有去過working holiday既巴打麻煩入一入黎

可摸以講下唔同地方wh既分別？
要大概準備幾多錢去會最適合？
同埋聽人講有人試過係澳洲偏遠農場到做過白工，日日做嘢但一蚊都收唔到，其實會唔會有呢個畀人呃情況發生

LM

農場通常黑工 計件 多勞多得

利申：返肉廠白工 偷雞無打針

去過NZ一年，全白工，有搵過job agent, 都有就咁去農場叩門，好鬼靚果時帶左一萬蚊港紙到，好彩第一個禮拜就搵到野做

想問下你大概搵到幾錢

如果冇車牌會唔會唔太方便?

係日本WH過, 唔介意做下餐廳 酒店front desk 都幾易搵工生存到
尤其是香港人識英文日文國語要對外國客既工都幾多
不過依家有武肺就難講

一萬蚊正常頂到幾耐
ching應該英文幾好，直接去叩門

極唔方便，強烈建議係香港考左先。因為一去到，冇架車要搵工好麻煩，始終佢都會傾holiday，我諗大部份人都係做啲比較勞動性嘅工作，所以都唔會話sd CV就可以，好多時都要親自上門, 車就變得好重要

因為我諗好多人去working holiday都係做啲勞動性多嘅工，呢啲工好少會話send CV就可以，好多時都要親自上門，尤其農場, 所以頂硬上

一萬我諗慳d洗都夠個半月

極唔方便，強烈建議係香港考左先。因為一去到，冇架車要搵工好麻煩，始終去得working holiday，我諗大部份人都係做啲比較勞動性嘅工作，所以都唔會話sd CV就可以，好多時都要親自上門, 車就變得好重要

唔好諗得英文咁緊要
就單以英國而言
脫歐前大把歐洲人完全唔識英文都可以喺英國生存到

帶幾多錢睇你計劃係點
一去到就即刻搵工定玩一排先搵
同埋諗唔諗住買車
住宿三餐點安排都有影響

要唔要考車睇你諗住搵咩工 住咩地方
個人建議有得考就係香港考左先
到時要唔要揸車就再算
例如澳洲考車牌你至少第一年要有full license既人係副駕先揸得 對workingholiday 黎講都幾唔方便

搵工既話工廠農場好多都唔太需要英文好
簡單溝通到就得 入到去通常都一大堆華人
農場工可以睇多啲網上有無人comment間公司再揀

係日本做過 黎緊會去英國做
睇你為左咩而黎，我係為左體驗香港無既工作體驗 ，所以揀岩國家好緊要

白工都有計件，大部分農場都係計件，除非係好西既Area,佢地想清埋d樹就會計時薪
農場都有packing工廠，計時薪

澳洲wh 過2年

其實睇你去邊個國家
車牌係日本wh 係預左出去玩仲要一大班人去先會用得著。

住緊日本
想去妞西蘭 / 澳洲

same
已經報左去英國wh

繼續補充番
日本wh 大至分2類，
一種定點住死同一個地方，然後中間去唔同地方小旅行，多數適用於一線城市，做旅遊餐飲業多

一種就每幾個月搬，揾啲包食宿既工，做鄉下或景點地區多 (滑雪場，潛水，温泉旅館，牧場)

走邊種路線係視乎你有幾懶同有幾怕煩，例如我份人好憎通勤好憎念今晚食咩好，所以我一定揀後者。

至於黑工同西工，日本都唔少，但wh基本唔會遇到黑工呢個問題，當然你身邊啲泰仔越南仔有機會係黑工

至於西工就多數係啲人西，而唔係份工西

其實大概一個月搵到幾多，儲唔儲到錢架

依家報大概要等幾耐先批到

遲下諗住去 好想做滑雪場
巴打係咪做過？可唔可以講多啲

幾年前係英國做飲食白工
一個月扣埋稅 1800-2000鎊左右
工時40-60個鐘一星期（自己睇心情編）
每年再拎返大約1000鎊tax refund
我住非倫敦既大城
市中心屋租連水電每月大約250鎊一個月（同個陣男友+另一pair couple 夾兩房單位 所以4人2房先咁平 如果你一個人租單房屋 預500鎊一個月 搵到個人夾2房既就每人300-400鎊左右 再多人就愈多人愈平）
食方面平時多數自己煮（單人計20幾鎊既餸食到一個星期）
間中出街食/外賣 一般平均十幾廿鎊一餐
出城火車費貴 我個度出倫敦 2個鐘火車 大約40鎊來回飛 （睇早唔早買/有冇平飛 個range 可以30到100幾都有）多數去搵friend都係住friend 度 但如果bnb 個啲大概20-30鎊一晚（每人）
我住市中心唔使巴士費 但一般非倫敦大城如果你要搭巴士大概3鎊左右來回 住45分鐘車程以上地方可能再貴少少
日常娛樂主要係出去買下野decorate 屋企 叫啲friend (多數同事）上黎一齊煮下飯仔 出街食下飯
同埋係歐洲旅行 做一排就玩一排咁
計落都去左唔少國家
但係依家咁情況
你黎working holiday = 齋working 同埋hea
英國到2022 年尾都未必100%正常返