懶人包 (2) 主要更新其他賣假嘢嘅IG Shop : https://lihkg.com/thread/2352903/
上星期追撃 IG 黑店 @glowverily.beauty，當時店主 Noklam 話會一星期內蒐集好資料俾個答覆大家，但係店主可能要承受太多委屈+太多資料要蒐集，所以暫時都未有任何澄清！
既然係咁，不如就等我歸納吓之前兩個POST，幫大家睇清楚件事
事源有一日我無意發現呢間 IG Shop 賣假 Jo Malone！
見到個盒 + 字體 ( 細心啲會發現 J+M 2個英文字母係特別粗體 ) 已經feel到唔對路
之後睇埋佢哋單枝嘅，都係 JM 特別粗
於是我DM店主，佢首先聲稱自己張產品相只係網上cap圖，但我就話我特別capture你話到貨圖喎，跟住佢就spin去講話自己已經即刻改，無心賣假嘢
呢啲鬼開有條路，俾我發現到連部 FOREO LUNA 3 都勁奇怪！
我求其上網搵到友和張產品圖，人哋 Foreo 個字體根本就無咁粗！
咁店主就開始串過馬撚咁覆啦！
當中佢send咗張相俾我，應該係佢同所謂幫佢喺龍豐入貨嘅朋友嘅對話
講真我唔係好信龍豐會賣啲咁嘅貨，連字體粗幼都唔同，好明顯係假貨！咁抱住求真嘅態度，梗係要問吓龍豐啦，因為當時係星期日所以我用咗WeChat問龍豐客服！
麻煩GLOW店主睇吓人哋龍豐賣嘅Foreo洗臉機，根本就無你賣嘅咁粗架！
就算之後龍豐Whatsapp客服覆埋我，同一隻藍色都唔會字體粗成咁！所以我合理懷疑GLOW店主屈龍豐賣假嘢
如果Noklam店主真係喺龍豐買入假 Foreo 洗臉機，你估佢仲會唔會淨係喺story show啲無舖頭名無產品名嘅單呢？店主勁寸話我無買過就惡意話佢假，大佬你假到個紙袋同盒一睇就知，咁係你廢一嘢俾人拆穿啫
大家即管認準佢隻指甲，因為真心好柒
揭發之後無幾耐，有個自稱客仔走嚟幫口！先話我賤同衰，我堅持佢賣假貨就spin去佢買過佢哋舖頭嘅 Diptyque 同 Byredo 唔係假，同專門店賣嘅無分別！
既然係咁大家又睇睇佢啲 Diptyque
先唔講佢 Diptyque 香薰蠟燭條片喺小紅書偷返嚟，無落credit不特止仲要落自己名！
呢張我幾肯定就係所謂供應商俾佢嘅相，不特止一堆簡體字名，連個盒都暴露咗佢係假貨
暫時淨係搵到呢張清晰真假比較圖
中間佢一度話我針對佢，講真佢賣假嘢就算針對佢根本無錯，但我其實本身有去追撃開假貨香水 + 護膚化妝品！基本上嗰啲 IG Shop 都肯del post say sorry 息事寧人我就算，所以證明我唔係針對佢/熟人私怨，即刻收皮
首先補返張初級分辨 Jo Malone 真假教學，講真你連呢關都過唔到，仲好意思講話我未買就惡意話佢賣假
而且GLOW啲post like數水份含量極高！
雖然我唔喺 IG Shop 買賣嘢，但我都唔想見到有人俾人呃
希望咁多位巴絲可以幫手推，好努力做整合，賣假嘢都要串過馬撚！
我睇緊佢呢個喺車用嘅香薰，我覺得佢送嗰條絲帶有啲奇怪！
