(深夜書房) 村上春樹《人造衛星情人》節錄

你個例子唔多正確
挪威的森林係村上既作品
hocc同gphone唔係反送中既作品或產物，只係佢地係比較出名既參與者

anyway,代表性唔一定等如寫得最好個本既
而邊本最好本身就見人見智

挪威的森林最易入口
無乜魔幻元素 比較直白
愛情故事做主軸 受眾更多

私心最鐘意係人造衛星情人同國境之南太陽之西（未必係最好嗰兩本）
特別係人造衛星情人最後 同學生嗰段真係畫龍點睛

比喻啫
但如果你要認真講點解

我可以話 正如你樓下#28講既
村上最signature 首先肯定係佢魔幻寫實

我話挪威唔夠代表性
係因為佢係村上堆野入面的確係 "唔係咁村上" 嗰本黎

Hi六常

聽風的歌我真係搞唔掂，太淡，淡到好似無主線咁…

1Q84 寫完book1同2, 身痕先寫book3, 我又覺得佢應該係無plan到咁完美…我覺得係佢寫小說既技巧愈黎愈成熟，於是令人覺得係plan好晒…

我係睇唔到主線…
佢頭3本我都唔太掂，但之後果d真係愛不惜手

因為聽風係佢經營緊間Bar個陣，夜深收工每日即興寫D既作品

技術成熟當然係原因 但唔只係咁 我睇過訪問佢係有意為之 唔記得邊本開始佢係一早已經有寫成完整故事嘅打算

我知…但每日寫少少都唔洗咁架
睇左2次，2次睇完都唔知主角做過咩…個腦只知佢成日落bar揾老鼠唔知做咩

有人講代表性 其實一般嚟講 作家嘅第一本書都多數最代表到佢 村上春樹我都覺得唔例外 最想講嘅嘢已經喺晒聽風的歌入面 之後果啲大部分都係用唔同故事再去講多次

你試下咁諗 係真係咩都冇做過果個好似做咗啲咩又冇做啲咩嘅夏天，偏偏最令人懷念
同過去嘅朋友一齊嘅無聊時光、同互有好感嘅女仔錯身而過，已經唔喺度嘅酒吧，永遠唔會再見嘅人，人同人就好似風一樣，咩都冇留低、咩都冇帶走

仲有果啲永遠詞不達意嘅對話 因為每個人講嘢都只會講一半

你咁講，又好似有d道理…
過年長期我睇多1次…

其實都係，之後既故事籠統概括既話就會變成聽風咁

Btw, 都好難幫村上找代表作，或者話代表作呢樣野對村上同讀者都無咩意義。我諗對佢來講寫得好=讀者有共鳴/connection，所以每個人都有自己既代表作。

另外佢既書其實好難定位，自成一格，淨係可以標籤做「小說」，無得再細分了，有懸疑但唔係懸疑小說，有愛情但唔係愛情小說，有心靈雞湯但又唔係心靈小說

我仲以為係我問題 兩套小說我都係睇落麻麻地
擺左幾年仲未捨得完整睇晒

我自己就睇哂村上全部長篇同短篇，特別鐘意1Q84，前前後後睇咗三次


「超過了一定年齡，所謂人生，無非是一個不斷喪失的過程。對您的人生很寶貴的東西，會一個接一個，像梳子豁了齒一樣，從您手中滑落下去。取而代之落入您手中的，全是些不值一提地偽劣品。體能，希望，美夢和理想，信念和意義，或是您所愛的人，這些一樣接著一樣，一個人接著一個人，從您身旁悄然消逝。而且一旦消失，您就再也別想重新找回，連找個代替的東西都不容易。這可真夠戧。有時簡直像是拿刀子在身上割，苦不堪言。」


「世界上的大多數人，並不渴望能正視的真理，絕大多數情況下，真理伴隨著劇烈的痛苦，而幾乎所有人都不渴求伴隨著痛苦的真理，人們學要那種美麗而愉快的故事。多少能讓他們覺得自己的存在有重大意義。正因為如此，宗教才能成立。」

- 村上春樹 《1Q84》

樓主睇完挪威的森林，有冇一種名過於實嘅感覺。唔係唔好睇但無想像中咁好。

https://youtu.be/dRf9ebyuzu0
林夕首歌係咪跟住呢一本小說嚟填詞🥲

國境之南
卡夫卡
關於跑步