，亦係第一次出現「我們」：

'上帝說：「地要生出活物來，各從其類；牲畜、昆蟲、野獸，各從其類。」事就這樣成了。 於是上帝造出野獸，各從其類；牲畜，各從其類；地上一切昆蟲，各從其類。上帝看着是好的。 上帝說：「我們要照着我們的形像、按着我們的樣式造人，使他們管理海裏的魚、空中的鳥、地上的牲畜，和全地，並地上所爬的一切昆蟲。」 上帝就照着自己的形像造人，乃是照着他的形像造男造女。 '

創世記 1:24-27
https://my.bible.com/bible/414/GEN.1.24-27

呢個寫作手法好得意，將「1個神」同「多神」寫埋係同一句。按創世記個寫法可以睇到「神」係一個統稱，由多過一部份組成。而且聖經中講真正嘅神只有呢位創造天地嘅「神」，冇其他。唔會講神A造咗太陽、神B造天空咁。所以呢個位如果我地將「神」當做單一個去理解係解到。用人類方法解佢可以係一個組合。

而耶穌將「一位」呢點再提出返：
'我與父原為一。 '

約翰福音 10:30
https://my.bible.com/bible/414/JHN.10.30

所以我覺得「一神」最好解法係呢個神係一個集合而且緊密結合，好似一個身體唔同部份咁，每個部份都係緊密結合，是但冇一忽都好痛，而你仔細去描述呢個身體都可以睇到有唔同部份。
你整個身體為之「一」

咁點理解列王紀上22章呢？
前半係咁：
'米該雅 說：「你要聽耶和華的話！我看見耶和華坐在寶座上，天上的萬軍侍立在他左右。 耶和華說：『誰去引誘 亞哈 上 基列 的 拉末 去陣亡呢？』這個就這樣說，那個就那樣說。 '

列王紀上 22:19-20
https://my.bible.com/bible/414/1KI.22.19-20

用返以賽亞書 6章個邏輯，呢度可能都係講天上的萬軍自己吹水，所以真正有問題係後面：
'隨後有一個神靈出來，站在耶和華面前，說：『我去引誘他。』 '

列王紀上 22:21
https://my.bible.com/bible/414/1KI.22.21

「有一個神靈出來」呢度令我諗起聖靈降臨使徒
'五旬節到了，門徒都聚集在一處。 忽然，從天上有響聲下來，好像一陣大風吹過，充滿了他們所坐的屋子， 又有舌頭如火焰顯現出來，分開落在他們各人頭上。 他們就都被聖靈充滿，按着 聖 靈所賜的口才說起別國的話來。 '

使徒行傳 2:1-4
https://my.bible.com/bible/414/ACT.2.1-4

由呢度我理解上帝之靈（聖靈）係可以分開好多份。咁用返係「有一個神靈出來」，當時應該係「神」的靈分咗個出黎，而唔係講緊有第二位神。所以冇違反「一神」。

神係咁玩嘢

人係基層生物

地球監獄

Lm

耶撚只係死仆街 基本上係順佢者昌 逆佢者亡

耶和華同釋迦牟尼開會會講d 乜?

耶和華：呢個世界只有一位真神
信我者必得永生
釋迦牟尼：放下執我 恢復真實的如來本性
每個人都是佛

受到新約以及後來發展嘅基督教神學影響，基督徒經常會有誤解，以為以色列人好早就持有一神信仰。
另一點就係，啲人去解讀聖經時，好鍾意用新約去解舊約。
呢兩種釋經方向，都會忽略左經文本身嘅歷史背景，並將後來嘅思想，僭建左喺原初嘅經文之上。


以色列人作為迦南地區嘅其中一個族群，佢哋嘅信仰從多神開始，耕田拜巴力、打仗拜耶和華、生仔拜阿舍拉....
去到王國時期，進一步吸納左迦南至高神El宗教觀，並將自家嘅耶和華等同於El，逐漸形成至高神論(Henotheism)
同一時間，耶和華信仰繼續吸取巴力嘅宗教習俗，拼吞左巴力嘅功能。

但其實要去到第二以賽亞時期，即以賽亞書40-55章部份，一神信仰先開始形成，時間已經係亡國被擄階段。
至於基督徒視之為信仰核心嘅三位一體，就更加要遲至公元三世紀先至出現。


關於舊約多神觀
除左列王紀上22章、以賽亞書第6章外，詩篇82篇都有講：
「上帝站在有權力者的會中，在諸神中行審判。」
多神論色彩並未有抹走。

關於 以色列人耶和華信仰同迦南至高神El嘅融合
關於耶和華信仰同迦南至高神El等同與融合，可見於詩篇19篇：
即係基督徒成日唱嘅「諸天述說上帝的榮耀；穹蒼傳揚他的手段」
詩篇19篇1-6節全部都係講論El，佢本身就係一篇迦南詩篇，講述El同太陽神嘅關係。
後來以色列神職人員將佢移植過嚟，再加上7-14節，都係以耶和華為主角，轉而頌讚律法。

關於 以色列人將巴力信仰移植畀耶和華
有一啲舊約經文直情係從巴力崇拜嘅宗教文獻中移植過嚟。例如詩篇第29篇，就被稱為巴力詩篇。成首詩，基本上係出自敘利亞烏加列地區巴力崇拜嘅文獻。移植過程中，以色列宗教人員只係將神靈嘅名，由巴力改左耶和華。
其中，29篇提及嘅地方，其實都係位於烏加列地區。而呢篇詩嘅文法結構根本就係一首烏加列文讚美詩。

所以說到底都係「三為一體」

可能係上古時代人類，對來歷不明、難以理解嘅苦難，又未有科學頭腦，唯有運用宗教去對苦難作出解釋囉..........咪就係天庭啲蝦兵蟹將喺度打膠囉，屌！害撚到我哋凡間呀！

用一個公元三世紀先至出現嘅「三位一體」觀念
去詮釋返公元前六世紀嘅嘢，仲要定於一尊
意欲將本身係多元嘅歷史文化、百花齊放嘅宗教與思想 大一統

淨化、清洗、單一化................真不該

三位一體係個工具比人理解一個複雜問題
如果有更好工具，三位一體講法自然會淘汰
好似天動說vs 地動說，早期教廷都話地動說係邪說，到現代証明咗地動說先啱，除咗flat earth 班人之外正常人都承認地動說，連教庭都要承認

工具問題唔係大一統vs多元文化，所以巴打你唔可以就咁一句大一統就當反駁完

如果有其他工具好過三位一體應該更加要提倡

打呢個reply個時miss 咗post主個回應
完來已經答咗

照返巴打解釋，即係以色列人到亡國之前都冇守約，走去拜其他神
亡國之後先去守返？