有冇人知鬼壓床嗰陣點醒到

我發現自己細個大部份俾鬼責經歷都係心口向天咁訓

但我次次心入面諗屌你老母都掂
屌一次老母唔得就屌夠兩次老母 總知屌到佢怕屌到自己郁得翻 通常屌第2劑老母就醒到

反而唸佛經冇用

以前成日都有
望住個天花板諗野 唔知諗左幾耐先郁到

其實呢個狀態係你意識清醒，但係身體訓咗，係個人準備發夢嘅狀態黎，我之前都成日係咁，訓到咁上下意識醒嘅但係想郁又郁唔到，成日諗住係咪有野搞我呀，但係次次過一陣就郁得返，咁有一次又黎，心諗吊你搞我咁多次，都搞唔到乜野出樣啦! 就唔挣扎睇下點，點知唔掙扎過咗陣，成身有啲電流嘅感覺，唔知你明唔明係點啦，跟住轉個身，竟然郁到，但係奇怪嘅事就發生喇，係就係起咗身，但係有個自己仲訓咗响度，心諗靈魂出竅咁得意，之後出去房行下啦，行出去屋企環境有啲變咗，再出街行下，路一樣但鋪頭各樣有啲唔一樣，跟住醒咗，之後次次有呢種狀態都放鬆個人等電流嘅感覺越黎越大，覺得差唔多喇，就試下慢慢轉身，睇下甩唔甩到自己出黎，有時電流唔夠一轉身就醒咗，但係大多數都得嘅，玩過好多次，結論就係，我以清醒嘅狀態進入咗發夢嘅狀態，自己知道係發夢，但係好容易响呢個狀態醒返嘅，其實點解會係咁我唔知，但係我好肯定咁話俾你知，呢個世界應該無乜人可以清楚得我，因為我由驚，去到日日訓覺都想發生，仲要研究點樣可以發生，直頭係好想呢個狀態黎，我可以好負責咁同你講，呢樣係好好玩嘅野黎

通常係咁喺個腦度諗住
郁呀屌你老母快啲郁呀
講多幾次之後就郁到

1.搵宿儺大哥叫佢走

2.領域展開

同時又發惡夢？
呢個要問返啲專科嘅人答
如上面啲留言，可能你呼吸困難問題，影響你大腦嘅運作，要你清醒令你發惡夢同時又未能控制身體肌肉？（我估）

成世淨係試過一次
真係開咗眼叫唔出聲，成身郁唔到
之後我出盡全力咁揸實個拳頭去嘗試郁隻手
再出盡力咁郁兩隻腳
過咗5秒好似札醒咁，出咗身汗就郁得返了

唔理，點解要醒，即刻幻想有隻靚女鬼壓緊自己

我都係集中精神諗郁隻手，郁到通常就無事。

我都會，feel到就黎宅個感覺好正

same,格硬整醒自己就得

畀鬼磧唔係就係郁唔到咩 咁點坐起身

咁就調返轉下次到你壓人

試過兩次

第一次床邊有人既黑影，逼自己用腳踢佢，個影就散開左

第二次見到有個人頭浮係天花板度，嚇親又郁唔到，望真d係屋企人個樣，過多排同個佛教徒講起，佢話應該係鬼化成屋企人個樣

我都係咁
利申：兩個月一次左右

如果真係好眼訓想即刻訓番既話， 可以訓之前大力meet 大髀內側，包你唔會再比鬼壓
利申：本人試過呢招十幾廿次

以前試過考完試扒完枱休息
收卷前想醒但俾鬼壓
幾驚d人以為我暈左


我俾鬼壓果時起碼隻要用力張開
張得開就贏左一半
然後隻手/腳一野用力抽起

係 同埋盡量唔好平訓
打側訓一般都唔會比鬼責

睡眠癱瘓症
Sleep paralysis

https://www.nhs.uk/conditions/sleep-paralysis/
都2021年仲有迷信撚
我建議迷信撚唔好睇醫生

以前唔知點樣學識咗主動俾鬼砸
記得好似差唔瞓着嗰陣突然擘大眼就得
嗰陣晚晚都玩一次先瞓
不過一排無做就唔記得咗點整了

好難呼吸
試過格硬黎
差d 窒息死

我都係，第一次發生時仲以為自己心臟病發，嚇Q死，最後不斷深呼吸先冇事

郁下手指公就得