貓 軟便疑問

你點試法？單一肉嘅糧 ？
通常是幾耐先會知架

係咪例如如果我買ziwipeak鹿肉俾佢食
食幾個禮拜如果冇軟便 就再比其他肉佢試？
如果敏感係咪一食又會屙

我個隻4個幾月 食雞胸 日日d屎好靚
聽人講食雞胸夠清 無咁易有軟便問題
但要加營養粉

咁你而家一直都餵翻 ziwipeak 定其他單一肉乾糧都可以喇？

驗屎睇下你係想要好普通果啲睇下有冇蟲，定係想知道佢有蟲同埋係咩蟲，如果係後者既話，應該通常都係send lab驗，所以邊一間都應該可以做到

我隻八個月大貓腸胃敏感，食過一款零食嘔，一款罐嘔，前排軟便，下定決心同佢驗敏感源，埋單2880，都好過比咩佢食都唔放心

我主要比緊ziwipeak嘅羊，但都有比羊+鯖魚味
間中都有比下罐 我有雞成份就唔比

我個兩隻同你有啲似
我試過thrive wellness core嘅全乾 半乾糧或全乾糧佢地都係喪痾爛屎 甚至有俾益生菌消化酵素都無咩效
帶過佢地睇醫生幾次 驗大便 食處方糧同食藥都係有啲軟便
最後係試左ziwipeak嘅乾糧先可以正常返啲（但雞都係唔得 佢地對雞/火雞應該都敏感）
以前佢地每次去廁所就算半夜我都會即刻起身 我怕佢地痾完整到周圍都係 搞到我超大壓力
以家我係3/4食ziwipeak乾糧 1/4食thrive嘅魚罐加水
仲要量個份量 食太多佢地又會痾爛屎
磚：

我試過thrive wellness core嘅全乾 半乾糧或全濕糧佢地*

其實我果隻對魚都有敏感 但我照比小小 香啲佢無咁可憐

早排真係每晚2/3 點執到佢Tuk 屎先安心訓...
又試過訓廳， 等佢地抓沙盤會嘈醒自己去執屎

會驗到乜架... 驗敏感源... 好少聽見

個人經驗～
1）無論轉乜糧都好，一開始係1/4舊糧+3/4新糧，觀察一週先至1/2+1/2，再觀察先至1/4舊糧+3/4新糧。一旦肚瀉就食番新糧，暫時唔好食/減半益生菌

2）食舊糧都勁水便，給果貓咪體力同食慾正常，同佢禁食一餐，減輕腸胃負擔，暫時唔好食/減半益生

3）都唔掂先搵醫生

以上程序，如果出現體力或食慾下降、發燒、屙血，請第一件事帶佢睇醫生

加油！貓咪腸胃好敏感！腸胃唔好嘅幼貓盡量唔好食royal k36或royal bc34，太油。先試halo幼貓先。

祝樓主貓咪健健康康！

其實，如果唔怕煩，可以餵生食或鮮食，增磅好快之餘仲要冇乜肚屙

本身 軟便 （幼長條型 濕濕地 軟身屎)
轉緊新糧都係柯依d 屎
無話變差左／好左 係咪都可以再觀察耐d 先
我唔知要試幾耐先為之要再轉糧

ps 1：9 食左1星期 (打算再拖長d 換糧period)

你係邊間到check 敏感源

一樣樣排除:病,生蟲,敏感,我個人覺得最容易被忽略既係食太多,腸胃overload做成既軟便,如果精神食欲都無問題真係要慢慢試先搵到源頭

佢有一日真係食得好少 有一次靚屎
但平時食個份量都唔多唔夠貓仔每日所需嘅熱量
所以份量嗰度都唔知點計先可以滿足到佢嘅需要而又唔會令佢腸胃overload

⋯⋯要用你自己臭覺同味覺試吓先知，你食到硬硬地，啲味又無咁濃烈，證明貓貓腸胃唔多好，要轉下糧

報告下先， 我隻貓貓依家剩係食恰雞肉. 早晚兩餐會加少少dr mercola 既 digestive enzymes.. 飲既水同蒸雞既水都係用蒸餾水...
好感動.. 靚屎了， 終於都...而且係每兩日一次


前


後

wow!!依個diet食左幾耐
烚雞洗唔洗加營養粉呀？
同埋份量係點？

睇番上面d reply , 7/1 號開始呀
用蒸焗爐. 每日蒸到5條 百佳果隻佳之選雞脊肉.. 分幾次俾隻貓食， 其中兩次會落少少果個enzyme. 其間佢飲用同蒸雞既水都係屈臣氏蒸餾水.. 未有食營養粉.. 依家隔日先柯一次屎。
其實我都唔知邊樣野幫左佢... 但至少， 呢個星期， 我訓覺出街都唔使心掛掛～

咁都好呀 起碼唔再肚柯!
但長期食嘅話應該要加翻鮮食營養粉呀
如果唔係會唔夠營養呀

我個隻仲柯緊

食汪喵星球嘅益生菌好有效

祝你同貓貓好運