貓 軟便疑問

我隻貓仔四個月多dd大 養左個幾月
翻泥就慢慢開始轉糧

一直都有軟便問題
多數係幼長條型 濕濕地 軟身屎

睇過一個醫生話係可以接受嘅程度
另一個醫生就話已經係肚屙 食咗一個星期處方糧好返dd 食返平時個隻又變返長條型濕屎

想問吓
1. 究竟呢個狀態嘅屎
幼長條型 濕濕地 軟身屎 究竟係咪算正常/可接受

2. 如果轉糧正常會有軟便
咁應該要觀察幾耐先帶要再帶佢睇醫生/
先要再考慮轉糧(好似又話唔可以轉咁密)

感謝

會唔會成日去貓沙但無野屙?

有圖先睇到
好難憑空想像啲屎

唔會呀
佢食得痾得玩得 會自已飲水 好精神

你比開咩糧
4個月正常食bb處方糧會好啲

有無驗屎？我個隻4個月大有梨型蟲食乜都屙
食咗兩個星期抗生素 開始好返啲
仲有食乾糧會好d 唔好食咁多罐
可以買啲益生菌俾佢食
調理好咗先開始俾返罐頭佢食
依家佢多數食凍乾無事喇

同埋記得定時杜蟲

一開頭見過屎有透明黏液
醫生話輕微大腸發炎
食左一個星期抗生素同hills i/d罐
之後就食翻wellnesw core

凍乾你係浸翻水餵嗎？

但唔係好想俾佢食hills / Royal canin..

咁你而家比咩?

Wellness core 但佢無乜興趣食
慢慢溝緊N&D幼貓

唸緊食多個月唔得就餵凍乾🥲
所以都想知一般轉糧軟便情況要觀察幾耐

係咪淨係食i/d會靚屎
其他食咩罐都軟便or屙爛？

我隻2個月BB接返黎嘅時候本身係食rc糧
我用咗幾日逐步轉罐 配合益生菌，消化酵素一齊俾 每日有記錄岀入量
暫時兩個禮拜淨係試過有一日軟便 (前段成形 後段爛) 睇返就應該係嗰日餵太多罐 （食咗成140g) 之後幾日再減返就冇事
正常屎應該鏟嘅時候唔會沾到個鏟 一節節架
睇隔離post話乾糧因為多碳水化合物所以啲便便容易成形 唔代表佢真係醫好腸胃
我都係新手 不過我就係濕食派嘅 我諗rule out咗 食太多/溝太多水/乾糧轉罐要調整腸胃/生蟲先？ 仲有會唔會諗吓係咪對個隻罐嘅肉有敏感？ 我主力餵雞罐 隔一兩日先試一款新肉源 會特別留意啲屎
有錯請指正
靚屎

我隻柯緊嗰陣明顯聽到係柯爛屎嘅水聲
即刻鏟起又唔係全水，不過含水量好高但都有成形
一啲都唔乾食好痴鏟(仲好重)
食緊汪喵幼貓罐同iskhan幼貓糧(呢隻成份好)
諗緊餵少啲量俾佢睇下，因為係放題食乾糧(我媽唔忍心佢冇野食係咁俾)

我都餵緊汪喵幼貓罐 好中意食又食到肥肥白白
好似話乾糧放題唔好架 乾濕消化速度本來就唔同 乾要食咗落去一段時間先覺飽肚 貓B又唔識飽 keep住食腸胃冇得休息 食太多未吸收就痾岀黎就變水屎

我本身都係想餵濕為主 乾為副

有一兩日餵左罐就一次拉稀 (應該純粹食得太多)

有一次餵wellness core個日份量減到好少好少 而佢本身都唔多鐘意食 就有一節節硬屎
但個日個份量一定唔夠個suggested 食量

之後食翻多dd話軟翻 都成型 就係長條型 濕濕地 太快清會痴金鏟

所以我做係唔可以食咁多 但個個份量真係好似唔夠
所以我好煩惱。唔知點餵好

罐罐可唔可以餐餐唔同牌子唔同肉？

罐罐可以 我隻垃圾要餐餐唔同味
連續幾餐同味佢會唔食

其實我全部野都係睇晒貓糧資料庫9個post學，唔知interpret得啱唔啱：
罐頭可以餐餐轉呀 試多啲唔同肉，唔同質地嘅罐仲可以避免食厭加吸收全面啲嘅營養 肉醬多脂肪啱BB食添
不過未食過嘅肉源我會小心啲 暫時食過雞 火雞 鹿 都冇事
btw 如果食開垃圾碳水糧轉高蛋白糧好似屙硬 啲人都係建議比益生菌撐過去 如果連屙幾次水便就禁食一餐俾益生菌水
同埋高蛋白糧係唔使食咁多架喎，尤其你唔係全乾 應該唔使食足建議份量
你有冇去計bb需要幾多卡路里？ 我隻b大概食140kcal/day, 汪喵一罐大概120kcal/100gram 姐係全罐嘅話一日要食一罐半左右 如果有時佢食唔到咁多/我唔係屋企 先會用乾糧另外補充剩低嘅卡路里
eg 120kcal 來自罐，20Kcal來自乾 (我餵怪獸部落鮮肉糧 4.15Kcal/gram 姐係5g乾已經夠做)
感覺上會好似好唔飽但係我諗只要calorie intake> requirement就夠？
我都煩惱緊如果轉ziwipeak就需要食更少，好似好肚餓好陰公
有錯請指正again

依家收起啲乾糧佢啦但佢餓起黎乜都食，貓砂又食，地下啲塵又食

我個隻肚餓會去飲水
狠心收長糧啦 有長糧仲會揀飲擇食架
如果屋企長期有人喺度 少量多餐餵密啲 我而家餵緊1日5餐 每次ard 30gram罐

我都有煲嗰個post個excel
所以先唔想佢再食rc

不過依家轉乾糧就冇比罐罐住
想確定隻乾糧冇問題適合佢先
過多陣再慢慢俾返罐
之前係咁比唔同野 搞到都排除唔到係乜嘢搞到佢軟便

因為返工都俾唔到濕糧 點都要試吓食乾先
如果再唔得我先買貴啲買ziwi 俾佢食
不過可能都要轉一個月先知？

我就係覺得好似唔飽好慘
好似人減肥食咗個菠蘿包就爆錶一日唔食得野咁🥲

罐罐我之前都買過幾款佢全部都食
因為佢好鍾意食濕糧
發現有時啲wellness core 食淨加dd水佢都會即刻食晒

係呀凍乾要加水 對貓仔來講都仲有啲硬

如果本身冇蟲冇腸胃炎應該食罐罐都唔會屙 但係本身腸胃唔係太好就唔好係咁食罐罐 可以蒸啲雞肉/三文魚（起骨） 或者真係食返乾糧 等d屎靚返啲先再開始濕食.

我個隻3個月大，餵開汪喵幼貓罐，前日轉左一餐Thrive 幼貓罐即痾爛屎 餵左2日益生菌都係軟便，仲要痾到痴哂毛
日日抹屎忽抹到懷疑人生...長期有屎味
佢又唔係咁肯食乾糧，我包Wellness Core倒多過佢食

訂左汪哂凍乾試下攪唔攪得掂..

Thrive 佢食過 都試過拉稀
咁你而家嗰隻都仲係屙爛屎？你而家都係淨係為返乾糧先？

我嗰隻都係唔鍾意食WC
不過個衰仔肚餓都會係咁二食 之前都倒咗好多
而家轉糧N&D 香口d 溝少少都即刻食
不過最主要希望呢隻糧佢鍾意食得來啲屎會靚啲

我都真係唔知 幼長條軟身算唔算正常 太早清會痴鏟
依家個狀態等多陣先清都會變翻乾d

定一定要一粒粒完全唔黏先叫靚屎